Маорифчиён – парчамбардори иқдомҳои ватандӯстона

Маорифчиён – парчамбардори иқдомҳои ватандӯстона

Чуноне ки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Ҷаноби Олӣ муҳтарам Эмомалӣ Раҳмон таъкид намудаанд: «Қонуни асосӣ бо иродаи мардуми кишвар сохти давлатдории навини тоҷиконро ҳамчун давлати демократӣ, ҳуқуқбунёд ва дунявӣ муайян намуд. (далее…)

Суханронии сардори раёсати маорифи вилоят Каримзода О.Қ. дар ҷаласаи Шурои вилоятии Ҳаракати ҷамъиятии Ваҳдати миллӣ ва эҳёи Тоҷикистон дар вилояти Суғд

Муҳтарам Раис,

Ҳозирини гиромӣ!

Соли равон ба санаи тақдирсози таърихи навини халқамон, яъне Истиқлолияти давлатии Ҷумҳурии Тоҷикистон 25 сол пур мешавад.

Ин марҳилаи начандон тӯлонии таърихӣ бори дигар нишон дод, ки таҷикон дар ҳақиқат миллати созандаву бунёдкор, ватандӯсту ватанпарвар, соҳибтамаддуну фарҳангӣ ва сулҳхоҳу таҳаммулгаро буда, метавонанд, бо ваҳдату сарҷамъии худ ҷомеаи воқеан муосири демократӣ, ҳуқуқбунёд, дунявӣ ва ягонаро бунёд намоянд.

Дар робита бо ин, Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Ҷаноби Олӣ муҳтарам Эмомалӣ Раҳмон зимни суханрониашон ба муносибати 18-солагии Рӯзи Ваҳдати миллӣ ба аҳли ҷомеа, аз ҷумла насли наврасу ҷавон муроҷиат намуда гуфта буданд:

«Ин дастоварди бузурги таърихӣ — ваҳдати миллиро гиромӣ доред, онро эҳтирому эҳтиёт кунед, ояндабину дурандеш бошед, парчами ваҳдатро баланд бардоред, ба Ватани маҳбубамон содиқу вафодор бошед ва ҳар порчаи сарзамини аҷдодиро чун ҷони худ азизу чун модар дӯст доред.»

Бояд гуфт, ки ҷомеаҳои меҳнатии муассисаҳои таълимии вилоят ва кулли маорифчиён туфайли роҳандозии фаъолияти пурмаҳсули рӯзмарраи худ дар тарбияи ғояҳои ваҳдати миллӣ, сиёсати ваҳдатофарии Пешвои миллат, Президенти Ҷумҳурии Тоҷикистон Ҷаноби Олӣ мӯҳтарам Эмомалӣ Раҳмон саҳми арзанда мегузоранд.

Аз ҷумла, дар арафаи ҷашни 18-умин солгарди ваҳдати миллӣ дар Раёсати маорифи вилоят бо иштироки олимон, мутахассисон ва омӯзгорони фанни ҷамъиятшиносӣ дар мавзӯи «Ваҳдати миллӣ- асоси пешравии соҳаи маориф» сӯҳбат атрофи мизи мудаввар баргузор гардид. Иштироккунандагон таъкид доштанд, ки ваҳдат таъмингари рушди миллат, таҳкимбахши сулҳу оромӣ ва бунёди осоиштагиву созандагӣ буда, тамоми ҷабҳаҳои ҳаёти мардумро рангину дилнишин мекунад.

Ҳозирини гиромӣ!

Тазаккур бояд дод, ки имрӯз дар шаҳру ноҳияҳои вилоят 914 муассисаҳои таълимӣ амал мекунанд ва ин мактабҳо армияи сернуфузи ваҳдатшиорҳо- 34532 нафар омӯзгоронро фаро мегирад. Дар ҳамаи ин муассисаҳои таълимӣ ташкилотҳои ҷамъиятии Ҳаракати ваҳдати миллӣ фаъолият мекунанд.

Фаъолияти асосии аъзоёни Ҳаракати ҷамъияти ваҳдати миллӣ аз таблиғу ташвиқи дӯстию рафоқат, пешравии иқтисодию иҷтимоии аҳли кишвар иборат мебошад.

Тибқи нақшаи чорабиниҳое, ки дар ҳамаи ин ташкилотҳои ибтидоӣ тартиб дода шудаанд, асоси корҳои тарғиботию ташвиқотиро қиёси санадҳо ва рақамҳои дастовардӣ ташкил медиҳанд.  Солҳои охир ба туфайли кӯшишу ғайрати маорифчиён фаъолияти ташкилотҳои ибтидоии Ҳаракат ба танзим даромада, нишондиҳандаҳо хеле беҳтар шуданд.

Пешвои миллат, Президенти Ҷумҳурии Тоҷикистон Ҷаноби Олӣ мӯҳтарам Эмомалӣ Раҳмон аҳли ҷомеа, махсус маорифчиёнро барои тарбияи ҷавонон дар рӯҳияи ваҳдату худшиносии миллӣ ва ватандӯстӣ талқин намуда, аз ҷумла, таъкид доштанд:

«Ин амр аз аҳли ҷомеа, алалхусус аз аҳли зиё тақозо дорад, ки моҳияти ваҳдату якдилӣ, Ватану ватанхоҳӣ ва ифтихору худшиносии миллиро ба ҷавонон ташвиқ намоянд.»

Вобаста ба ин дар давоми соли таҳсили гузаштаю соли таҳсили равон дар муассисаҳои таълимии вилоят 930 чорабинии талқинкунандаи ваҳдати миллӣ ташкилу баргузор шуданд.

Раёсати маорифи вилоят, раёсат ва шӯъбаҳои маорифи шаҳру ноҳияҳо  ба тарбия намудани насли наврасу ҷавон дар рӯҳияи баланди хештаншиносӣ, ватанпарварӣ, ифтихори миллӣ ва эҳтироми ғояҳои ваҳдату ҳамдилӣ эътибори хоса медиҳанд.

Дар машваратҳои омӯзгорон, семинарҳои доимоамалкунандаи  ҷонишинон оид ба корҳои тарбиявӣ ва мураббиёни корҳои тарбиявии  муассисаҳои таълимӣ конференсияҳои илмӣ–методӣ дар мавзӯъҳои  «Роҳҳои баланд бардоштани сифати тарбияи ватанпарастӣ, хештаншиносӣ», «Тарбияи ҳисси эҳтироми арзишҳои миллӣ дар наврасон ва ҷавонон зимни чораҷӯиҳои маърифати — фарҳангӣ», “Ваҳдат – ормони олии миллат” ташкилу гузаронида шуданд.

Дар муассисаҳои таълимии шаҳру ноҳияҳои вилоят дар арафаи ҷашни солгарди ба имзорасии Созишномаи умумии истиқрори сулҳ ва ризоияти миллӣ ҳар сол тибқи нақшаи тарҳрезишуда конференсияю семинарҳо, озмуни иншои беҳтарин дар мавзӯъҳои худшиносӣ ва худогоҳии миллӣ, тарбияи ватандӯстии ҷавонон гузаронида мешаванд.

Аз ҷумла, дар муассисаҳои таълимии шаҳру ноҳияҳои вилоят озмунҳои иншои беҳтарин дар мавзӯи «Ваҳдат саодат аст», “Дарахти дӯстӣ биншон…”, конференсияҳои илмию оммавӣ, дарсҳои кушод, сӯҳбатҳо, маҳфилҳои ҳозирҷавобон, мусобиқаҳои варзишӣ, барномаҳои ҷолиб ва ғайра гузаронида шуданд.

Ҳамчунин дар муассисаҳои таълимии шаҳру ноҳияҳо бо мақсади дар шуури хонандагон ташаккул додани ғояи миллӣ, бунёд ва таҳкими ҷомеаи демократӣ соатҳои тарбиявии кушод дар мавзӯи “Ваҳдат- сарчашмаи иқбол” гузаронида шуданд, маҳфилҳои доимоамалкунандаи  «Ватандӯстон», «Таърихи Ватан» ва ғайра созмон дода шуда, мунтазам амал мекунанд.

Дигар самти фаъолияти муҳими ваҳдатофаринии мо навиштан ва чопи мақолаҳо дар васфи ваҳдату ҳамдилӣ аст. Дар 156 мақолаҳои иншонамудаи маорифчиён, ки дар саҳифаҳои матбуоти даврии соҳавӣ, вилоятию ҷумҳуриявӣ ба нашр расидаанд, садои дили пурэҳсоси аҳли ҷомеа ифода ёфтааст.

Қабул гардидани Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ-Пешвои миллат»-ро маорифчиёни вилоят гарму ҷӯшон  пазируфтанд. Ҳисси баланди ифтихор ва қаноатмандии онҳо тариқи садою симо ва рӯзномаю маҷаллаҳои даврӣ ба аҳли кишвар аён гардид.

Ҳозирини гиромӣ!

Пешвои миллат, Президенти муҳтарами кишвар Ҷаноби Олӣ муҳтарам Эмомалӣ Раҳмон  дар Паёми худ ба Маҷлиси Олии Ҷумҳурии Тоҷикистон  вобаста ба соҳаи маориф  ва дурнами  он аз ҷумла гуфтаанд:

“Бори дигар таъкид менамоям, ки ояндаи мамлакат аз фаъолияти омӯзгор ва рушди илму маориф вобастагии зич дорад. Дар хотир бояд дошт, ки танҳо миллати босавод метавонад насли соҳибмаърифату донишманд ва кадрҳои арзандаи  давронро ба воя расонад, пеш равад ва дар ҷомеаи мутамаддин мақоми  арзандаи худро пайдо намояд.”

Бо дарназардошти ин, Асосгузори сулҳу ваҳдати миллӣ ба падару модарон, масъулони таълиму тарбия, роҳбарони мақомоти иҷроияи ҳокимияти давлатӣ ва тамоми ҷомеаи шаҳрвандӣ муроҷиат намуданд, ки барои аз мактаб дур намондани  фарзандон саъю талош намоянд, ба донишандӯзӣ ва касбу ҳанаромӯзии наврасону ҷавонон диққати махсус диҳанд. Ҳамзамон бо ин ҳамкориро бо мактаб тақвият бахшанд, барои таълими фарзандон  тамоми шароити заруриро фароҳам созанд.

Ин ҳидояту дастурро сармашқи кори худ намуда, ҷиҳати таҳкими Ваҳдати миллӣ дар соли 2016- Соли фарди солим аҳли маориф нақшаҳои ҷолиби корӣ тарҳрезӣ карданд ва барои татбиқи амалии он аз рӯзҳои нахусти сол фаъолияти босамар доранд.

Боварии комил дорам, ки дар ин самт аъзоён ва фаъолони Ҳараккати Ваҳдати миллӣ ва эҳёи Тоҷикистон дар бари аҳли маориф қарор хоҳанд дошт.

Дар хотима ба ҳамаи Шумо пирӯзию сарбаландӣ таманно намуда, хоҳони онам, ки сулҳу ваҳдати сартосарӣ  пояндаву ҷовидон бошад.

Ба таваҷҷуҳатон ташаккур, саломат бошед!

( 9.02.2016)

Таваҷҷуҳ ба рушди нерӯи созанда

Паёми Президенти Ҷумҳурии Тоҷикистон, Асосгузори сулҳу ваҳдати миллӣ, Пешвои миллат, Ҷаноби Олӣ муҳтарам Эмомали Раҳмон ба Маҷлиси Олии Ҷумҳурии Тоҷикистонро ҷомеаҳои меҳнатии муассисаҳои таълимии вилоят, кулли кормандони соҳаи маориф бо рӯҳбаландии бузург истиқбол намуданд. (далее…)

Раҳнамои имрӯзу фардо

Дар қатори дигар ташкилоту муассисаҳо, корхонаҳо, муассисаҳои таълимӣ, тандурустӣ, кумитаи маҳаллаҳо, деҳаҳои Ҷамоати деҳоти ба номи Ҳайдар Усмонови ноҳияи Бобоҷон Щафуров тамошои дастҷамъонаи Паёми Асосгузори сулҳу ваҳдат, Пешвои миллат, Президенти мамлакат, Ҷаноби Олӣ муҳтарам Эмомалӣ Раҳмон ба Мақоли олии қонунгузори мамлакат, Маҷлиси Олии Ҷумҳурии Тоҷикистон дар гимназияи «Нур» ташкил карда шуд. (далее…)

Тинате, ки аз некиву накӯкорӣ сириштаанд

Зиндагии гурӯҳе аз ашхоси барӯманд рангину ибратомӯз аст ва шиносоӣ бо он хислатҳои наҷибашонро пеши назарҳо ҷилвагар месозад. Дар байни зиёиёни эҷодкор- аҳли илм низ ашхоси соҳибхираду фидокор умр ба сар бурда, дар пешрафти ҳаёти ҷомеа сазоворона саҳм гирифта меоянд. Ходими пешбари Паҷӯҳишгоҳи масоили иҷтимоӣ-сиёсии Академияи илмҳои Федератсияи Русия, номзади илмҳои ҷомеашиносӣ, Шарифҷон Акрамов аз Қабили ҳамин гуна инсонҳои шарифу зариф аст.

Китоби рӯзгори ин инсони наҷиб ва олими сермаҳсулро вараҚгардон карда, бо бисёр саҳифаҳои ҷолиби он дучор омадан мумкин аст. Аз ҳасби ҳоли ин марди закӣ бохабарам, медонам, ки дастпарвари Донишкадаи давлатии Ленингарад (Санкт-Петербург) буда, соле чанд дар мактаби миёнаи зодгоҳаш – Канди бостон вазифаи муаллимиро адо кардааст. Чанд соли умри бобаракаташро Шарифҷон сарфи кори таълиму тарбияи шогирдон дар Донишгоҳи давлатии Хуҷанд ба номи академик Б.Ғафуров ва бахши хуҷандии Донишкадаи политехникии Тоҷикистон намудааст.

Вале меҳри илм, шавқи пайвастан ба доираҳои бонуфузи илмӣ, таҳқиқи масъалаҳои умдаи иҷтимоӣ Шарифҷонро беқарор намуда, тақозо карданд, ки ба аспирантураи Паҷӯҳишгоҳи илмҳои иҷтимоии Академияи илмҳои собиқ Иттиҳоди Шӯравӣ дохил шавад. Ва ҳамин тариқ аз ибтидои солҳои 90-уми асри гузашта тақдир Шарифҷонро бо доираи илмии Москва пайваст ва ӯ то имрӯз дар густариши робитаҳои илмии байни Федератсяи Русияю Тоҷикистон монда нашуда талош меварзад.

Имрӯз олими сермаҳсул Шарифҷон Акрамов муаллифи зиёда аз 50 мақолаҳои илмӣ ва илмию оммавӣ мебошад. Ӯ иштирокчии 10 конфронс ва ҳамоишҳои байналхалқӣ, семинарҳои илмӣ мебошад. Олими варзида дар ҳамоишҳои байналмилалии шаҳрҳои Москва, Истамбул, Ереван, Санкт-Петербург, Уфа, Стерлитамак, Қазон Чебоксари ва щайраҳо доир ба педагогикаи мардумӣ, сотсиологияи оила ва муҳоҷирати меҳнатӣ бо маърӯзаҳои шавқовари илмӣ баромад кардааст.

Ба самимият ва ҷаҳду талоши хастагинопазири олими серщайрат, инсони наҷиб Шарифҷон Акрамов дар мавриди адои вазифаи ректории Донишгоҳи давлатии ҳуқуқ, бизнес ва сиёсати Тоҷикистон мӯътақид гардида будам. Маълум аст, ки имрӯз дар кишвар масъалаҳои танзими муҳоҷирати меҳнатӣ, ҳифзи ҳуқуқи шаҳрвандони муҳоҷир, ҳамкорӣ бо мақомоти марбутаи кишварҳои қабулкунандаи нерӯи корӣ беш аз пеш таҚвият мехоҳад. Бо назардошти ин ҳолат раёсати ДДҲБСТ 5-6 сол муқаддам тасмим гирифт, ки бо истифода аз нерӯҳои илмии кишварҳои хориҷии дуру наздик дар ҳаллу фасли ин масъалаи мубрам саҳм гирад. Ин нияти неки олимон ба Шарифҷон Акрамов писанд омад ва туфайли мусоидати раёсати донигшгоҳу ҳамкории ӯ директори Маркази демографияи иҷтимоӣ ва сотсиологияи иҚтисодии Паҷӯҳишгоҳи таҳҚиҚоти масоили иҷтимоӣ-сиёсии Академияи илмҳои  Федератсияи Русия, прфессор С.В.Рязантсев оростани ҳамоиши мӯҳташами байналмилалиро дар мавзӯи  мушкилаҳои муҳоҷират бо иштироки олимон аз кишварҳои хориҷа  дар шаҳри Хуҷанд ба наҚша гирифт.

Ҳамоиши аввал дар донишгоҳ моҳи ноябри соли 2009 бо натиҷаҳои хеле баланди илмӣ ҷамъбаст гардид. Маърӯзаҳои илмии иштирокдоронаш дар шакли китоби алоҳида ба нашр расид ва аз ҷониби аҳли илм баҳои баландро созовор гардид. Минбаъд туфайли фаъолияти судманди Шарифҷон Акрамов ва ҳамкории раёсати донишгоҳ баргузории ҳамоишҳои сатҳи байналмилалӣ бо иштироки олимони мӯътабари Россияю кишварҳои дигар вусъати тоза гирифт. Дар ин замина паи ҳам 3 сол дар ДДҲБСТ дар чунин сатҳу сифат ҳамоишҳо баргузор гардиданд, ки дар онҳо аз 23 кишварҳои дунё олимону муҳаққиқон фаъолона ширкат варзиданд.

Баргузории ҳамоишҳои мӯҳташами байналхалқӣ муъҷиби мақому манзалати баланд касб кардани донишгоҳ, вусъати робитаҳои ҳамкории муфиди маъвои маърифат бо дигар муассисаҳои илмию таҳсилоти олии касбии кишварҳои хориҷа гардид. Доир ба таъсиси Шуроҳои дифои рисолаҳои номзадӣ ва докторӣ аз ихтисоси назарияи иқтисод дар донишгоҳ, аз Қайди рӯйихати маҷаллаҳои ВАК-и Русия гузаштани маҷаллаи илмӣ- назариявии «Ахбори ДДҲБСТ» ва дигар пешравиҳои муҳими ҳаёти донишгоҳ андеша ронда саҳми Шарифҷон Акрамовро дар амалисозии ин тадбирҳои неку муфид алоҳида зикр кардан лозим аст.

Тинати ин марди хирадро аз некию накӯкорӣ сириштаанд. Ӯ ба ҳайси намояндаи Академияи улуми Ҷумҳурии Тоҷикистон (солҳои 1995-2005), намояндаи ДДҲБСТ дар ҳавзаи илмии Москва (соли 2009-2012) ва айни замон  ҳамчун намояндаи Академияи таҳсилоти Тоҷикистон дар Маскав  ҳамеша дар такопӯи он аст, ки ба ҳар тоҷику Тоҷикистонии дар муҳоҷирату мусофират Қарордошта дасти мадад дароз намояд, дар ҳалли мушкилоташон мусоидат кунад. Ӯ бо рафиқи ҳамкораш, номзади илмҳои иқтисодӣ Ҳалимҷон Зоидов барои тарбияи шогирдони сазовор, рушди илми тоҷик вусъати ҳамкориҳои судманди олимони тоҷику рус монда нашуда заҳмат мекашад.

Ҳамин аст, ки муҳоҷирони тоҷик ва бисёре аз унвонҷӯуну аспирантони корафтода дар ҳаққи ин инсони наҷибу сарбаланд суханҳои некро арзонӣ медоранд. Зеро бо дастгирӣ ва кӯмаки бевоситаи ӯ даҳҳо нафар сазовори унвонҳои илмии номзадиию докторӣ гаштаанд. Инчунин вай дар кори нострификатсияи дипломҳои мактабҳои олии Тоҷикистон пайваста саҳмгузорӣ мекунад.

Инсони наҷибу олими варзида Шарифҷон Юлдошевич Акрамов имрӯз ба синни мубораки 60-солагӣ расидааст. Хеле хушу гуворо аст, ки ба ин муносибат ӯро шогирдону ҳамкоронаш аз тамоми манотиқи кишвар табрик мегӯянду арзи эҳтиром ва таманниёти нек мекунанд. Мо низ ба ин табрики самимӣ шарик шуда, ба дӯст ва бародари азиз Шарифҷон Акрамов саломатӣ, равнақу барорҳои кор ва дар рӯзгору таҳқиқоти илмиаш шасти тоза таманно мекунем.

Осимҷон КАРИМОВ
сардори раёсати маорифи вилоят,
доктори илмҳои таърих, профессор

 

Мӯҷиби ифтихору сарфарозӣ

Дар Иҷлосияи навбатии Маҷлиси намояндагони Маҷлиси Олии Ҷумҳурии Тоҷикистион баррасию қабул шудани Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ- Пешвои миллат» ҳар сокини кишвар, аз ҷумла мо- тарбиятгарони насли ояндасозро басо шоду сарфароз гардонд. (далее…)

Нақши ҷовонони эҷодкор дар пешрафти ҷомеа

9 ноябри соли ҷорӣ бо иштироки хонандагону роҳбарони Марказҳои дарёфт ва рушди истеъдодҳои назди раёсату шуъбаҳои маорифи шаҳру ноҳияҳои Хуҷанд, Қайроққум, Исфара, Конибодом ва Бобоҷон Ғафуров сӯҳбати атрофи мизи мудаввар дар мавзӯи «Нақши ҷавонони эҷодкор дар рушду пешрафти ҷомеа» баргузор гардид. (далее…)