Навигарӣ
«ЧИЛ РӮЗИ ҲАЁТИ КӮДАКОН»
Дар асоси нақшаи чорабинии Мақомоти иҷроияи ҳокимияти давлати шаҳри Гулистон дар кӯдакистони Парасту бахшида ба Рӯзи байналмиллалии ҳифзи кӯдакон гузаронидани озмуни варзишии «Офарин» байни тарбиятгирандагони кӯдакистон ташкил ва гузаронида шуда, ғолибон бо ифтихорнома ва тӯҳфаҳои хотирмон тақдим намуданд. (далее…)
ҒОЛИБИЯТИ МУТЛАҚИ ХОНАНДАГОНИ ВИЛОЯТИ СУҒД ДАР ДАВРИ ҶУМҲУРИЯВИИ СЕССИЯИ БАҲОРИИ «АКАДЕМИЯИ ХУРДИ ИЛМҲО». ИШҒОЛИ 280 ҶОЙИ ИФТИХОРӢ ВА КАСБИ МАҚОМИ АВВАЛ ДАР САТҲИ ҶУМҲУРӢ.
Санаи 29-уми майи соли ҷорӣ дар Мактаби байналмилалии Президентии шаҳри Душанбе 43-юмин Сессияи баҳории Академияи хурди илмҳои Тоҷикистон баргузор гардид. Дар маросими ифтитоҳӣ мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Масрур Абдуллозода, президенти Академияи миллии илмҳои Тоҷикистон Фарҳод Раҳимӣ, муовини якуми вазири маориф ва илми Ҷумҳурии Тоҷикистон Ҷамшед Ҷӯразода, раиси Федератсияи иттифоқҳои касабаи мустақили Тоҷикистон Маликшо Неъматзода иштирок ва суханронӣ карданд.
Пас аз маросими ифтитоҳӣ бахшҳо ба кори худ шуруъ намуданд. Сессияи мазкур аз 11 бахш иборат буда, дар он зиёда аз 700 нафар хонанда лоиҳаҳои илмии худро пешниҳод намуданд.
Аз вилояти Суғд 280 нафар хонандагон корҳои таҳқиқотии худро шоиста муаррифӣ намуданд.
Дар асоси хулосаи ҳайяти ҳакамон ба хонандагони муассисаҳои таълимии вилояти Суғд муяссар гардид , ки 33 нафар Узви ҳақиқии Академияи хурди илмҳо, 47 нафар Узви вобастаи Академияи хурди илмҳо, 64 нафар соҳиби Дипломи дараҷаи 1, 59 нафар соҳиби Дипломи дараҷаи 2, 67 нафар соҳиби Дипломи дараҷаи 3 -ум ва 10 нафар соҳиби Ифтихорнома гарданд.
Дар натиҷа аз рӯи ҷойҳои ба дастоварда ба хонандагони муассисаҳои таълимии вилояти Суғд муяссар гардид, ки бо ба даст овардани 280 ҷойҳои ифтихорӣ дар сатҳи ҷумҳуриявӣ мақоми аввалро ишғол намуда, ғолиби мутлақи озмуни мазкур гарданд.
Лозим ба таъкид аст, ки хонандагони вилояти Суғд- ғолибони озмун бо дипломҳои соҳибдараҷа, аъзои пайваста ва вобастаи Академияи хурди илмҳои Ҷумҳурии Тоҷикистон ва ҳамчунин фаъолон бо «Ифтихорнома»- и Академияи миллии илмҳои Тоҷикистон ва Академияи хурди илмҳои Тоҷикистон қадршиносӣ карда мешаванд.
Гуфтанист, ки даври вилоятии сессияи мазкур дар асоси фармоиши Сардори Раёсати маорифи вилояти Суғд даҳаи сеюми моҳи апрел бо иштироки беш аз 700 нафар хонандагони муассисаҳои таълимӣ дар Маркази таҳсилоти иловагии вилояти Суғд пуршукӯҳ доир гардида, беҳтаринҳо муайян ва ба даври ҷумҳуриявии озмун роҳхат ба даст оварда буданд.
Ҳаракати Академияи хурди илмҳои Тоҷикистон дар вилояти Суғд тибқи Низомномаи тасдиқкардашуда аз ҷониби Маркази таҳсилоти иловагии вилояти Суғд назорат карда шуда, имрӯз дар пояи марказҳои таҳсилоти иловаги шаҳру ноҳияҳои вилояти Суғд беш аз 70 адад маҳфилҳои равияи Академияи хурди илмҳо мавҷуд буда, дар кори он беш аз 5 ҳазор хонандагони муассисаҳои таълимӣ ҷалб карда шудаанд.
Сол аз сол афзоиш ёфтани теъдоди хонандагон ба корҳои илмиву тадқиқотӣ бозгӯ аз таваҷҷӯҳи хонандагон ба илмомӯзиву равнақ додани корҳои таҳқиқотӣ гувоҳӣ медиҳад.
Имсол 43 — умин сессияи бахории Академияи хурди илмҳои Тоҷикистон бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф», солҳои 2020-2040 бахшида шуда, он аз фанҳои дақиқ баргузор карда шуд.
Дастоварди арзандаву шоиста ва музаффарияти навбатиро ба хонандагони муассисаҳои таълимии вилояти Суғд ва омӯзгорону волидайни онҳо сидқан шодбош мегуем.
МАРОСИМИ КУШОДАШАВИИ 43-ЮМ СЕССИЯИ БАҲОРИИ АКАДЕМИЯИ ХУРДИ ИЛМҲОИ ҶУМҲУРИИ ТОҶИКИСТОН
МАРОСИМИ КУШОДАШАВИИ 43-ЮМ СЕССИЯИ БАҲОРИИ АКАДЕМИЯИ ХУРДИ ИЛМҲОИ ҶУМҲУРИИ ТОҶИКИСТОН (далее…)
Қабули шаҳрвандон дар Вазорати маориф ва илми Ҷумҳурии Тоҷикистон
Қабули шаҳрвандон дар Вазорати маориф ва илми Ҷумҳурии Тоҷикистон аз ҷониби вазири маориф ва илм Р.Саидзода, муовини якуми вазир Ҷ.Ҷӯразода ва муовини вазир Л.Абдулхолиқзода (далее…)
ВАТАН ИН ЗОДГОҲ НЕСТ, ВАТАН ТОҶИКИСТОН АСТ
Ҳифзи арзишҳои истиқлолияти давлатӣ, соҳибихтиёрӣ ва якпорчагии Ватани азизамон ҳадафи асосии тамоми мардум кишварамон баҳисоб меравад. Маҳз бо заҳматҳои шабонарӯзии мардуми тоҷик таҳти сарварии Асосгузори сулҳу ваҳдати миллӣ, Пешвои муаззами миллат муҳтарам Эмомалӣ Раҳмон ҳуқуқу озодиҳои шаҳрвандон таъмин буда, мардум дар фазои сулҳу амният кору зиндагӣ мекунанд. Доштани давлати соҳибихтиёру мустақил, забон, урфу одат ва тамаддуни беш аз 6000 сола арзишмандтарин дастоварди миллати тоҷик мебошад. Мутаассифона то ҳанӯз ҳастанд шахсоне, ки зери таъсири унсурҳои бегона қарор гирифта, ба амалҳои ҷиноятӣ даст мезананд, осоиштагии мардумро халалдор намуда ба рушди ҳама соҳаҳои ҷомеа монеаҳо эҷод мекунанд. Гурӯҳҳои муташаккили ҷиноятӣ ҷавононро ба доми фиреби худ дароварда, барои қонеи ҳадафҳои ҷиноятии хеш онҳоро ҳамчун афзори содиркунандаи ҷиноят истифода мебаранд. Воқеаҳои охире, ки тайи рӯзҳои охир дар атрофи шаҳри Хоруғ ва ноҳияи Рӯшонба вуқӯъ пайваст ҳеҷ яки мо, шаҳрвандони кишварро ором намегузорад. Ҳодисаҳои рухдода аз он шаҳодат медиҳад, ки дар инҷо дахолат аз хориҷи кишвар мебошад, зеро мардуми азизи мо ба ин гирдоби ҷанги шаҳрвандӣ якбо гирифтор шуда буданд ва оқибатҳои хунхоронаи ин ҷанги хонамонсузро дарк карда метавонанд. Гурӯҳи хурди ҷиноятии ташкилкардашуда, ки аз номи мардуми шарафманди Бадахшон баромад намуда, дидаву дониста даст ба тазоҳуроту бетартибиҳо зада истодаанд, барои хоҷагони хориҷӣ худро ба марг ва ё паси панҷара бурда мерасонанд. Аз ин лиҳоз мо ҷавонони ноҳияи зафарманди Зафаробод аз мардуми сарбаланди Бадахшон даъват ба амал меорем, ки зиракии сиёсиро аз даст надода фирефтаи дасисаҳои душманони миллат нашаванд ва ин тоифа одамони ҷинояткорро ҷонибдорӣ накунанд.
Ашӯрматов Ф.
Раёсати маорифи вилояти Суғд
Сомона аз тарафи Маркази технологияи информатсионӣ ва коммуникатсияи назди Раёсати маорифи вилоят корбарӣ карда мешавад.
Ватандорӣ шараф асту шараф!
Филми «Шикасти фитна»-родида, гӯё ҷонам дар гирифт. Чаро? Ҳар боре, ки дар бораи оқибатҳои ҷангу нооромиҳои дар кишварҳои хориҷӣ баамаломада мешунавам, аз оромии Тоҷикистони азизамон шукр мегӯям. Вале, мутаассифона, фарзандони нохалаф — хоинони Ватан мехоҳанд, барои пулҳои садақавию ҳароми хоҷаҳои хориҷӣ ба ободии диёр халал расонанд, ҷони чандин бегуноҳонро ба зери ҳавф гузоранд. Ҳар як қадам ва амале, ки барои фитнаву ҷанг анҷом ёфт, нобахшиданист. Чун хизмат ба Ватан-Модар шараф аст, хиёнат ба Ватан баробари хиёнат ба Модар мебошад, ҳеҷ кас бахшидан наметавонад. Ба мардуми иродатманди Бадахшон гуфтаниам, ки чун ранҷу азоби фитнаро бо чашм диданд, эҳсос карданд, минбаъд сулҳро чун гавҳараки чашм ҳифз намоянд. Ватандорӣ ин хислати хуби инсонист, барои фарди худшинос шараф меоварад.
Навбаҳор Сотқинова,
омӯзгори фанни забон ва
адабиёти тоҷики МТМУ 22,
ноҳияи Спитамен
Сомона аз тарафи Маркази технологияи информатсионӣ ва коммуникатсияи назди Раёсати маорифи вилоят корбарӣ карда мешавад.
Вохӯрӣ ва мубодилаи афкор
Рўзҳои 25 –уми майи соли 2022 дар Муассисаи таҳсилоти миёнаи умумии №36 бо иштироки 160 нафар омўзгору хонандагони муассисаҳои таълимии Ҷамоати деҳоти Понғоз, 26 май дар Муассисаи таҳсилоти миёнаи умумии №65 бо иштироки 160 нафар омўзгорону хонандагони муассисаҳои таълимии Ҷамоати шаҳраки Шайдони ноҳияи Ашт вохўрӣ бо намояндаи Вазорати маориф ва илми Ҷумҳурии Тоҷикистон сармутахассиси шуъбаи равобити байналмилалӣ, татбиқи лоиҳа ва грантҳои Донишкадаи ҷумҳуриявии такмили ихтисос ва бозомўзии кормандони маориф Ҳангома Қурбонова ва мудири шуъбаи маорифи ноҳия Муяссар Ҳайдарзода оид ба масъалаҳои тарғиби арзишҳои миллӣ, зарурат ва қимати давлатдории дунявӣ ва ҳуқуқбунёд барои мардуми Тоҷикистон, пешгирӣ аз зуҳуроти номатлуби бегонапарастӣ ва дигар ҳаракатҳои ифротӣ, таваҷҷуҳи махсус додан ба пасманзари манфии сиёсисозии динӣ баргузор гардид.Маҳкум намуданд
Ҷомеаи меҳнатии Раёсати маорифи вилояти Суғд, зерсохторҳои он, ҳайати эҷодии нашрияи “Маорифи Суғд” ва замимаи бачагонаи он – “Дурахшандагон” дар толори маҷлисҳои раёсат филми мустанади “Шикасти фитна”-ро муташаккилона тамошо карданд. Воқеаҳои филм оид ба хиёнату ватанфурӯшии чор нафар фарзандони нохалафи Бадахшон – Маҳмадбоқир Маҳмадбоқиров, Холбаш Холбашев, Улфатхоним Мамадшоева, Алим Шерзамонов (муқими яке аз кишварҳои Аврупо, муовини созмони террористии бо ном “Паймони миллӣ”) ба таври возеҳу равшан нақл мекунад.
Фарҷоми ҷанг оҳу фиғон аст
Филми “Шикасти фитна”, ки тавассути телевизиони Тоҷикистон пахш гардид, тамошобинонро бо решаи фитнаю дасиса ошно намуд.
Дар филм сухан дар бораи он меравад, ки нафарони бадамал бо раҳнамоии Алим Шерзамонов нақшаи амалиёти террористиро дар Бадахшон кашида, мувофиқи барнома онро анҷом медиҳанд.
Маълум гардид, ки барои иҷроиши ин амалиёт гурӯҳи муташаккили террористӣ моҳҳои зиёд тайёрӣ дида, яроқу аслиҳаи оташфишониро ба миқдори зиёд ба Тоҷикистон бо роҳи қочоқ ворид намуда буданд.
Дар шароити имрӯзаи ҷаҳони муосир, ки дар он ошкорову ниҳонӣ падидаҳои номатлуб, аз ҷумла терроризм, экстремизм, ҷинояткории муташаккил хатару таҳдидҳои навро ба миён меоваранд, ҳушёрии сиёсиро боз ҳам баланд бардорем. Дар мактабу дигар муассисаҳои таълимӣ ба шогирдон дарси садоқат ба Ватан, гиромидошти арзишҳои миллӣ, мубориза бо ҳар гуна ифротгароиҳоро омӯзем. Танҳо бо ин васила амалҳои манфури хоинони Ватан Мамадбоқир Мамадбоқиров, Холбаш Холбашов, Улфатнисо Мамадшоеваро пешгирӣ кардан мумкин мегардад.
Бобозода М.
Раёсати маорифи вилояти Суғд