Дар давоми ду рӯз беш аз 8 ҳазор хонандагони муассисаҳои таълимии ноҳияи мазкур ба Марказҳои таҳсилоти иловагии ноҳияи Бобоҷон Ғафуров фориғ аз дарс ташриф оварда, аз шароиту имкониятҳои мавҷуда ҷиҳати касбу ҳунаромузӣ бо роҳнамоии роҳбарони Созмони хонандагон шиносоӣ пайдо намуданд.Аз тарафи роҳбарони маҳфилҳо оиди муассиса, дастовардҳои маҳфил, шароити корӣ, имкониятҳо, имтиёзҳо пурра маълумот дода шуда, барномаҳои рангини фарҳангӣ ва намоиши корҳои дастӣ муаррифӣ карда шуд.
Хонандагони муассисаҳои таълимии ноҳияи Бобоҷон Ғафуров баъди шиносоӣ маҳфилҳои дилхоҳашонро интихоб намуда, худро дар қайд гузоштанд. Гуфтанист,ки танҳо дар рӯзи дарҳои кушод беш аз 7 ҳазор нафар кӯдакон ва наврасон бо шавқ ва ҳавас ба маҳфилҳои Марказҳои таҳсилоти иловагии ноҳияи Бобоҷон Ғафуров сабтином карда шуда, давоми таътили тобистона ба касбу ҳунаромузӣ фаро гирифта мешаванд.
