Дар асоси мактуби Муассисаи давлатии «Маркази ҷумҳуриявии дарёфт ва рушди истеъдодҳо» аз 30.11.2021 № 06/1-120, бо мақсади дарёфти хонандагони болаёқат, санаи 12-уми феврали соли 2022 дар давлати Шоҳигарии Англия Озмуни байналмилалии «TEENEAGLE» аз фанни забони англисӣ тариқи фосилавӣ (онлайн) баргузор гардид. Олимпиадаи мазкур аз рӯи ду категорияи синнусолӣ синфҳои 5-8 ва 9-11 баргузор гардида, дар он 12 нафар хонандагони «Мактаби Президентӣ барои хонандагони болаёқат» шаҳри Бӯстон иштирок намуданд.
Баъди ҷамъбасти даври фосилавии Олимпиада маълум гашт, ки 7 нафар ғолибон ҷойҳои намоёнро ишғол намуда ва роҳхат ба даври ниҳоии Олимпиада гаштанд. Шурӯъ аз моҳи апрели соли ҷорӣ маъмурияти МДТ «Мактаби Президентӣ барои хонандагони болаёқат» дар шаҳри Бӯстон барои иштирокунандагони даври ниҳоии озмуни мазкур ҷадвали дарсҳои тайёрӣ тартиб дода, дарсҳо мунтазам дар таътили тобистона давом дорад.
Ёдовар мешавем, ки даври ниҳоии Олимпиадаи байналммлалии «TEENEAGLE» рӯзҳои 31 июл то 7 августи соли 2022 дар Шоҳигарии Британияи Кабир, шаҳри Лондон, донишгоҳи Брунел баргузор мегардад.
