Тибқи фармоиши Вазири маориф ва илми Ҷумҳурии Тоҷикистон ва ҷиҳати иҷрои дастури Роҳбари Дастгоҳи иҷроияи Президенти Ҷумҳурии Тоҷикистон бо мақсади баргузор кардани вохӯриҳо дар муассисаҳои таълимӣ доир ба тарғиби арзишҳои миллӣ, давлатдории дунявӣ ва ҳуқуқӣ барои мардуми Тоҷикистон, пешгирӣ аз зуҳуроти номатлуби бегонапарастӣ ва дигар ҳаракатҳои ифротӣ Вазорати маориф ва илми Ҷумҳурии Тоҷикистон гурӯҳи корӣ созмон дод. Гурӯҳи корӣ вазифадор шудааст, ки дар муассисаҳои таълимӣ бо иштироки масъулини шаҳру ноҳияҳо мулоқоту вохӯриҳо ташкил намуда, масъалаҳои зикргардидаро шарҳу эзоҳ диҳад.
Мулоқоти шавқовари хонандагони Литсейи физикӣ – математикии №1 ба номи академик Муҳаммад Осимӣ, Гимназияҳои №№ 1,4, Муассисаҳои таҳсилоти миёнаи умумии таълимии №№19, 22, 23-и шаҳри Хуҷанд бо аъзои гурӯҳ, муовини сардори Раёсати таҳлил ва ояндабинии сиёсати хориҷиии Маркази тадқиқоти стратегии назди Президенти Ҷумҳурии Тоҷикистон Алиназар Ашӯров, мудири шуъбаи кор бо кадрҳо ва корҳои махсуси Раёсати маорифи вилоят Набиҷон Раҳмонов баргузор гардид.Баъди маърӯзаи пурмуҳтавои меҳмонон хонандагон аз онҳо ба суолҳои худ ҷавобҳои саҳеҳ гирифтанд.
Чунин мулоқоту суҳбатҳои аъзои гурӯҳ бо хонандагони муассисаҳои таълимии ноҳияи Ҷаббор Расулов низ баргузор мешавад.
