Навигарӣ

Дар мулоқоти анъанавии сарварони муассисаҳои олӣ ва миёнаи касбӣ бо хатмкунандагони шаҳри Истиқлол наздики 500 нафар мактабиёни шаҳр- хатмкунандагони синфҳои 9 ва 11 гирд омададанд.

Муовини аввали раиси шаҳр Аминҷон Шарифзода чорабиниро ҳусни ифтитоҳ бахшида, қайд кард, аз рӯи маълумоти Маркази миллии тестӣ фоизнокии шумораи дохилшавандагон ба муассисаҳои олӣ ва миёнаи касбӣ аз шаҳри Истиқлол  соли равон мувофиқи шаҳру ноҳияҳои кишвар ҷойи чорум аст. Ин нишонаи он аст, ки дараҷаи дониш ва малакаи мактабиёни шаҳр дар қиёс ба солҳои пешин рӯ ба боло ниҳодааст.

Олимҷон Мирмуҳаммедов, сармутахассиси рушди иҷтимоӣ ва робита бо ҷомеаи мақомоти иҷроияи ҳокимияти давлатии вилояти Суғд дар баромадаш таъкид дошт, ки дар солҳои соҳибистиқлолии кишвар таваҷҷуҳ ба соҳаи маориф бештар гардида, сол то сол бо ворид намудани техникаву технологияи замонавӣ ҳам дониши назариявӣ ва ҳам дониши амалии донишҷӯён баланд гардида истодааст. Мулоқоти имрӯза барои интихоби касби довталабон имконияти хубе аст.

Ҷӯразода Ҷамшед Ҳабибуллоҳ, ректори ДДХ аз имконияту шароитҳои ин муассисаи бонуфузи кишвар ҳарф зада, таъкид дошт, ки барои донишҷӯён солҳои охир шароити хуби таҳсил муҳайё гардидааст. Таъсиси студияи телевизионӣ, нашрияи махсус барои донишҷӯён, ташкили маҳфилҳои гуногун  барои тақвияти дониши донишҷӯён заминаи мусоид фароҳам овард.

Мӯъмин Шарифзода, ректори ДДҲБСТ аз дастовардҳои донишҷӯён дар самти варзиш сухан ронда, қайд кард, ки соли равон се нафар донишҷӯён ҷоизадорони мусобиқаҳои сатҳи Осиёву Аврупоӣ гардиданд.

Камолиддин Ғозиев, ноибректори ДКМ дар баромадаш аз робитаи хуби коргоҳҳои саноатии шаҳри Истиқлол бо донишкада ҳарф зада, қайд кард, ки дар ояндаи наздик ин корхонаҳои азим дастпарварони донишкадаро ба кор мегиранд.

Хуршед Мақсудов, муовини директор оид ба таълими ДПДТТ дар шаҳри Хуҷанд ихтисосҳои донишкадаро ба риштаи таҳлил кашида, афзуд, ки имрӯз ҷомеа маҳз ба сохтмончиёну меъморон, муҳандисони соҳаи нақлиёту саноати сабук, энергетикаву барономасозон ва молияшиносону иқтисодчиён бештар ниёз дорад. Ва донишкада бо истифодаи шароиту имкониятҳо барои омода сохтани кадрҳои соҳа пайваста талош меварзад. Падидаи ҷолиб он аст, ки ҳамаи хатмкунандагон бо ҷойи кори баланди музднок таъмин мегарданд. Дар ин росто баргузории ҳамасолаи ярмаркаи «Мутахассисони арзанда» барои робитаи мустаҳками донишкада бо коргоҳҳои кишвар заминаи мусоид фароҳам меорад.

Муовини директори ДИС ДТТ Ҳомидҷон Ҳошимов дар баромадаш гуфт, ки дар донишкада барои омӯзиши забонҳои хориҷӣ аҳамияти бештар дода мешавад. Таъсиси 13 гурӯҳи таҳсил бо забони англисӣ далолати гуфтаҳои болоианд.

Директори муассисаи давлатии коллеҷи тиббии шаҳри Хуҷанд  Илҳом Комилов зимни муаррифии муассисаи худ таъкид дошт, ки 25 проектору тахтаҳои электронӣ, 250 компютерҳои замонавӣ ва лабораторияҳои муҷаҳҳаз барои баланд бардоштани дониши назариявӣ ва амалии донишҷӯён хизмат мекунад. Арзиши нархи шартномавии коллеҷ дар қиёс бар дигар муассисаҳои тиббии вилоят арзон аст ва теъдоди донишҷӯён айни ҳол аз 4,5 ҳазор гузаштааст ва онҳо имруз баробари таҳсил дар муассисаҳои тиббӣ донишашонро сайқал медиҳанд.

Манучеҳра Кенҷазода Солеҳ, директори коллеҷи омӯзгории шаҳри Хуҷанд аз дастовардҳои қадимтарин муассисаи таълимии вилоят ҳарф зада, таҳсил дар муассисаро роҳ кушодан ба дастовардҳои бузург арзёбӣ намуд.

Муовини директори коллеҷи санъат Санам Аминҷонова гуфт, ки қабул ба коллеҷ ба тариқи анъанавӣ буда, дар ин маскани илму ҳунар ҷавонон нозукиҳои касби сарояндагӣ навозандагӣ, рақс, хор, сюита, расмкашиву меъмориро меомӯзанд.

Дар фарҷом хатмкунандагони шаҳр дар бораи ҷорӣ шудани эссе, имтиёзҳо оид ба хобгоҳу квотаҳо, ташкили гурӯҳҳои русиву англисӣ, ба роҳбарони муассисаҳои олӣ саволҳо дода, посухҳои мушаххас гирифтанд.

Дафтари матбуотии ДПДТТ дар шаҳри Хуҷанд

Дар қасри фарҳанги ноҳияи Спитамен мулоқоти анъанавии роҳбарони муасиссаҳои олӣ ва миёнаи касбии вилоят бо хатмкунандагони ноҳия баргузор гардид.

Муовини раиси ноҳия Дилрабо Раҳимӣ вохӯриро ҳусни ифтитоҳ бахшид.

 Намояндаи мақомоти иҷроияи ҳоқимияти давлатии вилояти Суғд Олимҷон Муҳаммедов зимни баромади хеш таъкид дошт, ки сол то сол сафи донишҷӯён аз ноҳияи Спитамен дар муассисаҳои олӣ ва миёнаи касбии вилоят таҳсилмекарда зиёд мегардад. Агар соли таҳсили 2015-2016 ба мактабҳои олии вилоят 376 нафар хатмкунандагони ноҳия дохил шуда бошанд, пас имсол ин рақам ба 776 нафар мерасад.

Ҷамшед Ҷӯразода, ректори ДДХ зимни баромади хеш аз интихоби васеи ихтисосҳо, имкониятҳои фарох додан ба донишҷӯёни соҳибистеъдод, ташкили маҳфилҳо сухан ронда, таъкид дошт, ки шароити хуби таълимӣ имкон медиҳад, то сатҳи таълиму тарбия боло равад.

Дар баромади Мумин Шарифзода, ректори ДДҲБСТ зикр шуд, ки равобити донишгоҳ бо ташкилоту корхонаҳо тақвият ёфта, хатмкунандагон бо ҷойи кори доимӣ таъмин шуда истодаанд.

Мухтор Фозилзода, ректори ДКМТ зимни муаррифӣ гуфт, ки ин муассисаи пешрафта ягона донишкада дар миқёси ҷумҳурӣ барои омодакунии кадрҳои соҳаи геология ва корҳои кӯҳкорӣ махсус ташкил карда шудааст ва солҳои охир сафи хоҳишмандони дар ин ҷо таҳсилмекарда меафзояд.

Директори ДИСДТТ Абдурауф Олимӣ аз роҳандози шудани ихтисосҳо бо забони англисӣ сухан намуда, таъкид дошт, ки айни ҳол чунин гурӯҳҳо ба 13 адад расидаанд.

Хуршед Мақсудов, муовини директор оид ба тарбияи ДПДТТ дар шаҳри Хуҷанд зимни муаррифии донишкада, қайд кард, ки дар факултети информатика ва энергетика мутахассисони соҳаи муҳандисӣ, таъмини барқ, энергетика, телекоммуникатсия ва таъминоти барномавии компютерӣ омода мегарданд. Дар факултети сохтмон ва нақлиёт бошад, муҳандисони сохтмон ва саноати масолеҳи сохтмонӣ, хизматрасонии автомобилӣ ва ташкили ҳамлу нақл дар нақлиёт аз нозукии ин касбҳо огоҳӣ меёбанд. Факултети муҳандисӣ – технологӣ технологҳои баландихтисосро ҳамчун агротехнологи хоҷагиҳои деҳқонӣ, моделер – конструктор ва ташкилотчии соҳаи маҳсулоти дӯзандагӣ, технолог – ташкилотчии серсоҳаи саноати хӯрокворӣ ва меъморӣ тайёр мекунад. Иқтисодчиёну молияшиносони тайёркардаи факултети муҳандисӣ – иқтисодӣ аз беҳтарин мутахассисон дар ҷомеа шинохта шудааст, ки имрӯзҳо дар аксари корхонаҳои саноатии маъруфи кишвар ифои вазифа менамоянд.

Сарвари коллеҷи тиббӣ Илҳом Комилов, директори коллеҷи омӯзгорӣ Манучеҳра Кенҷазода ва муовини директори коллеҷи санъат М.Ҳошимова низ дар баромадҳои худ аз афзалиятҳои муассисаи худ назди ҳозирин суханронӣ намуданд.

Дар рафти муаррифии муассисаҳои таҳсилоти олӣ ва миёнаи махсус ба хатмкунандагон маводҳои ёрирасони иттилоотӣ аз қабили варақаҳо, брошураҳо, нашрияҳо тақсим карда шуда, ҳамзамон аз ҳаёти муассисаҳо видеороликҳо намоиш дода шуд.

Сипас, хамткунандагон доир ба вазъи таҳсил, имкониятҳои донишгоҳҳо, ҳамкориҳои хориҷӣ ва дигар муаммову мушкилоти хеш ба роҳбарони муассисҳои олии вилоят саволҳо матраҳ намуда, ҷавобҳои қаноатбахш гирифтанд.

Абдусабур Абдуваҳҳобов, котиби матбуотии ДПДТТ дар шаҳри Хуҷанд

Дар заминаи супориши Раиси вилояти Суғд Абдураҳмон Қодирӣ мулоқоти нахустини толибилмону омӯзгорони литсейи хонандагони болаёқати шаҳри Хуҷанд ҷиҳати мубодилаи таҷриба аз роҳу усулҳои таълим ва иштирок дар озмунҳои байналмилалӣ бо муҳассилини пешқадами макотиби миёнаи шаҳр дар Мактаби Президентии шаҳри Хуҷанд баргузор гардид.

Раъно Ҳошимзода, муовини Раиси шаҳри Хуҷанд вохӯриро ифтитоҳ намуда, аз ҷумла қайд кард, ки ҳадаф аз ташкили ин мулоқот баҳрабардорӣ аз таҷрибаи литсейи хонандагони болаёқати шаҳри Хуҷанд дар озмунҳои байналмилалӣ буда, ба ин васила бештар намудани шумораи ғолибони олимпиадаҳои байналхалқӣ аз шаҳри Хуҷанд мебошад.

Тоҳир Рӯзибоев, сарвари литсейи хонандагони болаёқати шаҳри Хуҷанд баромад намуда, аз таъкид дошт, ки омода намудани хонандагон ба олимпиадаҳои байналмилалӣ маъракаъи бисёр муҳим ва дар як вақт душвор аст. Ва ҳамзамон мояи ифтихор аст. Он аз чанд марҳилаҳо иборат буда, талаботи хоси худро дорост. Яке аз он талабот пеш аз ҳама дар муассисаҳои таълимие, ки хоҳиши иштирок дар озмунҳои байналхалқӣ доранд, бояд ҳатман Марказҳои олимпӣ таъсис дода шуда, ба он беҳтарин хонандагонро ҷалб намуд. Дар ин марказҳо омӯзгорони дорои донишу саводи баланд ва бигузор аз дигар муасисаҳо таълимӣ дарс ва машғулият гузаронанд. Барномаи омоданамоии хонандагон Марказҳои олимпӣ мувофиқ ба барномаҳои Олмпиадаҳои байналхалқӣ бошад. Масалан, забони англисиро дар сатҳи фанни интихобшуда аз бар намоянд.

Тоҳир Рӯзибоев афзуд, ки маъмурияти муассисаҳои таълимӣ тамомои имконот ва шароитро ба Марказҳо ва синфҳои олимпӣ муайян созанд. Омӯзгороне, ки машғулият мегузаронанд набояд ягон камбидиеро ҳис кунанд. Лавозимоти таълимӣ, озмоишгоҳ, адабиёти таълимӣ тибқи талабот муҳайё карда бошад. Дар давраи омодагӣ ба Олимпиадаи байналхалқӣ мусобиқаи фаннӣ тибқи талабот ба роҳ монда шавад. Дар таътилҳои зимистона ва тобистона вақти хонандагон низ мувофиқи мақсад истифода шавад.

Исматулло Саидзода, омӯзгори литсейи хонандагони болаёқати шаҳри Хуҷанд назди ҳозирин доир ба навъ ва талаботи Олимпиадаҳои байналмилаӣ иттилоъ дода, аз ҷумла гуфт, ки олимпиадаҳои байналхалқӣ якчанд намуд дорад, аз ҷумла минтақавӣ, фосилавӣ, фаннӣ, лоиҳавӣ ва он асосан дар кишварҳои Амрико, Малайзия, Руминия, Қазоқистон, Тайван, Фаронса ва ғайраҳо гузаронида мешавад. Хонандагони Ҷумҳурии Тоҷикистон дар ин олимпиадаҳо ҳамагӣ 10 сол инҷониб иштирок намуда истодаанд. Сол аз сол талабот ва сатҳи гузаронидани он ҷиддӣ ва баланд мегардад.

Мавсуф ҳамзамон доир ба макон ва вақти гузаронидани олимпиадаҳои байналхалқӣ маълумоти муфассал пешниҳод намуда, суроғаи электронии масъулини баргзории Олимпиадаҳоро пешниҳод намуд.

Исматулло Саидзода ҳамзамон иттилоъ дод, ки масъулияти баргузории як олимпиадаи фосилавии байналхалқиро литсейи хонандагони болаёқати шаҳри Хуҷанд ба даст овардааст, ки ин низ муваффақият аст.

Номбурда зикр кард, ки дар соли хониши 20126-2017 дастпарварони литсейи хонандагони болаёқати шаҳри Хуҷанд дар олимпиадаҳои ҷумҳуриявӣ, байналхалқӣ, минтақавӣ, фосилавӣ ва варзишӣ 65 медалро ба даст оварданд.

Сипас, ғолибони олимпиадаҳои байналхалқӣ Шаҳром Инъомҷонов, Хайрулло Абдуллоев хонандагони литсейи хонандагони болаёқати шаҳри Хуҷанд ва Муҳаммадҷон Ҳакимов, муҳассили литсейи физикӣ-математикии №1 ба номи Муҳаммад Осимӣ аз раванди омодашавӣ, иштирок ва таасуроти худ дар олимпадаҳои байналхалқӣ маълумот доданд.

Муҳаммадҷон Ҳакимов, аз ҷумла гуфт, ки баъди ғолибият дар Олимпиадаи байналмиллаии Донишгоҳи миллии шаҳри Самара ба истироҳатгоҳи байналхалқии «Артек» роҳхат гирифт ва зимни истироҳат дар он ҷо ба ҳайси Президенти гурӯҳ интихоб ва соҳибтамаддун ва бостонӣ будани миллати тоҷикро бори дигар байни давлатҳо муаррифӣ карда, аз иҷрои вазифаи дар ӯҳдааш гузошташуда бо сарбаландӣ баромад.

Осим Каримзода, сардори Раёсати маорифи вилояти Суғд зимни баромади хеш таъкид дошт, ки ғамхориҳои Роҳбарияти Давлату Ҳукумат, Мақомоти иҷрияи ҳокимияти давлатии вилояти Суғд дар соҳаи маориф беназир буда, дар навбати худ ҷавобан ба ин ғамхориҳо хонандагон низ бо дастовардҳои назаррас дар озмуну олимпиадаҳои байналхалқӣ комёб ва ҷойҳои номёнро ба даст оранд. Дастовардҳои соҳаи маорифи вилоят дар ҷумҳурӣ мақоми аввалро касб намудааст, шаҳри Хуҷанд ҳамчун маркази маъмурии вилояти Суғд, чун шаҳри пешрафта, бостонӣ, шаҳри олимон бояд пешсафиро аз даст надиҳад. Саҳми дигар муассисаҳои таълимии шаҳр дар самти ғолибият ба озмун бояд назаррас бошад, фаъолияташонро ҷоннок бояд кард. Роҳу василаҳои аз худнамудани донишҳои муосирро бо истифода аз таҷрибаҳои андӯхтаи литсейи хонандагони болаёқати шаҳри Хуҷанд ва литсейи физикӣ-математикии №1 ба номи Муҳаммад Осимӣ мавриди омӯзиш ва баҳрабардорӣ қарор дод. Дар ин самт пойгоҳи моддиву техники мактабҳо ҷавобгӯ аст ва бояд омӯзгорон аз сидқи дил кор кунанд.

Сардори идораи маорифи вилояти Суғд Осим Каримзода гуфт, ки минбаъд маҳз аз нигоҳи дастовардҳои хонандагон дар лимпиадаҳои ҷумҳуриявӣ ва байналхалқӣ ба фаъолияти омӯзгорон ва роҳбарияти муассисаи таълимӣ баҳо дода мешавад.

Сипас Матлуба Муинова, сарвари муассисаи таълимии «Гулчини маърифат», Дилором Атобоева сарвари муассисаи таълимии ҳамагонии №13-и шаҳри Хуҷанд фикру андеша ва муаммову мушкилоти ҷойдоштаи самти фаъолиятро баён доштанд.

Дар муассисаи таҳсилоти миёнаи умумии рақами 23-и шаҳри Хуҷанд даври вилоятии олимпиадаи мактаббачагони синфҳои 5-8 аз рӯи фанҳои дақиқ  бо иштироки соҳибони ҷойҳои ифтихорӣ ва иштирокчиёни фаъоли даври шаҳриву ноҳиявӣ оғоз ёфт.

Чорабинии тантанавиро, ки ба ин муносибат доир гардид, роҳбари Маркзи дарёфт ва рушди боистеъдодҳои назди Раёсати маорифи вилоят Дилбар Исмоилова ифтитоҳ бахшида, аз қоидаҳои гузаронидани олимпиада ёдовар шуд.

Олимпиада ду рӯз идома ёфта, беҳтаринҳо муайян мегарданд.

Даври вилоятии олимпиада барои синфҳои 9, 10, 11 дар моҳи январ доир мегардад.

Ёдовар мешавем, ки ба хотири боз ҳам баланд бардоштани сатҳи таълиму тарбия ва ҳавасмандии хонандагон соли сеюм аст, ки бо иқдоми мақомоти иҷроияи ҳокимияти давлатии вилояти  Суғд ва Раёсати маорифи вилоят олимпиада миёни хонандагони синфҳои 5 -8 доир мегардад.

Санаи 5 декабр бо иштироки кормандони Раёсати маорифи вилоят, сардорони раёсат ва шуъбаҳои маорифи шаҳру ноҳияҳо, сарварони муассисаҳои зертобеъ, сарварони баъзе аз муассисаҳои таълимӣ, намояндаи прокуратураи вилоят ҷаласаи мушовараи ғайринавбатии Раёсати маорифи вилоят баргузор гардид.

          Ҷаласа бо суханони ифтитоҳии сардори Раёсати маорифи вилоят Каримзода Осим Қосимӣ оғоз гардида, дар он масъалаҳо оид ба Баррасии пешниҳоди Прокуратураи вилояти Суғд аз 01.12.2017, №1/84-п-17с «Оид ба бартараф намудани қонунвайронкуниҳо, сабабу шароитҳои ба онҳо мусоидаткунанда вобаста ба ҳолати иҷрои қонунгузориҳо дар бораи истифодаи маблағҳои буҷетӣ ва ҳифзи амвол дар муассисаҳои таълимии давлатӣ», Баррасии пешниҳоди Прокуратураи вилояти Суғд аз 04.12.2017, №11/85-17 «Оид ба бартараф намудани қонунвайронкуниҳо, сабабу шароитҳои ба он мусоидаткунанда вобаста ба вазъи таъмини хонандагони муассисаҳои таҳсилоти миёнаи умумӣ бо китобҳои дарсӣ ва сифати онҳо» мавриди баррасии ҳамаҷиҳата қарор гирифтаанд.

         Роҷеъ ба масъалаҳои муҳокимашуда сардори Раёсати маорифи вилоят Осим Каримзода аз масъулин пурсиш ба амал оварда, ҷиҳати ислоҳи саривақтии камбудиҳои ҷойдошта дар назди ҳозирин вазифагузорӣ намуд. Ёрдамчии калони прокурори вилоят Зафар Қаюмзода доир ба риояи санадҳои меъёрию ҳуқуқӣ, ислоҳи саривақтии камбудиҳои зикргардида ва минбаъд роҳ надодан ба камбудиҳо дар низоми ҳуҷҷатнигорӣ дар назди ҳозирин суханронӣ намуд.

         Сипас, доир ба натиҷаҳои аттестатсияи литсейи № 6-и шаҳри Исфара, аккредитатсияи литсейи № 1-и шаҳри Конибодом мудири шуъбаи вилоятии Хадамоти давлатии назорат дар соҳаи маориф Абдураҳим Қурбонов маълумоти муфассал пешниҳод намуд.

         Доир ба масъалаҳои зикргардида ва ислоҳи камбудиҳои ҷойдошта сардори Раёсати маорифи вилоят Осим Каримзода дар назди ҳозирин вазифагузорӣ кард.

         Дар ҷаласа инчунин масъалаҳои ҷории ҳаёти соҳаи маорифи вилоят, аз ҷумла аттестатсияи роҳбарони муассисаҳои таълимӣ, рафти зимистонгузаронӣ дар муассисаҳои таълимӣ, истифодаи сарфаркоронаи маблағҳои буҷавӣ, обуна ба нашрияҳои даврӣ ва соҳавӣ ва ғайра мавриди гуфтугӯи муфассал қарор гирифтанд.

     Ҷаласаи ҳайати мушовара бо вазифагузориҳои сардори Раёсати маорифи вилоят Осим Каримзода ба анҷом расид.

Санаи 28 ноябр дар муассисаи ғайридавлатии таълимии «Паймони азизон» даври ниҳоии озмунҳои «Мураббии соли Тоҷикистон- 2017» ва «Муаллими соли Тоҷикистон- 2017» баргузор гардид. Довталабон аз рӯи шарти панҷуми озмунҳо – муаррифӣ донишу маҳорати касбии худро намоиш доданд.

Ҳар ду озмун ба таври кушод, бо иштироки васеи омӯзгорону мураббиён, намояндагони шуъбаҳои маорифи шаҳру ноҳияҳо, собиқадорони соҳа, кормандони воситаҳои ахбор ҷараён гирифт. Қабл аз оғози озмунҳо сардори Раёсати маорифи вилоят Осим Каримзода дар назди аҳли толор суханронӣ намуд ва ба довталабон барору комёбӣ таманно кард.

Дар даври шаҳриву ноҳиявии озмуни «Мураббии соли Тоҷикистон- 2017» 11 нафар ширкат варзида, 5 нафари онҳо – Дилрабо Миркалонова, мураббии кӯдакистони №4, шаҳри Бӯстон, Нигинаи Бобомурод, мураббии кӯдакистони №11, шаҳри Панҷакент, Таҳмина Абдуалиева, мураббии кӯдакистони №23, шаҳри Хуҷанд, Муслима Анварова, мураббии кӯдакистони №1, ноҳияи Спитамен ва Меҳрангез Исмоилова, мураббии кӯдакистони №8, ноҳияи Бобоҷон Ғафуров дар даври вилоятӣ ширкат варзиданд,

Аз рӯи шарти шиносоӣ  Меҳрангез Исмоилова соҳиби 25 хол гардида, шумораи умумии холҳояшро ба 111,5 расонид. Зинаҳои баъдиро  Дилрабо Миркалонова, Таҳмина Абдуалиева, Нигинаи Бобомурод ва Муслима Анварова ишғол намуданд.

Дар даври ниҳоии озмуни «Муаллими соли Тоҷикистон- 2017» низ 5 нафар-  Сафарҷон Раҷабов аз ноҳияи Зафаробод, Раъно Икромова аз ноҳияи Бобоҷон Ғафуров, Адолат Ҳайдарова аз шаҳри Хуҷанд, Наргиза Абдувалиева аз шаҳри Бӯстон ва Раҳима Норматова аз шаҳри Гулистон иштирок карданд. Аз байни онҳо омӯзгори МТМУ № 14, ноҳияи Бобоҷон Ғафуров Раъно Икромова аз рӯи шарти муаррифӣ холи аз ҳама зиёдтар ба даст овард. Дар ҷамъбасти ҳар ду озмун сардори Раёсати маорифи вилоят Осим Каримзода андешаҳояшро баён дошта,  таманно намуд, ки  намояндагони вилоят дар даври ҷумҳуриявӣ низ фаъолона иштирок менамоянд.

Ёдовар мешавем, ки дар даври ҷумҳуриявии озмунҳои «Мураббии соли Тоҷикистон- 2016» ва «Муаллими соли Тоҷикистон- 2016» намояндагони вилояти Суғд  Заррина Рӯзиева ва Замира Рустамова ғолиб гардида буданд.

    Бо мақсади фароҳам овардани  шароити мусоид барои вусъати нерӯи эҷодӣ ва кобилияти кӯдакону наврасон, дарёфти чеҳраҳои нави иҷрокунандагони нақшҳои  таърихӣ, овозхонҳо, навозандагон, раққосон, наттоқон, ровиён ва дигар ҳунармандон, инчунин муҳайё намудани шароити мусоид барои ривоҷу равнақи суннатҳои миллӣ, тарбияи завқи маънавии ҷомеа, амиқгардонии нақш ва  аҳамияти мавзӯҳои тарбиявӣ бахшида ба эълон гардидани соли 2017 — соли ҷавонон ва 25-солагии Иҷлосияи XVI Шӯрои Олии Ҷумҳурии Тоҷикистон даври ҷумҳуриявии фестивал-озмуни «Сапеда» дар Театри давлатии академияи опера ва балети ба номи С.Айнӣ-и шаҳри Душанбе баргузор гардид.

    Дар озмуни мазкур аз  вилояти Суғд ноҳияҳои Ҷ.Расулов ва Ашт, аз  вилояти Мухтори Кӯҳистони Бадахшон ноҳияи Дарвоз, аз вилояти Хатлон шаҳру ноҳияҳои Кӯлоб, Норак, Ҳамадонӣ, шаҳру ноҳияҳои тобеи Марказ Ҳисор, Рӯдакӣ, Шаҳринав, Файзобод, Нуробод, Рашт, Восеъ, Турсунзода, Варзоб, Сино ва Душанбе иштирок намуданд. Озмун аз рӯи 8 бахш «Овозхонӣ», «Навозандагӣ», «Хореография», «Наттоқон», «Композитирони наврас», «Санъати тасвирӣ», «Наққошӣ, кандакорӣ, санъати амалӣ», «Ихтироъкорӣ, лоиҳаи иноватсионӣ ва сомонаи интернетӣ» гузаронида шуд.

    Дар ифтитоҳи озмуни ҷумҳуриявӣ Вазири фарҳанги Ҷумҳурии Тоҷикистон Орумбекзода Ш иштирок ва суханронӣ намуданд.

   Дастаи вилояти Суғдро ғолибони озмуни вилоятии «Сапеда» Каримов Шавкат аз ноҳияи Ҷ.Расулов ва Қосимов Бойназар аз ноҳияи Ашт намояндагӣ намуда, дар бахши наққошӣ, кандакорӣ, санъати амалӣ маҳорати баланди касбӣ нишон доданд. Онҳо бо тӯҳфа ва дипломи Вазорати фарҳанги Ҷумҳурии Тоҷикистон қадрдонӣ карда шуданд. Раёсати маорифи вилояти Суғд барои дастгирии ҳамаҷониба бо дипломи Вазорати фарҳанги Ҷумҳурии Тоҷикистон қадр гардид.

Санаи 14- ноябри соли равон бо иштироки кормандони масъули Раёсати маорифи вилоят, сардорони раёсат ва мудирони шуъбаҳои маориф дар шаҳру ноҳияҳо, ректорон ва намояндагони макотиби таҳсилоти олии касбӣ, сарварони сохторҳои зертобеи соҳавӣ ва намояндагони ташкилотҳои ҷамъиятию созмонҳои байналмилалӣ дар толори маҷлисгоҳи муассисаи таҳсилоти миёнаи умумии хусусии «Ирфон» муаррифии лоиҳаи Кодекси маорифи Ҷумҳурии Тоҷикистон доир гардид. (далее…)

Дар қасри фарҳанги «Суғдиён»-и шаҳри Хуҷанд даври ниҳоии озмуни вилоятии «Мафҳуми андоз аз нигоҳи хонандагон» доир гардид.
Дар қисмати расмии чорабинӣ сардори Раёсати андози вилоят Бахтиёр Султон ва сардори Раёсати маорифи вилоят Каримзода Осим Қосим суханронӣ намуда таъкид доштанд, ки ҳадафи асосии баргузории озмуни мазкур баланд бардоштани дониши ҳуқуқии хонандагон дар мавриди андоз ва андозбандӣ аст. Сипас, дар асоси хулосаҳои ҳайати ҳакамот ғолибон муайян гардиданд. Дар бахши озмуни «Беҳтарин шеър» Олимхон Аҳроров, хонандаи синфи 9 аз МТМУ №38-и ноҳияи Деваштич ғолиб дониста шуда, зинаҳои дуюм ва сеюмро хонадагон Зайнабӣ Ғуфрон, хонандаи синфи 10, МТМУ №3, шаҳри Хуҷанд ва Моҳира Ғаффорӣ, хонандаи синфи 10, МТМУ 35, ноҳияи Масчоҳ ишғол намуданд.
Дар бахши «Иншои беҳтарин» ҷойи аввалро Шамсия Мадалиева, хонандаи синфи 9, МТМУ № 7, ноҳияи Ашт ба даст овард. Зинаҳои баъдӣ насиби Ҳабибахон Ҳасанзода, хонандаи синфи 11, МТМУ №12, ноҳияи Бобоҷон Ғафуров ва Суруш Руҳулло, хонандаи синфи 11, МТМУ№15, шаҳри Панҷакент гардид.
Дар бахши «Расми беҳтарин» ғолибиятро Аъзам Миркамолов, хонандаи синфи 5, МТМУ№28, шаҳри Хуҷанд ба даст овард. Ҷойи дуюмро Баҳтиёр Юлдошев, хонанда аз ноҳияи Ашт соҳиб шуд. Зевар Ҷумъабоева, хонанда аз шаҳри Бӯстон мақоми сеюмро касб намуд.
Ҳамчунин барои ширкати фаъолона дар рафти баргузории озмун мактаб-интернати шаҳри Бӯстон, мактаби Президентии шаҳри Бӯстон, кӯдакистони Президентии шаҳри Хуҷанд, Донишкадаи такмили ихтисос ва бозомӯзии кормандони соҳаи маорифи вилоят, Маркази таҳсилоти иловагии вилоят аз ҷониби таъсисдиҳандагони озмун бо проекторҳо қадрдонӣ шуданд.
Ба ғолибону ҷоизадрони озмун дар вазъияти тантанавӣ диплом ва тӯҳфаҳои хотиравӣ тақдим гардид.
Дар қисмати фарҳангии чорабинӣ аъзоёни Маркази таҳсилоти иловагии назди Раёсати маорифи вилояти Суғд бо баргузории барномаи рангини консертӣ хотири аҳли нишастро шод намуданд.
Ёдовар мешавем, ки озмуни вилоятии «Мафҳуми андоз аз нигоҳи хонандагон» бори аввал бо иқдоми Раёсати андози вилоят дар ҳамкорӣ бо Раёсати маорифи вилояти Суғд доир гардида, ин чорабинӣ минбаъд ба ҳукми анъана медарояд.

     Бахшида ба ҷашнифархундаимиллӣ25 – солагииИҷлосияи XVI  Шӯрои олии Ҷумҳурии Тоҷикистон дар муассисаи томактабии рақами 33 –и шаҳри Хуҷанд озмуни шаҳрии «Ровиёни беҳтарин» баргузор гардид. Ҳадафи асосии озмун парвариши меҳру муҳаббати кӯдакон нисбат ба шеъру сухан, рушди қобилияти фикрӣ, тарбияи зебоипарастӣ, худшиносию хештаншиносии насли наврас мебошад.

     Дар озмун аз 30 муассисаҳои томактабии шаҳр ғолибони даври аввал иштирок карда, аз ашъори суханвари бузурги халқи тоҷик – Камоли Хуҷандӣ ва Шоири халқии Тоҷикистон Фарзона шеърҳо қироат карданд. Ҳайати ҳакамон ба маҳорати наттоқии кӯдакон баҳои баланд дода, беҳтаринҳоро муайян намудаанд.

  Шоҳҷоизаи озмун ба Мунзифа Ҳошимова аз кӯдакистон – ширхоргоҳи рақами 20 насиб гардид.

     Ғолиби озмун бо диплому Ифтихорнома ва ҳамаи иштирокчиён бо тӯҳфаи хотиравӣ сарфароз гардони дашуданд.