Навигарӣ

Сабақи сулҳу Ваҳдат

 285639165_387318033441919_1793100053556519786_n   Сулҳу Ваҳдати миллӣ дар кишварамон – Тоҷикистони соҳибихтиёр, ҳақиқат ва воқеият аст, ки ба фарҳанги сулҳи ҷомеа табдил ёфтааст.
    Аз ин шукрона дорему хушиқболем. Имрӯз 25 сол боз сулҳи тоҷикон мактаби омӯзиш ва баҳрабардорӣ барои кишварҳои сулҳҷӯй муаррифӣ шудааст. Сабақҳои сулҳи тоҷикон боиси омӯзиш қарор гирифта, дигар давлатҳои сулҳхоҳ пайрави он гардидаанд.
    Шароиту вазъ дар назди хурду бузургсоли Ватани маҳбуб сабақеро пеш меоварад: — шароити феълии ҷаҳонӣ аз ҳар як шаҳрванди ватандӯсту миллатпарвари Тоҷикистони соҳибистиқлол бо иқрор тақозо мекунад, ки ба қадри сулҳу оштии миллӣ, Ваҳдату салоҳ, оромиву осудагӣ ва ҳамбастагие, дорем, бирасем, онҳоро беш аз ҳар вақти дигар азизу муқаддас бидонем.
     Аз сабақҳо ва дастовардҳои нодири сулҳу ваҳдатамон тамоми қишрҳои ҷомеаро бохабар созем ва онро ба унсури устувори фарҳанги ҷомеаи худ табдил диҳем. Агар мо — мардуми ин кишвари ваҳдатофар, имрӯз тавонем, ки ин расолати миллиамонро иҷро намоем, бузургтарин, шарафмандтарин сабақе хоҳад буд, ки аз раванди сулҳу ваҳдат, ҳамбастагиву ҳамгироиҳоямон, мушарраф гаштаем.
Маъруфҷон Ҳомидов,
корманди нашрияи “Маорифи Суғд”
09.06.2022 in Вокуниш, Навигарӣ Comments (0)

Авроқи созишнома – рӯзи мубораку таърихӣ

    286836805_390687296438326_3959326343784368689_nЯк шиносам, ки аз илму маърифат, донишу фарҳанг бархурдор мебошад, гуфт: — ба назарам, барои он ки аз таҷрибаи нодири сулҳи тоҷикон сабақҳои даркориро гирифта бошем ва дигар ба иштибоҳе, ки солҳои 90-уми асри гузашта карда будем, роҳ надиҳем, бояд онро ҳаматарафа омӯзем, омӯхта бошем ва дар мактабу донишгоҳҳои қаламрави ҷумҳуриамон таълим додан ба мақсаду мувофиқ мебошад.
Коршиносон мегӯянд, ки оғози болоравии иқтисоди ҷумҳурӣ маҳз баъд аз ба имзо расидани “Созишномаи умумии истиқрори сулҳ ва ризоияти миллӣ дар Тоҷикистон” дар 27-уми июни соли 1997 ба мушоҳида мерасад.
    Ва дар зоти худ нодири сулҳи тоҷикон на танҳо аҳамияти дохилимиллӣ, балки арзиши муҳимми байналмилалӣ низ дошт, таваҷҷуҳи алоҳидаву асосӣ ва фавқуллодаи ҷомеаи ҷаҳонӣ ва созмонҳои бонуфуз ба он гувоҳӣ додаасту имрӯз ҳамин раванд идома дорад.
Созишномаи истиқрори сулҳ ва ризоияти миллӣ – ин рӯзи саид, рӯзи мубораку фархунда ва таърихӣ ба авроқи ҳаёти давлату миллат собит шудааст.
Шоҳина Шамсиева,
хабарнигори “Дурахшандагон”
09.06.2022 in Вокуниш, Навигарӣ Comments (0)

ТАВАҶҶУҲ, бори аввал!

     285733457_387340366773019_4478884078204076963_nБа таваҷҷуҳи довталабоне, ки дер монданд ва мехоҳанд тавассути Маркази миллии тестӣ ба мактабҳои олӣ дохил шаванд ё ихтисосҳои қаблан интихобнамудаашонро иваз намоянд, расонида мешавад, ки нуқтаи бақайдгирии Маркази миллии тестии назди Президенти Ҷумҳурии Тоҷикистон аз 10-уми июн то 30-юми июн бақайдгирии хоҳишмандонро дар заминаи Муассисаи таҳсилоти миёнаи умумии рақами 2- и шаҳри Хуҷанд роҳандозӣ менамояд.

02.06.2022 in Навигарӣ, Чорабинӣ Comments (0)

Меваҳои Истиқлолу Ваҳдат чунин будаву ҳаст!

 285639165_387318033441919_1793100053556519786_n   Ҳар шахсе, ки аз ҳавои сурурангези Истиқлоли давлатӣ ва фазои гуворои Ваҳдати миллӣ нафас кашида, баҳра мебардорад, дар ин сарзамини биҳиштосои қиёснопазир – Тоҷикистони маҳбубу азизу муътабар зиндагӣ мекунад, кору эҷод менамояд, бояд талош варзад, ки масъулияти шаҳрвандӣ миёни ҷомеаи муосир барои муборизаи беамон ба муқобили падидаҳои манфии иҷтимоӣ – мисли коррупсия ва ҷиноятҳои трансмиллӣ, терроризм ва экстремизм, ки таҳдиду хатари ҷиддӣ ба соҳибистиқлолӣ ва соҳибваҳдатӣ мебошад, баланд бардошта шуда, он ба фаъолияти доимӣ ва бомароми ҳар узви ҷомеаи муосири мо қарор бигирад. Масъулияти инсони комилу худшиносу худогоҳи ватандӯст аслан ҳамин аст!
    Истиқлоли давлатӣ ва ҳамдигарфаҳмии аъзои ҷомеа буд, ки дар қаламрави Тоҷикистони маҳбубамон сохтмони бинои истиқоматӣ, таъмиру тармими мактабу кӯдакистонҳо ва бунёдсозии онҳо, мумфарш намудани роҳҳо, таъмир ва сохтмони пулҳои замонавӣ, иншоотҳои обёриву хизматрасонӣ аз ҷониби давлату Ҳукумат, соҳибкорону шахсони меҳанпарвар ба ҳукми анъана даромадааст ва ин иқдомҳо аз ҷониби аҳли ҷомеаи кишвар истиқболи гарму самимиро ба миён меоварад.
    Барои ҳамаи ин иқдомҳои вусъатбор моро зарур аст, шукрона намоем, дилсофу ғайратманд бошем.
Шӯҳрат Сатторов,
корманди Раёсати маорифи вилояти Суғд
02.06.2022 in Вокуниш, Навигарӣ Comments (0)

Терроризм хушунаткорист!

    Коршиносони масоили сиёсӣ мегӯяд:- дар масъалаи терроризму ифротгароӣ ва пешгирии ин зуҳуротӣ номатлуб Тоҷикистон мавқеи дурусту калидӣ дошта, дар шинохти таҳдидҳо мавқеи устуворро гирифтааст ва ҳамеша онро маҳкум мекунад.Вақтҳои охир гурӯҳҳои террористии ДИИШ ва Ҷамоати Ансоруллоҳӣ боз сар брдошта, фаъолияти террористии худро дар саросари ҷаҳон идома медиҳанд. ДИИШ кӯшиши ҷалби тоҷикони минтақаро баҳри анҷоми хушунат ба муқобили давлату Ҳукумат дорад.Дар фазои иттилоотӣ низ гурӯҳи ифротӣ таблиғоти хушунатангезро ба роҳ мондааст ва бо забони тоҷикӣ мавод нашр мекунад.Аз расонаҳои хабарӣ аён мешавад, муаллифони матлаб – ин гурӯҳи тундгаро кӯшиш ба харҷ дода истодаанд, то мушкилотро миёни ифротиён ва кишварҳои ҳамҷавор ба вуҷуд оварда , нооромиву даҳшат ба бор оварданд. Дар ин масир – таъкид мекунанд таҳлилгарони сиёсӣ, мавқеи Тоҷикистони соҳибистиқлоли мо дар шинохти таҳдиду хатарҳо дар миқёси байналмилалӣ воқеӣ ва асоснок мебошанд. Дар ин бора аз ҷониби роҳбарияти сиёсии мамлакат дар нишастҳои байналмилалӣ ҳамеша таъкид мешавад. Кишвари мо – Тоҷикистон чун давлати соҳибихтиёру мустақил ва узви ҷомеаи ҷаҳонӣ дар давоми бештар аз бист сол бо ин зуҳуроти номатлуб, ки онро “вабои аср “ меноманд, мубориза бурда истодааст.
    Бинобар ин мо – мардуми озодандешу дилогоҳи Тоҷикистони маҳбуб бар зидди зоҳиршавии ақидаҳои ифротгароӣ, тундравӣ, экстремистӣ, ки ба ҳамзистии босубот ва бунёдкоронаву пешрафт ва инчунин сатҳи зиндагиву ҳаёти арзандаву шоистаи одамон, давлату миллат монеа мешавад, муттаҳиду сарҷамъу дар арсаи ваҳдату ҳамбастагӣ бошем!
Шарипова М.
Раёсати маорифи вилояти Суғд
02.06.2022 in Вокуниш, Навигарӣ Comments (0)

Хоини миллат аз дониш дур аст

     Дар вазъияти ҷаҳонии ба миёномада, ҷангӯён- террористону гурӯҳҳо ва созмонҳои террористӣ бо ёрии идеология, ришвадиҳӣ ва таҳдидҳо кӯшиш карда истодаанд, ки муаммо ва мушкилиҳои ҳаёти рӯзмарраи одамонро истифода бурда, ғояҳо ва амалҳои террористию ифротии худро дар байни ҷавонон ҷорӣ намоянд.Созмони террористии ба ном Паймони миллӣ дар хориҷи кишвар ва думравонаш дар ҳар куҷо, бо сафсатафурӯшиҳои саркардаи ватанфурӯшу ватангадои пайравони ҳизби наҳзати исломӣ, ки ин созмони бадамалу террористӣ дар Тоҷикистони мо фаъолияташ манъ карда шудааст, хоини миллат Муҳиддин Кабирӣ, дастёри ӯ Алим Шерзамонови беватан, оромии кишварамонро халалдор кардан мехоҳанд. Қисми ифротгароён мисли Холбаш Холбашев, Улфатхоним Мамадшоева, Маҳмадбоқир Маҳмадбоқиров бо кардаҳои худ ва дастнишондодҳои хоҷагони хориҷиашон ба гирдоби амалҳояшон гирифтор гардиданд. Медонем ва хондаем, ки шурӯъ аз 16 –уми ноябри соли 1999, дар кишварамон,Қонуни Ҷумҳурии Тоҷикистон “Дар бораи мубориза бар зидди терроризм” қабул карда шуда, он ҳама гуна муносибатро ба танзим медарорад.
    Таҷрибаи ҳаётӣ собит намудааст, ки ягон шахси донишвару соҳиби илму маърифат даст ба ҷинояту таҳдиду даҳшатафканӣ намезанад. Илму дониш роҳи рости ӯро ҳидоятгар мебошад. Бесабаб Ҳаким Носири Хусрав нагуфтааст.
Асли кас аз кас набошад кам, чу ҷумла з-одаманд,
Лек ҳар кас ҷавҳари илм аст, вологавҳар аст.
Хушбахт касе аст, ки тафаккур ва иродаи пок дорад.
Сарҳатов Б.
Раёсати маорифи вилояти Суғд
02.06.2022 in Вокуниш, Навигарӣ Comments (0)

Таҷлили бошукӯҳ

285730244_386732676833788_3355787471384423671_n    Бо иштироки Раиси вилояти Суғд Раҷаббой Аҳмадзода дар Боғи фарҳангию фароғатии “Наврӯзгоҳ”–и шаҳри Хуҷанд Рӯзи байналмилалии ҳифзи кӯдакон бошукӯҳ таҷлил гардид. Дар ин ҷо гӯшаи зиндаи ҳайвоноту парандаҳои гуногун, гӯшаи саломатӣ ва аёниятҳои табиии тарзи ҳаёти солим, гӯшаи техникони наврас, барномаҳои фарҳангии кӯдакистонҳо, бозиҳои варзишӣ ташкил гардида, маҳсули меҳнати дастии хонандагон–ғолибон ва иштирокдорони озмунҳои “Техникони наврас”, “Дастони моҳир”, “Шаҳри ояндаи ман”, “Ихтироъкорони беҳтарин” ба намоиш гузошта шуда буданд, ки Раиси вилоят аз онҳо дидан намуд.285630776_386735643500158_6869974171456099303_n
   Раиси вилоят муҳтарам Раҷаббой Аҳмадзода баъди таҳнияти тифлакони саодатманд дар суханони табрикотии худ зикр намуд, ки Мақомоти иҷроияи ҳокимияти давлатии вилояти Суғд бобати мустаҳкам намудани заминаи моддию техникии муассисаҳои маориф, баланд бардоштани сатҳи донишандӯзии хонандагон ва рӯ овардани онҳо ба омӯзиши касбу ҳунар пайваста тадбирҳои зарурӣ меандешад.
Ғолибони озмун ва иштирокчиёни тантанаҳои ҷашнӣ аз ҷониби Раиси вилоят ва намояндагони Мақомоти иҷроияи ҳокимияти давлатии вилояти Суғд бо туҳфаҳо сарфароз гардиданд.
   Ҳунарнамоии тифлакони босаодат – дилбохтагони санъат ва тақдими композитсияи адабӣ – мусиқӣ анҷомбахши тантанаҳои Рӯзи байналхалқии ҳифзи кӯдакон гардид.

(далее…)

02.06.2022 in Навигарӣ, Чорабинӣ Comments (0)

«ЧИЛ РӮЗИ ҲАЁТИ КӮДАКОН»

285164729_385851830255206_4611410097539202378_n    285439028_385852130255176_1727409619543721757_n  Дар асоси нақшаи чорабинии  Мақомоти  иҷроияи ҳокимияти давлати шаҳри Гулистон дар кӯдакистони Парасту бахшида ба Рӯзи  байналмиллалии ҳифзи кӯдакон гузаронидани озмуни  варзишии «Офарин»  байни тарбиятгирандагони кӯдакистон  ташкил ва гузаронида шуда, ғолибон  бо ифтихорнома ва тӯҳфаҳои хотирмон  тақдим намуданд. (далее…)

31.05.2022 in Навигарӣ, Чорабинӣ Comments (0)

ҒОЛИБИЯТИ МУТЛАҚИ ХОНАНДАГОНИ ВИЛОЯТИ СУҒД ДАР ДАВРИ ҶУМҲУРИЯВИИ СЕССИЯИ БАҲОРИИ «АКАДЕМИЯИ ХУРДИ ИЛМҲО». ИШҒОЛИ 280 ҶОЙИ ИФТИХОРӢ ВА КАСБИ МАҚОМИ АВВАЛ ДАР САТҲИ ҶУМҲУРӢ.

285392135_385776860262703_5772978594934321029_n    Санаи 29-уми майи соли ҷорӣ дар Мактаби байналмилалии Президентии шаҳри Душанбе 43-юмин Сессияи баҳории Академияи хурди илмҳои Тоҷикистон баргузор гардид.
     Дар маросими ифтитоҳӣ мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Масрур Абдуллозода, президенти Академияи миллии илмҳои Тоҷикистон Фарҳод Раҳимӣ,  муовини якуми вазири маориф ва илми Ҷумҳурии Тоҷикистон Ҷамшед Ҷӯразода, раиси Федератсияи иттифоқҳои касабаи мустақили Тоҷикистон Маликшо Неъматзода иштирок ва суханронӣ карданд.
    Пас аз маросими ифтитоҳӣ бахшҳо ба кори худ шуруъ намуданд. Сессияи мазкур аз 11 бахш иборат буда, дар он зиёда аз 700 нафар хонанда лоиҳаҳои илмии худро пешниҳод намуданд.285447220_385776903596032_4021497887341729417_n
    Аз вилояти Суғд 280 нафар хонандагон корҳои таҳқиқотии худро шоиста муаррифӣ намуданд.
    Дар асоси хулосаи ҳайяти ҳакамон ба хонандагони муассисаҳои таълимии вилояти Суғд муяссар гардид , ки 33 нафар Узви ҳақиқии Академияи хурди илмҳо, 47 нафар Узви вобастаи Академияи хурди илмҳо, 64 нафар соҳиби Дипломи дараҷаи 1, 59 нафар соҳиби Дипломи дараҷаи 2, 67 нафар соҳиби Дипломи дараҷаи 3 -ум ва 10 нафар соҳиби Ифтихорнома гарданд.
     Дар натиҷа аз рӯи ҷойҳои ба дастоварда ба  хонандагони муассисаҳои таълимии вилояти Суғд муяссар гардид, ки бо ба даст овардани 280 ҷойҳои ифтихорӣ дар сатҳи ҷумҳуриявӣ мақоми аввалро ишғол намуда, ғолиби мутлақи озмуни мазкур гарданд.
     Лозим ба таъкид аст, ки хонандагони вилояти Суғд- ғолибони озмун бо дипломҳои соҳибдараҷа, аъзои пайваста ва вобастаи Академияи хурди илмҳои Ҷумҳурии Тоҷикистон ва ҳамчунин фаъолон бо «Ифтихорнома»- и Академияи миллии илмҳои Тоҷикистон ва Академияи хурди илмҳои Тоҷикистон қадршиносӣ карда мешаванд.
    Гуфтанист, ки даври вилоятии сессияи мазкур дар асоси фармоиши Сардори Раёсати маорифи вилояти Суғд даҳаи сеюми моҳи апрел бо иштироки беш аз 700 нафар хонандагони муассисаҳои таълимӣ дар Маркази таҳсилоти иловагии вилояти Суғд пуршукӯҳ доир гардида, беҳтаринҳо муайян ва ба даври ҷумҳуриявии озмун роҳхат ба даст оварда буданд.
     Ҳаракати Академияи хурди илмҳои Тоҷикистон дар вилояти Суғд тибқи Низомномаи тасдиқкардашуда аз ҷониби Маркази таҳсилоти иловагии вилояти Суғд назорат карда шуда, имрӯз дар пояи марказҳои таҳсилоти иловаги шаҳру ноҳияҳои вилояти Суғд беш аз 70 адад маҳфилҳои равияи Академияи хурди илмҳо мавҷуд буда, дар кори он беш аз 5 ҳазор хонандагони муассисаҳои таълимӣ ҷалб карда шудаанд.
    Сол аз сол афзоиш ёфтани теъдоди хонандагон ба корҳои илмиву тадқиқотӣ бозгӯ аз таваҷҷӯҳи хонандагон ба илмомӯзиву равнақ додани корҳои таҳқиқотӣ гувоҳӣ медиҳад.
    Имсол 43 — умин сессияи бахории Академияи хурди илмҳои Тоҷикистон бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф», солҳои 2020-2040 бахшида шуда, он аз фанҳои дақиқ баргузор карда шуд.
    Дастоварди арзандаву шоиста ва музаффарияти навбатиро ба хонандагони муассисаҳои таълимии вилояти Суғд ва омӯзгорону волидайни онҳо сидқан шодбош мегуем.

(далее…)

31.05.2022 in Навигарӣ, Чорабинӣ Comments (0)