Санаи 25 июли соли 2022 дар партави Амри Президенти Ҷумҳурии Тоҷикистон аз 15 сентябри соли 2011, таҳти №АП – 1729 ва тибқи ҷадвали тасдиқнамудаи Раиси вилояти Суғд нишасти матбуотии сардори Раёсати маорифи вилоят бо намояндагони воситаҳои ахбори омма баргузор гардид.Дар нишасти матбуотӣ оид ба натиҷаҳои фаъолияти маорифчиёни вилоят дар нимсолаи аввали соли 2022 ва вазифаҳои навбатии ҷомеаҳои меҳнатии муассисаҳои таълимӣ ҷиҳати баланд бардоштани сатҳу сифати таълиму тарбияи насли ояндасоз сухан рафт.
Дар нишасти матбуотӣ хабарнигорони рӯзномаву ҳафтаномаҳои “Садои мардум” Мирзоаъзам Мақсудов, ”Омӯзгор” Нӯъмон Раҷабзода, “Тоҷикистон” Фарзона Муродӣ, “Ҳақиқати Суғд” Шоира Салимова,” Согдийская правда” Файзулло Ҳасанов, “Суғд ҳақиқати” Ойдиной Сулаймонова, “Суғднюс” Муҳайё Қайюмова, “Фараж” Алишер Охунов, “Спутник” Қамари Аҳрор, рӯзномаи “Корвони умед” Сайфулло Маҳкамов, “Нилуфар” Робия Розиқова, ”Тирози ҷаҳон” Таҳмина Аюбова, нашрияи “Ворисони Суғд” Муслима Раҳимова, ТВ “Суғд” Мастона Муҳиддинова, хабарнигорони ширкатҳои телевизионӣ ва радиошунавонии «Азия» Муниса Атаева, «СМ-1» Меҳрангези Абдуаҳад, «7 Ситора» Ӯғулой Раҷабова, “Диёр” Дилфуза Қурбонова, радиои “Озодӣ” Фарзон Машарифов, радиои “Замон” Абдуҳамид Ҷӯраев ва дигар кормандони васоити ахбори омма, дар маҷмӯъ 23 нафар намояндагони расонаҳои хабарӣ ҳузур доштанд. Мудирони шуъба, роҳбарони воҳидҳои сохторӣ, масъулини пешбурди кори таълиму тарбия низ иштирокчиёни нишаст буданд.
Сараввал сардори Раёсати маорифи вилоят Мадина Набизода оид ба натиҷаҳои фаъолияти маорифчиён давоми нимсолаи аввал гузориш дода, оид ба вазифаҳои навбатии маорифчиёни вилоят дар партави ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон андешаронӣ намуд.
Сипас, байни сардори Раёсати маорифи вилояти Суғд Мадина Набизода ва хабарнигорон оид ба натиҷаҳои фаъолияти маорифчиён дар шашмоҳаи аввали соли 2022 пурсишу посух сурат гирифт.
Дар рафти нишасти матбуотӣ хабарнигорон Сайфулло Маҳкамов, Абдуҳамид Ҷӯраев, Мирзоаъзам Мақсудов, Фарзона Муродӣ, Муслима Раҳимова, Ӯғулой Раҷабова, Мӯниса Атаева, Саидмухтори Саиданвар, Меҳрангези Абдуаҳад, Қамари Аҳрор, Шоира Салимова вобаста ба норасоии омӯзгорон дар муассисаҳои таълимӣ, теъдоди кӯдакони ба синфи якум қабулшаванда, пешгирии фурӯши чиптаҳо дар муассисаҳои таълимӣ, пешгирии ҷинояткории ноболиғон, фарогирии тифлакон ба муассисаҳои томактабӣ, бунёди кӯдакистонҳои нав дар деҳот, таҷҳизонидани кабинетҳои фаннӣ, эҳтиёҷ ба равоншиносон дар муассисаҳои таълимӣ, ба ҷои кор ҳозиршавии мутахассисони ҷавон, ташкили хӯрок дар ошхонаҳои мактабӣ ва назорати сифати он, раванди қабули хонандагон дар Муассисаи нави таълимии Тоҷикистону Россия, таъмини омӯзгорон бо манзили истиқоматӣ, таъминот бо сару либоси тавсиявии мактабӣ, қадршиносии ғолибони олимпиада ва озмунҳои ҷумҳуриявию байналмилалӣ ва дигар саволҳои марбут ба рушди маориф ва сифати таҳсилот муроҷиат карданд.
Аз ҷониби сардори Раёсати маорифи вилоят Мадина Набизода ба суолҳои матраҳшуда возеҳ равшанӣ андохта шуда, бо мисолҳои мушаххас корҳои дар ин самт анҷомёфта шарҳу эзоҳ ёфтанд.
Сардори Раёсати маорифи вилоят М.Набизода дар сухани хотимавиаш ба рўзноманигорон ҷиҳати иштироки фаъолонаашон дар нишаст ва барои ҳамкории муфидашон бо маорифчиёни вилоят самимона изҳори сипос кард.