Баргузории чорабинӣ дар кӯдакистони рақами 28-и шаҳри Хуҷанд таҳти унвони “Чил рӯзи ҳаёти кудакон”, ки ба таҷлили Рӯзи байналмилалии муҳофизати кӯдак бахшида шудааст, падидаи нав дар фазои талиму тарбия буда, умед аст, ки минбаъд дар тамоми вилояти Суғд ба истиқболи гарм рӯ ба рӯ хоҳад шуд. (далее…)
Навигарӣ
ҲАДАФ — АФЗУН НАМУДАНИ ТЕЪДОДИ ФАРОГИРИИ КӮДАКОН БА МАҲФИЛҲОИ МАРКАЗҲОИ ТАҲСИЛОТИ ИЛОВАГӢ. ЧОРАБИНИИ РӮЗИ ДАРҲОИ КУШОД ДАР МУАССИСАҲОИ ТАҲСИЛОТИ ИЛОВАГИИ НОҲИЯИ БОБОҶОН ҒАФУРОВ ПУРШУКӮҲ ДОИР ГАРДИД .
Дар давоми ду рӯз беш аз 8 ҳазор хонандагони муассисаҳои таълимии ноҳияи мазкур ба Марказҳои таҳсилоти иловагии ноҳияи Бобоҷон Ғафуров фориғ аз дарс ташриф оварда, аз шароиту имкониятҳои мавҷуда ҷиҳати касбу ҳунаромузӣ бо роҳнамоии роҳбарони Созмони хонандагон шиносоӣ пайдо намуданд.Аз тарафи роҳбарони маҳфилҳо оиди муассиса, дастовардҳои маҳфил, шароити корӣ, имкониятҳо, имтиёзҳо пурра маълумот дода шуда, барномаҳои рангини фарҳангӣ ва намоиши корҳои дастӣ муаррифӣ карда шуд.
«Фурӯғи субҳи доноӣ китоб аст » дар ноҳияи Зафаробод
Баргузории даври ноҳиявии озмуни ҷумҳуриявии «Фурӯғи субҳи доноӣ китоб аст » дар ноҳияи Зафаробод (далее…)
Сабақи арзишманд
Таҷриба ва омилҳои сулҳи тоҷикон ба ақсои олам собит сохт, ки миллати тоҷик дорои фарҳангу тамаддун ва таърихи бою рангин буда, бо такя ба хиради азалии халқи соҳибфазилат ба даргириҳои дохилӣ хотима бахшид, кишварро аз харобӣ, миллатро аз парокандагӣ, Ватани маҳбубро аз нобудӣ наҷод дод ва бо ҳамин намунаи беназиру қиёснопазири таҷрибаи сулҳофариро барои мамлакатҳои дигар равшану болиғ, бунёдӣ ва комил нишон дод.
Мардуми сарбаланди тоҷик дар зарфи 25-соли пойдории Ваҳдати миллӣ ба дастовардҳои беназирии иқтисодӣ комёб гардиданд. Баъди ба даст овардани сулҳ ва ризояти миллӣ, новобаста аз мушкилот, дар натиҷаи чораҳои андешидаи Ҳукумати Тоҷикистон мамалакати соҳибистиқлоламон ба марҳалаи рушд ворид шуд ва самараи суръат бахшидани корҳои ободониву бунёдкориву созандагӣ ва татбиқи ислоҳоти фарогир дар ҳамаи соҳаҳо пешрафти бо суботи иқтисодиёт ба даст омада, сатҳи зинадагии мардум боло рафт.
Ҳамчун як шаҳрванди Ҷумҳурии Тоҷикистон ифтихор аз ин Ватану миллат менамоям, ки дар даврони соҳибистиқлолӣ, Ваҳдати миллӣ ва фазои орому осоишта умр ба сар бурда, дар соҳаи маорифи миллӣ фаъолият дошта, аз неъматҳои бузурги Ватани аҷдодӣ ва биҳиштосо истифода мебарам.
Маҳз, дар даврони соҳибистиқлолӣ ва Ваҳдати миллӣ Ҳукумати кишварамон бо ҳидоятҳои бунёдии Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тамоми захираву имкониятҳо ва саъю талоши худро ба иҷрои се ҳадафи стратегии давлат – таъмини истиқлолияти энергетикӣ, раҳоӣ аз бунбасти коммуникатсионӣ ва ҳифзи амнияти озуқаворӣ равона сохт, ки имрӯз натиҷаҳои назаррас ба бор оварда, ҷомеаи муосирамон аз он бархурдор буда, некӯаҳволии сокинони диёрамон дар раванди рушду таҳким қарор гирифтааст. Ва ҳоло ҳадафи чоруми стратегии давлат – саноатикунонии босуръати мамлакат бо ташаббус, иқдом ва ҳидоятҳои Пешвои муаззами миллат сарчашма гирифта, давра ба давра амалӣ шуда истодааст.
Агар ба гузашта бо чашми хираду тафаккури воло бингарему таҳлил намоем, мебинем, ки ҳамаи ин дастовардҳо, пеш аз ҳама, ҳосили талошҳо ва азму суботи шабонарӯзии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошанд. Саҳифаҳои таърих бозгӯянд: солҳои 90-уми асри гузашта мардум раванди худшиносӣ ва худогоҳиро ба таври худ фаҳмиданд ва ин омил ба парокандагии ҷомеа оварда расонд ва ин таҳаввулот ба кишвари тозаистиқлоламон таъсири хулро расонд. Сабаби асоси он сатҳи пасти маърифати ҳуқуқӣ ва фарҳангию мафкураи маҳдуди мардум, боло гузоштани манфиати шахсиву гурӯҳӣ аз манофеи давлату миллат буд.
Он айём – давоми беш аз се сол ҳашт даври музокироти сулҳу суботи тоҷикон, бисту як мулоқоти расмиву даҳҳо вохӯриҳои ғайрирасмӣ анҷом дода шуданд, ки ҳадафи асосӣ таъмини сулҳу оромӣ, суботи сиёсиву иҷтимоӣ, ваҳдати миллӣ, ҳарчӣ зудтар ба Ватан баргардондани гурезаҳо ва сарҷамъ намудани миллати парешонгаштаи тоҷик буд. Имзои созишномаи истиқрори сулҳ ва ризояти миллӣ бори дигар ба ҷаҳониён собит намуд, ки тоҷикон дар ҳақиқат яке аз миллатҳои куҳанбунёду мутамаддину хирадманду фарҳангпарвар мебошанд.
Солҳои нахусти соҳибистиқлолӣ ва минбаъд дар ду даҳсолаи аввал мардуми тоҷик марҳалаҳои пурпечутоби таърихи навини худро паси сар намуда, дар ин раванд бо санҷишҳои зиёде рӯ ба рӯ гаштанд. Раво-раво аз буҳрони шадиди иқтисодии солҳои навадуми асри гузашта раҳоӣ ёфта, ба кишвари аз нигоҳи иқтисодӣ рушдёбанда табдил гардидани кишварамон ин ҳосили ваҳдату сарҷамъист.
Айни замон эҳсос мешавад: Тоҷикистони соҳибистиқлол бо рушди иқтисодию иҷтимоӣ мавқеи байналмилалии худро мустаҳкам намуд ва нуфузу ҷойгоҳи он дар равандҳои муосири ҷаҳонӣ баланд гашт, ки ҳамаи ин аз файзу баракати Ваҳдати миллист.
Бо чашми дил эҳсос менамоем, ки тӯли 25-соли Ваҳдати миллӣ барои миллати сарбаланду фарҳангпарвари мо марҳалаи бобарор ва пурифтихор буда, дар заминаи боэътимоди сулҳу оштии миллӣ ва заҳамату фаъолияти пурсамари сокинони мамлакат ҳазорҳо иншооти таъйиноти иқтисодиву иҷтимоӣ, фарҳангию варзишӣ, дар ин ҷараён садҳо ва садҳо муассисаҳои замонавии таҳсилоти миёнаи умумӣ ва томактабӣ ба истифода дода шуданд. Бунёди дигар иншоотҳо давом дорад, ки ин ҳама неъмати соҳибистиқлолӣ ва файзи Ваҳдати миллӣ мебошанд.
Дар ин масир ҳамчун маорифчӣ ҳамкасбони худро бар он даъват менамоям, ки дар шароити ҳассоси ҷаҳони муосир арзишҳои бузурги миллиро аз манофеи фардиву гурӯҳӣ боло гузорем ва дар пойдорию таҳкими суботи сиёсӣ, сулҳу Ваҳдати миллӣ саҳми муносиби хешро гузорем. Ҷавонону наврасони мо бояд аз файзу арзишҳои Ваҳдати миллӣ масъулияти бештаре бардоранд ва дар ин раванд омӯзгорон нақши арзанда дошта бошанд.
Бунёдкорӣ вусъат мегирад
Дар даврони соҳибистиқлолӣ ҷиҳати фароҳам овардани шароити мусоиди таълиму тарбия дар ноҳияи Ашт тадбирҳои муфид рӯи кор омаданд. Аз ҷумла бо иштироки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чанде қабл дар ноҳия биноҳои хуштарҳу замонавии Муассисаи таҳсилоти миёнаи умумии №65 барои 720 нафар хонанда, кӯдакистони хусусии “Бунёд” мавриди истифода қарор гирифтанд.
Д И Қ Қ А Т !
Ба таваҷҷуҳи шаҳрвандон-истиқоматкунандагони шаҳру ноҳияҳои вилояти Суғд мерасонем, ки санаи 21.05.2022, аз соати 08:00 то соати 10:00 дар Мактаби байналмилалии “Контакт”-и шаҳри Исфара аз ҷониби вазири маориф ва илми Ҷумҳурии Тоҷикистон Саидзода Раҳим Ҳамро ва муовинони ӯ қабули сайёри шаҳрвандон баргузор мегардад.
Маросими тақсимоти мутахассисони ҷавон
Дар Муассисаи давлатии “Қасри ҷавонон ба номи Лоиқ Шералӣ”-и маркази вилоят санаи 16-уми май маросими тақсимоти мутахассисони ҷавон – хатмкардагони риштаи омӯзгории Муассисаи давлатии таълимии “Донишгоҳи давлатии Хуҷанд ба номи академик Бобоҷон Ғафуров” барои идомаи фаъолият дар муассисаҳои таълимӣ баргузор гардид.Андар роҳи худшиносӣ бошем
Терроризм ва экстремизм дар байни табақаҳои мухталифи ҷомеа махсусан миёни ҷавонон яке аз муаммоҳои меҳварии ҳаёти башарият буда, оқибат ба бесуботӣ ва вайронкорӣ меорад.
Ҷумҳурии Тоҷикистон пешгирӣ ва мубориза бар зидди терроризм ва экстремизмро ҳамчун вазифаи муҳимтарини таъмини амнияти миллии худ ва тамоми ҷаҳон баррасӣ намуда, барои тақвияти минбаъдаи ҳамкориҳои муштарак дар ин самт баромад мекунад. Имрӯз масъалаи мубориза бар зидди терроризм ва экстремизм яке аз масъалаҳои асосии хусусияти ҷаҳонидошта пайдо кардааст. Ин вабои аср ба амнияти тамоми давлатҳои ҷаҳон таҳдид намуда истодааст, ки Ҷумҳурии Тоҷикистон низ аз он беканор намондааст.
Имрӯз халқ шоҳиди он гардидааст, ки чӣ гуна терроризми байналмиллалӣ амалиёти таҷовузкоронаи худро таҳти ливои сиёсии моҷароҷӯӣ ва таассуби динӣ амалӣ мегардонад.
Сарфи назар аз тадбирҳои солҳои охир андешидашуда дар бахши мубориза бо терроризм, таҳдиди амалҳои нави террористӣ на фақат аз байн нарафтааст, балки афзоиш ёфтааст.
Ифротгароӣ дар кадом шакл, ки бошад, онро мо қабул надорем, чунки он ҳуқуқу озодиҳои инсон ва шаҳрвандонро поймол мекунад. Қайд кардан ҷоиз аст, ки ифротгароӣ асосҳои маънавии ҷомеаро вайрон намуда, ба амнияти минтақа, тамоми ҷаҳон, аз ҷумла ба амнияти Ҷумҳурии Тоҷикистон ҳам таҳдид мекунад. Бинобар он ҳамеша ҳушёру зирак будан шарт аст.
Дар таблиғи ақидаҳои ифротӣ ташкилотҳои махсуси хориҷӣ дар минтақа манфиат доранд ва ин андешаҳоро миёни ҷавонон таблиғ ва интишор мекунанд.
Ҷумҳурии Тоҷикистон ҳамчун як узви комилҳуқуқи ҷомеаи ҷаҳонӣ мубориза бар зидди терроризм ва экстремизмро яке аз ҳадафҳои асосии худ қарор дода, дар ин самт тадбирандешӣ намуда истодааст.
Мо омӯзгорон ҳамеша терроризм ва экстремизмро шадидан маҳкум менамоем. Хонандагонро дар руҳияи ватандӯстию хештаншиносӣ тарбия намуда, ба роҳи дуруст ҳидоят менамоем Инчунин барои ҳифзи якпорчагии ин Ватани биҳиштосо ҳамеша омодаем.
Ба хонандагон талқин менамоем, ки андар роҳи худшиносӣ устуворона қадам гузоранд.
Ситора Ҷӯраева,
омӯзгори фанни таърих ва ҳуқуқи
Литсейи Донишкадаи политехникии
шаҳри Хуҷанд ба номи М.Осимӣ
Мақсад — рушди тафаккури зеҳнӣ
Таҳти сарпарастии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади амалисозии “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” байни хонандагони муассисаҳои таҳсилоти миёнаи умумии шаҳру ноҳияҳои вилоят даври дуюми Озмуни ҷумҳуриявии “Илм – фурӯғи маърифат” баргузор шуда истодааст.Озмун аз рӯи ҳафт номинатсия ҷараён гирифта, дар шаҳру ноҳияҳои Хуҷанд, Деваштич ва Ҷаббор Расулов дар сатҳи баланди тайёрию ташкилӣ ва ғоявӣ сурат гирифтанд.
Ғолибон ҷиҳати иштирок дар даври сеюми озмун, ки дар маркази вилоят барпо мегардад, роҳхат гирифтанд.
Фестивали футбол.
Санаи 15.05.2022 бо дастгирии Федератсияи футболи Тоҷикистон, футболи вилояти Суғд ва Раёсати маорифи вилоят барои тарбиятгирандагони мактаб-интернатҳои вилоят фестивали футбол ташкилу баргузор гардид. Ҳамзамон байни тарбиятгирандагони «Мактаб-интернат барои кӯдакони ятим ва бепарастор»-мақомоти иҷроияи ҳокимияти давлатии вилоят дар шаҳри Бӯстон, мактаб-интернатҳои шаҳри Истаравшан ва ноҳияҳои Спитамен, Б.Ғафуров мусобиқа гузаронида шуд. Дар натиҷа тарбиятгирандагони «Мактаб-интернат барои кӯдакони ятим ва бепарастор»-и мақомоти иҷроияи ҳокимияти давлатии вилоят ғолибиятро ба даст оварданд. (далее…)