Навигарӣ

Дар маҷлисгоҳи Раёсати маорифи вилоят нишасти матбуотии сардори раёсат Осим Каримзода бо намояндагони воситаҳои ахбори омма баргузор гардид.
Дар он оид ба натиҷаҳои фаъолияти маорифчиёни вилоят дар  соли 2019 ва тараддудҳои имрӯзаи ҷомеаҳои меҳнатии муассисаҳои таълимӣ ҷиҳати баланд бардоштани сатҳу сифати таълиму тарбияи насли ояндасоз сухан  рафт.
Дар нишасти матбуотӣ  23 нафар намояндагони расонаҳои хабарӣ ва мудирони шуъбаҳо, роҳбарони воҳидҳои сохторӣ, масъулини пешбурди кори таълиму тарбия ширкат варзиданд. (далее…)

  Тибқи банди 59-уми “Тартиби гузаронидани имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон”, ки бо қарори Ҳукумати Ҷумҳурии Тоҷикистон аз 1-уми марти соли 2018, № 81 тасдиқ шудааст, бо мақсади омода намудани таблиғгарон барои роҳандозии корҳои иттилоърасонӣ дар байни алоқамандони низоми имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ (минбаъд – ИМД) фармоиши директори Маркази миллии тестии назди Президенти Ҷумҳурии Тоҷикистон ба имзо расида буд. Мувофиқи ин фармоиш бо мақсади омӯзонидани таблиғгарони низоми ИМД ва омодасозии онҳо барои сари вақт шинос намудани ҷомеа, бахусус омӯзгорону хатмкунандагони муассисаҳои таълимии таҳсилоти миёнаи умумӣ ва ибтидоию миёнаи касбӣ, бо ин низом курси шиносоӣ дар се сатҳ: ҷумҳуриявӣ, шаҳрию ноҳиявӣ ва муассисаҳои таълимӣ ташкилу баргузор мегардад.
Вобаста ба ин дар маҷлисгоҳи Гимназияи №1 -и ба номи Раҳим Ҷалил семинари шиносоӣ ва омӯзишӣ бо иштироки масъулин ҷараён мегирад.
Имрӯз дар расми ифтитоҳи чорабинии мазкур муовини директори Маркази миллии тестии назди Президенти Ҷумҳурии Тоҷикистон Маҳмадалӣ Раҳмонов, сардори Раёсати маорифи вилоят Осим Каримзода ва Хусрав Азизода иштирок ва баромад намуданд.
Курси мазкур дар доираи барнома ва модули омӯзишӣ давоми 3 рӯз доир шуда, масъулини ташкилкунадагон  роҷеъ ба хусусияти низоми ИМД ва талаботу қоидаҳои муқарраршудаи марбут ба он, хусусан барои бақайдгирии довталабон ва мавзӯъҳои дигари дахлдор дарсҳо сурат мегиранд. Ҳайати кории Маркази миллии тестии назди Президенти Ҷумҳурии Тоҷикистон барои шарҳу тафсили мавзӯъҳои дарсӣ шаклҳои гуногуни таълими интерактивӣ, аз ҷумла муаррифии компютерӣ, маърӯзаҳои хурд, маводди тақсимотии чопию электронӣ ва ғайраро омода намудааст.
Ба таблиғгарон маводди ёрирасони иттилоотӣ ва омӯзишӣ, аз ҷумла дастури иттилоотию методии “Роҳнамои довталаб” ва модули омӯзишии низоми ИМД, тақсим карда мешавад.

Абдусабури Абдуваҳҳоб

Дар озмуни телевизионии ихтироъкорони ҷавон “БОЗЁФТ — 2019”, ки ба ифтихори ҷашни умумимиллии 30- солагии давлатии Ҷумҳурии Тоҷикистон аз ҷониби шабакаи телевизионии “Баҳористон” дар шаҳри Душанбе баргузор гардид,
Раҳимҷон Ҳакимов хонандаи синфи 11, литсейи физикӣ-математикии №1-и  шаҳри Хуҷанд ба номи академик Муҳаммад Осимӣ бо муаррифӣ намудани лоиҳаи худ таҳти унвони “Гармхонаи боақл” сазовори ҷои аввал гашт. Дар ин озмун тамоми ихтироъкорони наврасу ҷавони мамлакат, аз ҷумла аз вилояти Суғд 8 нафар хонандагон иштироки фаъолона намуданд.
Раҳимҷон Ҳакимов, хонандаи синфи 11, литсейи физикӣ-математикии №1, шаҳри Хуҷанд ба номи академик Муҳаммад Осимӣ буда, лоиҳаи худ “Гармхонаи боақл”-ро бо ҳамсабақони худ Абдушариф Абдурафиқӣ ва Муҳаммадаюбҷон Умаров таҳти роҳбарии омӯзгори литсей Ҳусейнҷон Очилов ихтироъ кардаанд.
Ҷоиз ба зикр аст, ки лоиҳаи “Гармхонаи боақл” — бо технологияи навин ба роҳ монда шудааст, ки мувофиқи лоиҳа гармхонаро тавассути барномаи телефони мобилӣ ва тариқи худкор идора карда мешавад.
“Гармхонаи боақл” вазифаҳои зеринро иҷро мекунад: Ба таври автоматӣ ҳисобнамоии ҳарорат; ташкили рӯшноии сунъӣ дар вақти зарурӣ; ба таври автоматӣ обёрикунӣ; ташкили автоматии борони сунъӣ; тавассути телефони мобилӣ идоракунии таҷҳизотҳои гармхона ва ғайраҳо. Лоиҳаи мазкурро метавон дар соҳаи кишоварзии мамлакат ба тариқи густурда ҷорӣ намуд, ки аз нигоҳи манфиатнокӣ муфид аст. Ба ғолиби озмун диплом, нишони озмун ва туҳфаҳои хотиравӣ аз ҷониби ташкилкунандагони такдим карда шуд.

    Дар давраи таътили зимистона бо ташаббуси Маркази таҳсилоти иловагии вилоят дар толори варзишии «Чемпион» — и ноҳияи Ҷаббор Расулов даври вилоятии озмуни «Волейболбозони беҳтарин» байни хонандагони синфхои 9-11  баргузор гардид.
Мусобиқа тайи се рӯз дар сатҳи баланд доир гардида, 10 даста аз шаҳру навоҳии вилоят барои ба даст овардани мақомҳои ифтихорӣ саъю талош варзиданд.  Дастаи  хонандагони муассисаҳои таълимии ноҳияи Ҷаббор Расулов туфайли маҳорати баланди варзишӣ мақоми аввалро соҳиб шуданд. Зинаҳои баъдиро  дастаҳои хонандагони ноҳияи Бобоҷон Ғафуров, шаҳри Конибодом ва ноҳияи Деваштич  ишғол намуданд.
Ғолибон бо Диплому Сипоснома ва тӯҳфаҳои хотиравӣ қадршиносӣ  шуданд. (далее…)

Бо иқдоми Маркази таҳсилоти иловагии вилоят 10 январи соли равон дар муассисаи таҳсилоти миёнаи умумии №16, ноҳияи Ҷаббор Расулов байни хонандагони муассисаҳои таълимӣ даври вилоятии озмуни «Шоҳмотбози бехтарин» баргузор гардид.
Дар озмун аъзои 14 даста аз шаҳру ноҳияҳои вилоят иштирок намуданд. Дар ҷамъбасти озмун ҷойи аввал насиби дастаи хонандагони муассисаҳои таълимии ноҳияи Ҷаббор Расулов гардид.  Ҷойи дуввуму сеюмро дастаҳои шахри Конибодом ва ноҳияи Бобоҷон Ғафуров касб намуданд.
Ба ғолибон ва иштирокчиёни фаъол Диплому Сипоснома ва тухфахои хотиравӣ супорида шуданд.

    Бо мақсади баланд бардоштани эҳсоси ватандорӣ ва дӯст доштани марзу буми кишвар бори аввал бо иқдоми  Маркази таҳсилоти иловагии вилоят дар ҳамкорӣ  бо Ташкилоти ҷамъиятии «Ҷавонон ва ҷомеа» аз 3 то 7 январи соли равон дар Муассисаи давлатии “Истироҳатгоҳи кӯдакон ва наврасони ба номи 20- солагии Истиқлолияти давлатии Ҷумҳурии Тоҷикистон» дар ноҳияи Ҷаббор Расулов дар доираи лоиҳаи Ҳукумати Ҷумҳурии Тоҷикистон лагери ҳарбӣ — ватандӯстӣ таҳти унвони «Ман — муҳофизи Ватан» ташкил ва баргузор карда шуд.
Таи 5 рӯз хонандагони фаъолу аз лиҳози ҷисмонӣ пурқуввати муассисаҳои таълимӣ ва ҷавонони синни даъватӣ ба машқҳои низомӣ, семинарҳои омӯзишӣ ва чорабиниҳои ҳарбӣ — варзишӣ ҷалб гардиданд. Ба хонандагон мутахассисони варзидаи соҳа машғулият гузарониданд.

  Омӯзгори фанни забони англисии Литсейи математикии №1-и шаҳри Хуҷанд Дилафрӯз Умарзода  бо гирифтани 205 хол ғолиби озмуни «Омӯзгори соли Тоҷикистон-2019» дониста шуд.
Озмуни мазкур тайи се рӯз идома дошта, дар он панҷ нафар довталабон аз ВМКБ, вилоятҳои Суғд, Хатлон, шаҳрҳои Душанбе ва Ваҳдат аз рӯйи 7 шарт байни ҳам қувваозмоӣ намуданд.
Омӯзгори фанни физикаи Мактаб–интернати ҷумҳуриявии ноҳияи Рӯшон Ризоалӣ Мамадназарбеков соҳиби 177 хол, омӯзгори фанни географияи мактаби Президентии шаҳри Кӯлоб Некрӯз Турсунзода, омӯзгори фанни таърихи Мактаби байналмилалии президентии шаҳри Душанбе Саидкарим Раҳимов соҳиби 193 хол ва омӯзгори фанни ҳуқуқи Литсейи ба номи Т.Собирови шаҳри Ваҳдат Ҳабиба Соҳибова соҳиби 204 хол гардиданд.
Дар маросими ҷамъбастӣ ба ғолиб ва иштирокчиёни озмун туҳфаҳои рамзӣ, маблағ, нишони «Аълочии маориф ва илми Ҷумҳурии Тоҷикистон», дипломи Вазорати маориф ва илм, ифтихорномаи Иттифоқи касабаи кормандони маориф ва илм ва роҳхат ба осоишгоҳу истироҳатгоҳҳо барои истироҳату табобат супорида шуданд.

Ҳамасола бо мароми неки созанда ва ғояҳои наву тоза ба кулли мардуми кишвар ироа гардидани Паёми Асосгузори сулҳу ваҳдати миллӣ – Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ҳар як шаҳрванди ватандӯсту ватанпарварро болидахотиру ифтихорманд месозад. Болидахотир аз имрӯзи ободу осоишта, мароми неку ниятҳои хайр ва омоли созанда ба хотири беҳдошти зиндагии мардум, осудагии ҷомеа ва ободии кишвари азизамон Тоҷикистон, ифтихорманд аз андешаи миллӣ ва ғояи абадзиндаи башардӯстиву некмаҳзарӣ! (далее…)

   Бо мақсади дарёфти мураббиёни боистеъдод, навовар ва эҷодкор, дастгирӣ ва ҳавасмандгардонии онҳо, ташаккули қобилияти мураббиён ва фаъолияти эҷодӣ дар шароити муосир, такмили донишу маҳорати  касбӣ ва паҳн кардани таҷрибаи пешқадами педагогӣ, қадрдонии меҳнати пурсамари мураббӣ ва баланд бардоштани мақому манзалати мураббиён ҳамасола дар сатҳи ҷумҳуриявӣ озмуни “Мураббии сол” доир мегардад.
Давоми ду рӯз дар толори Донишкадаи ҷумҳуриявии такмили ихтисос ва бозомӯзии кормандони соҳаи маориф даври ҷумҳуриявии озмуни мазкур баргузор гардида, ҳайати ҳакамон бо роҳбарии муовини Вазири маориф ва илми Ҷумҳурии Тоҷикистон Латофат Назирӣ ба дониш ва малакаи иштирокчиён баҳои сазовор доданд.
Розия Нурматова, мураббияи муассисаи томактабии №15-и шаҳри Конибодом аз миёни 5 нафар ғолибони даври минтақавӣ дар иҷрои шартҳои муаррифинома, мизи мудаввар маҳорати баланд нишон дода, ғолиби озмуни “Мураббии соли Тоҷикистон — 2019” гардид.
Ба ғолибони соҳибони мақоми ифтихорӣ дар толори Вазорати маориф ва илми Ҷумҳурии Тоҷикистон ҷоиза ва тӯҳфаҳои хотиравӣ тақдим гардиданд.
Абдусабур Абдуваҳҳобов