Навигарӣ

    Дар гимназияи №4-и шаҳри Хуҷанд мулоқоти кормандони Раёсати агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд Шоира Мутавалиён ва Васлибек Нарзиён бо роҳбарони муассисаҳои таълимии шаҳри Хуҷанд баргузор гардид.
Майори адлия Шоира Мутавалиён, сардори шуъбаи пешгирии коррупсияи Раёсати агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд дар мавзуъи «Стратегияи муқовимат ба коррупсия дар Ҷумҳурии Тоҷикистон барои солҳои 2013-2020» баромад намуда, аз ҷумла афзуд, ки марому мақсади ниҳоии Стратегия паст кардани сатҳи коррупсия дар Ҷумҳурии Тоҷикистон, мунтазам бартараф намудани монеаҳо, ҷиҳати рушди иқтисодиёт, демократия, мукаммалгардонии идоракунии давлатӣ, баланд бардоштани некуаҳволии мардум ва иҷрои дигар ҳадафҳои Стратегияи миллии Рушд дар кишвар мебошад.
Таъкид шуд, ки коррупсия яке аз зуҳуроти хавфноки ҷомеа буда, дар миқёси ҷаҳонӣ ҳамчун ҷинояти вазнин ва яке аз унсурҳои таҳдидкунанда ба амнияти миллӣ, халалдоркунандаи рушду суботи иҷтимоию иқтисодии давлат эътироф гардидааст. Аз ин лиҳоз муборизаи дастҷамъона алайҳи ин зуҳуроти ҷомеа кори ҳамагон буда, пешгирии он вазифаи муҳим шуморида мешавад.
Дар анҷоми мулоқот сардори Раёсати маорифи вилояти Суғд Осим Каримзода онро натиҷагирӣ намуд.

     Даври ҷумҳуриявии озмуни  «Беҳтарин кабинети технологияи иттилоотӣ» дар бинои Маркази дарёфт ва рушди истедодҳои шаҳри Душанбе баргузор гардид. Шарафи вилояти моро ғолиби даври вилоятӣ омӯзгори фанни технологияи иттилоотии Муассисаи давлатии «Мактаби хонандагони болаёқат»-и ноҳияи Б.Ғафуров Ачилов Ҳ, ҳимоя намуд.

   Дар расми ифтитоҳи озмун директори Муассисаи давлатии “Маркази ҷумҳуриявии технологияи информатсионӣ ва коммуникатсия” Назаров. К баргузор намудани чунин тадбирро баҳри боз ҳам баланд бардоштани шавқ ва завқи хонандагону устодон ба илми технология муҳим арзёбӣ намуд.

     Натиҷаи холгузории ҳайати доварон навовариҳо ва корҳои назаррасӣ омӯзгори ҷавонӣ пуртаҷрибаи фанни технологияи иттилоотии Муассисаи давлатии «Мактаби хонандагони болаёқат»-и ноҳияи Б.Ғафуров Ачилов Ҳ.-ро ба назар гирифта кабинети технологияи иттилоотии муассисаи мазкур сазовори ҷои дуюм донистанд.

     Раёсати маорифи вилоят барои ноил шудан ба чунин дастовард ба аҳли кормандони Маркази вилоятиии технологияи информатсионӣ ва коммуникатсия, Муассисаи давлатии «Мактаби хонандагони болаёқат»-и ноҳияи Б.Ғафуров изҳори миннатдорӣ намуда, ба омӯзгор Ачилов. Ҳ дар фатҳи қуллаҳои нави музаффарият барору комёбӣ таманно доранд.

   Бахшида ба эълон гардидани солҳои 2019-2021  Солҳои рушди деҳот, сайёҳӣ ва ҳунарҳои мардумӣ ва таҷлили ҷашни байналмилалии Наврӯзи дар филиали Муассисаи давлатии «Донишкадаи ҷумҳуриявии такмили ихтисос ва бозомӯзии кормандони соҳаи маориф» дар вилояти Суғд конфронси илмию амалӣ дар мавзӯи «Наврӯз — падидаи нодири фарҳанги башарӣ» ва озмуни вилоятии «Ҳама ҷо анҷумани Наврӯз аст» баргузор гардид. (далее…)

   Даври ҷумҳуриявии озмуни «Техникони наврас» таҳти шиори «Мо навоварони асри ХХ1» дар Донишгоҳи техникии Тоҷикистон ба номи академик Муҳаммад Осоимӣ  бо иштироки 200 нафар ғолибони даври вилоятӣ доир гардид.
Барномасозӣ», «Энергия ва технологияҳои каммасрафи энергия» ва «Роботтехника» доир шуда, Багирова Яна – хонандаи синфи 10- и Гимназияи ба номи Гёте-и шаҳри Хуҷанд (аз бахши «Энергия ва технологияҳои каммасрафи энергия»), Очилзода Парвиз – хонандаи синфи 10- и Литсейи Донишкадаи политехникии Донишгоҳи техникии Тоҷикистон дар шаҳри Хуҷанд (аз бахши «Роботтехника»), Назаров Ҷамшед – хонандаи синфи 9-и МТМУ №2-и шаҳри Хуҷанд (аз бахши «Ихтироъкорӣ»), Темурхӯҷаев Иқболхӯҷа – хонандаи синфи 7-и МТУҒ  «Гулчини маърифат»-и шаҳри Хуҷанд (аз бахши «Барномасозӣ»), ҷойи 1- ум ва 2 нафар хонандагон Ҳакимов Абдулатиф – хонандаи синфи 9-и МТМУ №2-и шаҳри Хуҷанд (аз бахши ««Роботтехника»), Ҷалилзода Дунё – хонандаи синфи 11-и Мактаби Президентӣ барои хонандагони болаёқати шаҳри Бӯстон (аз бахши «Барномасозӣ») ҷои дуюмро ба даст оварданд.
Дар маҷмуъ дастаи вилояти Суғд аз ҳисоби ҷойҳои ифтихории ба дастоварда дар миқёси ҷумҳурӣ сазовори ҷойи 1- ум гардид.
Лозим ба таъкид аст, ки 6 нафар хонандагони вилояти Суғд, ки дар даври ҷумҳуриявии озмуни мазкур ғолибиятро ба даст оварданд, моҳи май дар даври байналмилалии озмун, ки дар шаҳри Бишкеки Ҷумҳурии Қирғизистон баргузор мегардад, шарафи ҷумҳурии моро ҳимоя хоҳанд кард.

Абдусабури Абдуваҳҳоб

Санаи 16.03.2019 дар МТМУ #12-и шаҳри Хуҷанд даври вилоятии олимпиадаи SPELLING BEE ташкил ва баргузор гардид. Дар олимпиадаи мазкур 35 нафар хонандагон аз муассисаҳои таҳсилоти умумии шаҳру ноҳияҳои вилоят иштирок намуда, ғолибон ба даври ҷумҳуриявӣ роҳхат гирифтанд.  (далее…)

    Маркази дарёфт ва рушди истеъдодҳои назди Раёсати маорифи вилоят иттилоъ медиҳад, ки рӯзҳои 08.03.2019-12.03.2019 дар шаҳри Бангкоки авлати Таиланд олимпиадаи байналмилалӣ аз фанни математика баргузор гардид, ки дар он 800 нафар хонандагон беш аз 27 давлатҳои ҷаҳон иштирок намуданд. Ба дастаи ҷумҳурӣ хонандагон аз мактаби Президентии шаҳри Бӯстон, литсей барои хонандагони болаёқати шаҳри Хуҷанд низ шомил буданд.

    Дар ҷамъбаст хонандагони синфи 6-и литсей барои хонандагони болаёқати шаҳри Хуҷанд Абдуллозода Амир ба гирифтани ҷойи якум, синфи 8 Ботурхӯҷаев Ардашерхӯҷа ба гирифтани ҷойи дуюм, хонандагони синфи 5-и мактаби Президентии шаҳри Бӯстон Ҳакимов Ҷамшед ба гирифтани ҷойи дуюм, Савриддинов Муҳаммадазиз ба гирифтани ҷойи сеюм сазовор гардиданд. Ғолибон бо диплом, медалҳои тилло, нуқра, биринҷӣ ва туҳфаҳои хотиравӣ қадрдонӣ карда шуданд.

    Бо омад – омади баҳори нозанин табиат қабои сабз ба бар карда, дарахтон ғарқи гул мегарданд. Мардум бо чеҳраи кушод ва дили гарм ба оғӯши ҳамдигар мераванд. Воқеан ҳам баҳор фасли ҷашну хушиҳост ва нахустин ҷашни зебои он Рӯзи модар аст. Оғози баҳор бо Рӯзи модар шояд розу рамзҳое дорад аз васфи муштаракаи онҳо мисли зебоиву меҳрубонию ҳаётпарварияшон. (далее…)

Дар мактаби Президентии шаҳри Бӯстон маросими ҷамъбасти даври вилоятии озмуни «Мо ворисони аллома Бобоҷон Ғафуров» доир гардид. Сардори Раёсати маорифи вилоят Осим Каримзода зимни маърӯзаи худ таъкид дошт, ки арҷгузорӣ ва бузургдошти фарзандони барӯманди миллат, ки умри гаронмояи худро сарфи миллати худ намудаанд, на танҳо сабабгори устувору пойдор гардидани ин ё он миллати алоҳида, балки боиси саодат ва рушду нумӯи тамоми инсоният мегардад. Арбоби намоёни ҳизбию давлатӣ ва олими маъруф Бобоҷон Ғафуров тамоми фаъолияти серсоҳа ва пурсамари давлатӣ, илмӣ ва ҷамъиятиашро ба манфиати Тоҷикистон ва халқҳои гуногунмиллати он зиёда аз ин, барои тамоми халқҳои собиқ Иттиҳоди Шӯравӣ ва мардуми таракқипарвари ҷаҳон бахшидааст. (далее…)

    Даври вилоятии олимпиадаи хонандагони синфҳои 11 аз фанҳои таълимӣ оғоз ёфт. Имсол низ ин сабқати донишу маҳорат дар мактаби хонадагони болаёқати ноҳияи Бобоҷон Ғафуров бо мақсади дарёфт намудани толибилмони соҳибистеъдод, афзун намудани майлу рағбати донишандӯзии онҳо, ҷалби хонандагон ба чорабиниҳои илмӣ ва омода намудани онҳо ба олимпиадаҳои ҷумуриявӣ ва байналмилалӣ доир гардида истодааст. Дар расми ифтитоҳи олимпиада сарвари Маркази дарёфт ва рушди истеъдодҳои Раёсати маорифи вилояти Суғд Дилбар Исмоилова иштирок ва суханронӣ намуд. Масъулин ба ғолибони даври шаҳриву ноҳиявӣ шартҳои озмунро фаҳмонида, ба онҳо барору комёбиҳо таманно карданд.
Тибқи низомнома олимпиада аз фанҳои дақиқ ва гуманитарӣ гузаронида мешавад.
Аз натиҷаҳои олимпиада дар шумораҳои навбатӣ маълумоти муфассал хоҳем дод.