Муассисаи давлатии Маркази дарёфт ва рушди истеъдодҳои назди Раёсати маорифи вилояти Суғд фаъолияти худро тибқи Низомнома, ки бо қарори Раиси вилояти Суғд аз 31.12.2014, №517 тасдиқ шудааст ба роҳ мондааст. Ҳадафи асосии ташкили сохтори мазкур рушди истеъдод, бедор намудани хоҳиш ва майлу завқи наврасон ба донишомӯзӣ, фарҳанг варзиш ва касбомӯзӣ буда, дар ҳайати сохтор директор, мудири бахш, сармутахассис ва мутахассиси пешбар ифои фаъолият мекунанд.

Самтҳои асосии фаъолияти Маркази дарёфт ва рушди истеъдодҳои назди Раёсати маорифи вилоят инҳоанд:

  • Марказ масъалаҳои самтҳои асосии фаъолияти ташкилӣ, илмӣ, эҷодӣ, иқтисодӣ, иҷтимоӣ, рушди истеъдод, таъмин намудан ба донишомӯзиро дар соҳаи маориф мавриди омӯзиш қарор медиҳад;
  • Назорат ва таъмини раванди иҷрои қарори Ҳукумати Ҷумҳурии Тоҷикистон аз 3 июни соли 2014, №353 «Дар бораи Барномаи давлатии дарёфт ва рушди истеъдодҳои барои солҳои 2015-2020»;
  • Фароҳам овардани шароити мусоид баҳри инкишофи зеҳнию ҷисмонии кӯдакону наврасон, ёрӣ расонидан барои ташаккули қобилияти истеъдод ва шавқу ҳавасмандии онҳо ба донишомӯзӣ, фарҳанг, варзиш ва касбомӯзӣ;
  • Мувофиқи майлу хоҳиш, завқу шавқмандии кӯдакону наврасон ва дигар хоҳишмандон ва тибқи талабу дархости волидайн ташкили машғулиятҳои фаннӣ;
  • Тибқи нақшаи чорабиниҳои алоҳида дар самти соҳаҳои фарҳанг, варзиш ва касбомӯзӣ ташкили озмун ва чорабиниҳо;
  • Қабули кӯдакони болаёқат ва боистеъдод ба маҳфилҳои Марказ тибқи озмун тариқи сӯҳбат, санҷишҳои тестӣ ва корҳои хаттӣ ба таври ройгон;
  • Бидуни санҷиш қабул ва ҷалби ғолибони олимпиадаҳои вилоятӣ, ҷумҳуриявӣ, байналмилалӣ ва ҷаҳонӣ ба маҳфилҳои Марказ ба таври ройгон;
  • Тавсияи кӯдакони боистеъдод барои таҳсил ба хориҷи кишвар;
  • Ҳар се моҳ ташкили мониторинг ва таҳлили сатҳу сифати дониши кӯдакону наврасони лаёқатманди ба маҳфилҳои Марказ ҷалбшуда;
  • Ташкили чорабиниҳои фарҳангиву маърифатӣ, тамошои театр, кино ва консерт;
  • Ташкил ва баргузории семинару конференсия, озмуну мусобиқаҳо, мизҳои мудаввар;
  • Туфайли дастрас намудани адабиёти навини таълимӣ ва технологияи муосир ташкили Шӯрои методӣ барои такмили раванди таълим ва маҳорати кормандони педагогӣ, омӯзиши таҷрибаи ҷаҳонӣ;
  • Омода сохтани барномаҳо, нақшаҳои таълимӣ, дастур ва дигар маводҳои методӣ барои ташкили раванди таълим аз ҷониби мутахассисон;
  • Ҳамчун моликияти зеҳнӣ таъмини ҳифзи маҳсули корҳои илмии хонандагону омӯзгорон;
  • Тасдиқи ҷадвали дарсӣ, реҷаи корӣ, Низомномаи бахшҳо, нақшаҳои таълимии маҳфилҳо;
  • Бастани шартномаҳо бо мақсади беҳтар гардидани сифати кори Марказ бо ташкилот ва муассисаҳои дигари ҳуқуқӣ;
  • Бо мақсади инкишофу такмили ҷараёни таълим, баланд бардоштани маҳорати касбӣ ва сатҳи эҷодии коркунон ташкили Шӯрои педагогӣ;
  • Ташкили озмун барои қабули омӯзгорони Марказ ва бастани қарордоди меҳнатӣ;
  • Пешниҳоди маълумот доир ба сохтори воҳиди корӣ ва машғулиятҳои Марказҳои дарёфт ва рушди истеъдодҳои назди раёсат ва шӯъбаҳои маорифи шаҳру ноҳияҳо ба идораҳои болоӣ;
  • Таҳлил ва ҷамъбасти ҳисоботи солонаи Марказҳои шаҳрӣ ва ноҳиявӣ;
  • Бурдани назорат аз рафти фаъолияти Марказҳои дарёфт ва рушди истеъдодҳои назди раёсат ва шӯъбаҳои маорифи шаҳру ноҳияҳо, расонидани ёрии амалӣ.

Сохтори Марказ