Чорабинӣ

    Иттифоқи касабаи кормандони маориф ва илми вилояти Суғд дар ҳамкорӣ бо Раёсати маорифи вилояти Суғд дар асоси нақша бори аввал тасмим гирифт, ки 350 нафар омӯзгорону кормандони соҳаи маорифро дар як вақт ба истироҳату фароғат ҷалб намояд. Ин иқдом бо мақсади боз ҳам мустаҳкам намудани риштаи дӯстии омӯзгорони шаҳру ноҳияҳои вилоят ба роҳ монда шуд. Истироҳати омӯзгорон дар осоишгоҳи Соҳил, Шифо, Истаравшан, Зумрад ва ғайра ҷараён доранд.

    Бо мақсади дидан намудан аз шароити истироҳаткунандагон санаи 23 июн Самизода Мӯсобек — раиси Иттифоқи касабаи кормандони маориф ва илми вилоят ва Раҳматов Сайфулло — муовини сардори Раёсати маорифи вилоят ба осоишгоҳи Соҳил ва Шифо ташриф оварданд. Зимни суҳбат Самизода Мӯсобек бо омӯзгорону кормандон зикр дошт, ки “ҳамаи шароту имконоте, ки баҳри Шумо фароҳам оварда шудааст ин самараи тинҷиву осоиштагӣ ва Ваҳдати комили кишварамон мебошад. Пешвои миллат муҳтарам Эмомалӣ Раҳмон имрӯз тамоми шаротро барои омӯзгорону кормандони соҳа фароҳам овардаанд. Ҷавобан ба ин ғамхориҳо бояд омӯзгорон бо дилу нияти пок боз ҳам баҳри тарбияи насли наврас хубтару беҳтар фаъолият намоянд.

    Барои фароғати истироҳакунандагон аз тарафи Иттифоқи касбаи кормандони маориф ва илми вилояти Суғд чорабинии фарҳангӣ ташкил гардид.

     Бояд қайд намуд, ки ин иқдом то давраи ба охир расидани рӯхсатии меҳнатии омӯзгорон идома мекунанд ва марҳила ба марҳила қисми зиёди омӯзгорон дар осоишгоҳҳои вилоят ба истироҳат ҷалб мегарданд.

    Дар маҷлисгоҳи Раёсати маорифи вилоят бо иштироки муовини раиси Комиссияи ҷамъиятӣ оид ба пешгирии коррупсия дар назди мақомоти иҷроияи ҳокимияти давлатии вилоят Ғаффорӣ Назира Абдуллозода, нозири калони шуъбаи муқовимат бо коррупсияи Раёсати Агентии назорати молиявӣ ва мубориза бо коррупсияи Ҷумҳурии Тоҷикистон дар вилояти Суғд, подполковники адлия Қодирҷонзода Абдуҷалол Қодир, раиси шӯрои иттифоқҳои касабаи коркунони соҳаи маорифи вилоят Самизода Мусобек Самӣ, масъулони раёсату шуъбаҳои маорифи шаҳру навоҳии вилоят мизи мудаввар дар мавзӯи “Муқовимат бо коррупсия – таъмини рушди соҳаҳои хоҷагии халқи кишвар» доир гардид.

    Чорабиниро мудири шуъбаи кадрҳои Раёсати маорифи вилоят Набиҷон Раҳмонов ҳусни оғоз бахшида, салому паёми сардори Раёсати маорифи вилоят Мадина Набизодаро ба самъи ҳозирин расонида, таъкид дошт, ки имрӯз ҷомеаи ҷаҳониро дар баробари хатарҳои терроризму экстремизм, ҳамчунин амалҳои ришваситонӣ ё ба истилоҳ коррупсионӣ ба ташвиш овардааст. Асосгузори сулҳу ваҳдати миллӣ – Пешвои миллат, Президенти кишвар Эмомалӣ Раҳмон дар паёмҳои зиёди худ, алоҳида дар бобати муборизаи ҳамагонӣ бар зидди коррупсиониро яке аз унсурҳои пешрафтаи иҷтимоӣ ва иқтисодӣ дониста, таъкид ба таъкид ҳамагонро барои решакан намудани ин доғи сиёҳи ҷомеа даъват менамоянд.

     6-уми июни соли ҷорӣ дар “Кохи Наврӯз” Форуми ҷавонон ва кӯдакон оид ба масоили об, ки дар ҳошияи Конфронси дуюми байналмилалии сатҳи баланд оид ба Даҳсолаи байналмилалии амал “Об барои рушди устувор, солҳои 2018-2028”, зери унвони “Такон бахшидан ба амалҳо ва шарикӣ дар соҳаи об дар сатҳҳои маҳаллӣ, миллӣ, минтақавӣ ва ҷаҳонӣ” доир гардид, дар он вазири маориф ва илм Раҳим Саидзода, раиси Кумитаи кор бо ҷавонон ва варзиш Абдулло Раҳмонзода, Комиссари Иттиҳоди Аврупо оид ба муҳити зист, уқёнусҳо ва моҳидорӣ Виргиниюс Синкявичюс, намояндаи ЮНИСЕФ дар Тоҷикистон Осама Маккавӣ,          намояндагони ташкилоту идораҳо ва зиёда аз 200 ҷавони фаъол аз 30 давлати дунё иштирок намуданд.

    Бо иштироки Раиси вилояти Суғд Раҷаббой Аҳмадзода дар Боғи фарҳангию фароғатии “Наврӯзгоҳ”–и шаҳри Хуҷанд Рӯзи байналмилалии ҳифзи кӯдакон бошукӯҳ таҷлил гардид. Дар ин ҷо гӯшаи зиндаи ҳайвоноту парандаҳои гуногун, гӯшаи саломатӣ ва аёниятҳои табиии тарзи ҳаёти солим, гӯшаи техникони наврас, барномаҳои фарҳангии кӯдакистонҳо, бозиҳои варзишӣ ташкил гардида, маҳсули меҳнати дастии хонандагон–ғолибон ва иштирокдорони озмунҳои “Техникони наврас”, “Дастони моҳир”, “Шаҳри ояндаи ман”, “Ихтироъкорони беҳтарин” ба намоиш гузошта шуда буданд, ки Раиси вилоят аз онҳо дидан намуд.

   Раиси вилоят муҳтарам Раҷаббой Аҳмадзода баъди таҳнияти тифлакони саодатманд дар суханони табрикотии худ зикр намуд, ки Мақомоти иҷроияи ҳокимияти давлатии вилояти Суғд бобати мустаҳкам намудани заминаи моддию техникии муассисаҳои маориф, баланд бардоштани сатҳи донишандӯзии хонандагон ва рӯ овардани онҳо ба омӯзиши касбу ҳунар пайваста тадбирҳои зарурӣ меандешад.

Ғолибони озмун ва иштирокчиёни тантанаҳои ҷашнӣ аз ҷониби Раиси вилоят ва намояндагони Мақомоти иҷроияи ҳокимияти давлатии вилояти Суғд бо туҳфаҳо сарфароз гардиданд.

   Ҳунарнамоии тифлакони босаодат – дилбохтагони санъат ва тақдими композитсияи адабӣ – мусиқӣ анҷомбахши тантанаҳои Рӯзи байналхалқии ҳифзи кӯдакон гардид.

     Рўзҳои 25 –уми майи соли 2022 дар Муассисаи таҳсилоти миёнаи умумии №36 бо иштироки 160 нафар омўзгору хонандагони муассисаҳои таълимии Ҷамоати деҳоти Понғоз,  26 май дар Муассисаи таҳсилоти миёнаи умумии №65 бо иштироки  160 нафар омўзгорону хонандагони муассисаҳои таълимии Ҷамоати шаҳраки Шайдони ноҳияи Ашт вохўрӣ бо намояндаи Вазорати маориф ва илми Ҷумҳурии Тоҷикистон сармутахассиси шуъбаи равобити  байналмилалӣ, татбиқи лоиҳа ва грантҳои Донишкадаи ҷумҳуриявии такмили ихтисос ва бозомўзии кормандони маориф Ҳангома Қурбонова ва мудири шуъбаи маорифи ноҳия Муяссар Ҳайдарзода оид ба масъалаҳои  тарғиби арзишҳои миллӣ, зарурат ва қимати давлатдории дунявӣ ва ҳуқуқбунёд барои мардуми Тоҷикистон, пешгирӣ аз зуҳуроти номатлуби бегонапарастӣ ва дигар ҳаракатҳои ифротӣ, таваҷҷуҳи махсус додан ба пасманзари манфии сиёсисозии динӣ баргузор гардид.