МАОРИФЧИЁН ФАЪОЛИЯТАШОНРО ҶАМЪБАСТ НАМУДАНД

DSCF2513    Санаи 11 январи соли равон дар маҷлисгоҳи муассисаи таълимии давлатии мактаби Президентии шаҳри Хуҷанд ҷаласаи ҳайати  мушовараи Раёсати маорифи вилоят оид ба натиҷаҳои ҷамъбасти фаъолияти маорифчиён дар соли 2017 бо иштироки директори Маркази ҷумҳуриявии таълимию методии Вазорати маориф ва илми Ҷумҳурии Тоҷикистон Ёрмуҳаммадзода Шермуҳаммад Раҷабалӣ, кормандони дастгоҳи  Раёсати маорифи вилоят, сардорони раёсат ва мудирони шуъбаи маорифи шаҳру ноҳияҳо, сарварони муассисаҳои зертобеъ, собиқадорону машъалони соҳаи маориф ва намояндагони воситаҳои ахбори омма дар сатҳи баланди ташкилӣ доир гардид ва дар рафти он 14 масъала мавриди баррасӣ қарор гирифт. (далее…)

ДАР ИҶРОИ ВАЗИФАҲО МАСЪУЛ БОШЕМ

DSCF2469Чорабиниро мудири шуъба Абдураҳим Қурбонов ҳусни ифтитоҳ бахшида, ҳозиринро бо рӯзномаи кории ҷаласа ошно намуд. Аз рӯи масъалаи аввал аъзоёни шурои  Хадамоти давлатии назорат дар соҳаи маориф лоиҳаи нақшаи кориро барои нимсолаи аввали соли 2018 қабул намуданд.

Баҳоваддин Хоҷаев, сармутахассиси Хадамоти давлатии назорат дар соҳаи маорифи вилоят дар бораи натиҷаҳои аттестатсия дар литсейи рақами 5-и шаҳри Исфара ва гимназияи рақами 1-и ноҳияи Ашт, рафти татбиқии Низомномаи  намунавии муассисаи таълимии томактабӣ дар Ҷумҳурии Тоҷикистон” (Қарори Ҳукумати Ҷумхурии Тоҷикистон аз 29.04.2015, №256) дар “Кӯдакистони Президентӣ”-и вилоят, рафти иҷрои Қарори Ҳукумати Ҷумҳурии Тоҷикистон аз 27.08.2009,  №445 “Дар бораи даровардани тағйироту иловаҳо ба баъзе қарорҳои Ҳукумати Ҷумҳурии Тоҷикистон” дар шуъбаҳои маориф ва муассисаҳои таълимии ноҳияҳои Шаҳристон ва Айнӣ гузориши муфассал дод. (далее…)

Қалбе, ки ба хотири сухан саршор аст

Бо ибтикори китобхона-бахши 2-и ноҳияи Бобоҷон Ғафуров дар МТМУ №47-и Ҷамоати деҳоти Ёва маҳфили адабӣ-фарҳангӣ бахшида ба 80-солагии рӯзноманигор ва нависандаи шинохтаи тоҷик Маҳмудбеки Бобобек таҳти унвони «Қалбе, ки ба хотири сухан саршор аст» баргузор гардид. Хонандагон аз ҳаёт ва фаъолияти эҷодии нависанда ёдовар шуданд. Гуфта шуд, ки Маҳмудбеки Бобобек дар рӯзномаҳои «Бо роҳи Ленинӣ» (ҳоло «Хуҷанд») ва «Ҳақиқати Ленинобод» (ҳоло «Ҳақиқати Суғд») ба ҳайси мусаҳҳеҳ, ходими адабӣ ва корманди котибот кор карда, маҷмӯаи қиссаву ҳикояҳои «Раҳгумзада», «Айёми бебозгашт» ва «Умри безавол»-ро ба табъ расонидааст. (далее…)

“КОМПЮТЕРДОНИ БЕҲТАРИН” КӢ ШУД?

      Бо мақсади бедор намудани шавқу завқи хонандагон нисбати фанҳои дақиқ, баланд бардоштани донишомўзии хонандагон, дарёфт ва муайян намудани хонандагони боистеъдоду лаёқатманд байни хонандагони синфҳои 11-и муассисаи таҳсилоти миёнаи умумии №49, ноҳияи Бобоҷон Ғафуров  озмуни «Компютердони беҳтарин»  бо ташаббуси мутахассисони ҷавони муассиса Мадина Темирова ва Мунир Ҳоҷаев бахшида ба ҳафтаи фанҳои дақиқ гузаронида шуд. Дастаҳо бо номҳои «Алгоритм», «Амсила» ва «Бейсик» аз рӯйи 10 шарт;

 -муаррифии гуруҳҳо

— бо истифодаи барномаи POWERPOINT сохтани намоишнома

— ҳалли мисол доир ба системаи ҳисоб

— луғатнависӣ

— саволу ҷавоб байни дастаҳо

 — сохтани барнома бо ягон забони барномасозӣ

— бо истифодаи барномаи POINT омода намудани нишон бахшида  ба     Соли ҷавонон

— иҷрои тест тавассути компютер

— дохилкунӣ ва таҳрири матн

— бо  истифода аз барномаи ҷадвали электронӣ MS EXCEL ҳисобкунии қиматҳо

қувваозмоӣ  намуда, малакаю маҳорат ва  дониши худро нисбати фанни   технологияи иттилоотӣ  нишон доданд.

  Муаррифии гурӯҳҳо аз тарафи хонандагон  Зоидова Насиба, Нуриллоева Азиза, Миркалонова Мижгона ҷолиби диққат буда, хонандагон Урунов Алишер, Саидов Муҳаммадҷон ва Шарипов Амир дар сохтани намоишнома малакаю маҳорати хешро хеле хуб нишон доданд.

  Ба ҳар як шарти озмун аз тарафи ҳакамон баҳогузорӣ карда шуд. Озмун аз тарафи директори муассиса Сатторова Таҳмина ҷамъбаст гардид ва аз  баҳогузории хакамон маълум гардид, ки дастаи «Алгоритм»-76 хол, дастаи «Амсила» ва «Бейсик» бо  гирифтани 81 холӣ ноил гардиданд.

ВАСИЛАИ ХУБИ ИНТИХОБИ КАСБ

IMG_8860Бо мақсади ошноии бештар пайдо кардани хатмкунандагон бо ҷараёни таълиму тарбия, вазъи пояи моддиву техникии муассисаҳои олӣ ва миёнаи касбии вилоят бо дастури Раиси вилояти Суғд муҳтарам Абдураҳмон Қодирӣ тайи се сол аст, ки мулоқоти озоду шаффофи сарварони донишгоҳу донишкадаҳо ва миёнаи махсуси вилоят бо хатмкунандагон доир мегардад. Дирӯз дар кохи ба номи Рӯдакии шаҳри Хуҷанд идомаи ин вохӯриҳо бо устодону шогирдони мактабҳои шаҳри Хуҷанд доир гардид. (далее…)

ОРЗУҲО АМАЛӢ МЕГАРДАНД. АГАР…

000011Тибқи нақша-чорабинии мақомоти иҷроияи ҳокимияти давлатии вилояти Суғд субҳи имрӯз дар кохи фарҳанги ноҳияи Ашт бо ширкати беш аз ҳазор нафар хатмкунандагони ноҳия мулоқоти озоду шаффофи роҳбарони муассисаҳои таҳсилоти олӣ ва миёнаи касбии вилоят доир гардид.

Чорабиниро раиси ноҳия Зариф Мирдадо оғоз бахшида, қайд кард, ки соли равон 2285 нафар хонандагон  муассисаҳои таълимии ноҳияро хатм менамоянд, ки бештаринашон меҳоҳанд дар оянда соҳибкасб гардида, ба меҳани азиз хизмат намоянд. Сол аз сол зиёд шудани теъдоди донишҷӯён аз ҳисоби ҷавонони фаъоли ноҳия далолат бар он медиҳанд, ки сатҳи таълиму тарбия боло равад.

Дар суханронии мутахассиси пешбари шуъбаи рушди иҷтимоӣ ва робита бо ҷомеаи МИҲД- и вилоят Олимҷон Мирмуҳаммедов  таъкид гардид, ки дар сатҳи давлат ва Ҳукумати кишвар сол то сол эътибор ба ҷавонон бештар гардида истодааст. Эълон шудани соли 2017- Соли ҷавонон барои фатҳи қуллаҳои илму дониш роҳеро бузургеро барои ин қишри созанда боз намуд.

Сипас, намояндагони муассисаҳои олӣ ва миёнаи махсуси кишвар  Фозил Мухторзода, ректори ДКМТ, Саидӣ Дилафрӯз Раббизода, директори ДПДТТ дар шаҳри Хуҷанд, Муҳиддин Сабуров, сардори Раёсати таълимии ДДХ, Аминҷон Амонов, раиси иттифоқи касабаи ДДҲБСТ, Ҳомидҷон Ҳошимов, муовини директор оид ба таълими ДИС ДТТ, Илҳом Комилов, директори коллеҷи тиббии шаҳри Хуҷанд, Манучеҳра Кенҷазода, директори коллеҷи омӯзгории шаҳри Хуҷанд, Санам Аминҷонова, муовини директори коллеҷи санъати шаҳри Хуҷанд бо ролику слайдҳо муассисаҳои худро муаррифӣ намуданд.

000022Дар баромади Саидӣ Дилафрӯз Раббизода таъкид шуд, ки дар донишкада 169 нафар донишҷӯёни Ашт таҳсил доранд, ки аз ин шумор 29 нафар духтарон мебошанд. Барои тақвияти дониш ва сифатнок доир шудани машғулиятҳо дар донишкада 23 лабораторияҳо, 1360 комютерҳо мавҷуданд. Ҳамчунин ҳамаи синфхонаҳо бо проектор ва тахтаҳои электронӣ ҷиҳозонида шудаанд. Ин шароит имкон медиҳад, ки устодон бо маводҳои интерактивӣ ва бо маводҳои муосир ба шогирдон дарс гӯянд. Донишкада бо 50 муассисаҳои олии хориҷӣ ҳамкории судманд дошта, танҳо дар солҳои охир ба маблағи як миллиону 800 сомонӣ таҷҳизотҳои лабораторӣ ворид намуд. Донишкада ба қатори 5 муассисаи олии беҳтарини кишвар ҷиҳати азхкунии дониш ворид шудааст, ки ин дастоварди бузург аст.

Хатмкунандагони ноҳия Меҳрона Абдураҳмонова, хонандаи МТМУ№17, Нӯъмон Масаидов аз МТМУ№40, Исмоил Мадусмонов  аз МТМУ№67, Фарангис Ғаниева ва Фараҳноз Ҷалилова аз гимназияи №1, Диёра Комилова аз МТМУ№30 ва Фараҳноз Қосимова аз МТМУ № 5 вобаста ба ҷоришавии эссе дар Маркази миллии тестӣ, имконияти дохилшавии тариқи квота, шароити хобгоҳҳо, имтиёзҳо ба хатмкунандагони эҷодкору навовар суолҳо дода посухҳои мушаххас гирифтанд.

Дар фарҷоми чорабинӣ аз ҷониби хонандагони ҳунарманди ноҳия барномаи рангини консертӣ пешкаши аҳли нишаст гардонда шуд.

Мулоқоти ғолибони олимпиадаҳои байналмилалӣ

конибодомБо ташаббуси мақомоти иҷроияи ҳокимияти давлатии вилояти Суғд дар толори мақомоти иҷроияи ҳокимияти давлатии шаҳр мулоқоти ғолибони олимпиадаҳои байналмилалӣ бо хонандагони макотиби шаҳр баргузор гашт. Он таҳти роҳбарии муовини раиси шаҳр Илҳом Ҳомидӣ сурат гирифт. Дар мулоқот сардори Раёсати маорифи вилояти Суғд Осим Каримзода, директори литсей барои хонандагони болаёқати шаҳри Хуҷанд Тоҳир Рӯзибоев, муовини сарвари литсейи мазкур оид ба олимпиада Ҳикматҷон Саидзода, ғолибони олимпиадаҳои байналмилалӣ Шаҳром Имомзода ва Абдуллоҷон Хайруллоев ширкат варзиданд. Нахуст директори литсей барои хонандагони болаёқати шаҳри Хуҷанд Тоҳир Рӯзибоев дар назди ҳозирин баромад намуда, аз дастовардҳои хонандагони литсей ҳарф зад. Гуфта шуд, ки иштирок ва ғолибият ба даст овардани хонандагони макотиби ҷумҳур дар олимпиадаҳои фаннии байналмилалӣ ин нишондиҳандаи мақоми давлати Тоҷикистон дар миқёси ҷаҳонӣ буда, боиси шинохта шудани кишвар байни дигар мамолики ҷаҳон хоҳад гашт. Ҳамчунин, ҷиҳати омода намудани хонандагон ба олимпиадаҳои фаннии байналмилалӣ якчанд пешниҳодҳо иброз дошт. Муовини директори литсей барои хонандагони болаёқати шаҳри Хуҷанд Тоҳир Рӯзибоев низ ба сухан баромада, роҳу усулҳои омода намудани хонандагонро ба олимпиадаҳои байналмилалӣ қайд кард. Баъдан ғолибони олимпиадаҳои байналмилалӣ Шаҳром Имомзода ва Абдуллоҷон Хайруллоев бо камоли ифтихору сарфарозӣ аз ғолибияти хеш дар мусобиқаҳои фаннии мактаббачагон сухан ронда, ҳамсолони худро ба касби илму дониш, баланд бардоштани малакаву маҳорат,  аз худ кардани техникаву технологияи муосир ва забономӯзӣ даъват карданд. Дар фарҷоми мулоқот муҳассилини макотиби шаҳр, ғолибони олимиадаҳоии вилоятиву ҷумҳуриявӣ баромад намуда, бо итминон изҳор доштанд, ки онҳо низ мекӯшанд, то дар олимиадаҳои байналмилалӣ ширкат варзида, шарафаи Ватанро афзун намоянд.

Мулоқоти ғолибони олимпиадаҳо бо хонандагони мактабҳо

исфҒолибони олимпиадаҳо ва мусобиқаҳои фаннӣ бо  хонандагони мактабҳои Исфара мулоқот доир карданд. Зимни мулоқот роҳбарияти мактаби хонандагони болаёқати шаҳри Хуҷанд аз дастовардҳои хонандагони мактаби худ ёдовар шуда, вобаста ба роҳҳои босамари омода намудани хонандагон ба олимпиадаҳои фаннии байналмилалӣ ибрози назар карданд. Ғолибони олимпиадаҳои байналмилалӣ Шаҳром Илҳомзода ва Абдуллоҷон Хайруллоев аз ғолибияти хеш дар олимпиадаҳои байналмилалӣ сухан гуфта, бо баробари арзи миннатдорӣ барои кумак ба ниҳодҳои давлативу устодон ҳамсолони худро ба азхудсозии илму фан, техникаву технологияи муосир ва забонҳо даъват карданд. Сардори Раёсати маорифи вилояти Суғд Осим Каримзода дар навбати худ аз таваҷҷуҳи пайвастаи Асосгузори сулҳу ваҳдати миллӣ — Пешвои миллат, Президенти мамлакат муҳтарам Эмомалӣ Раҳмон ба соҳаи маориф ёдоварӣ намуда, бо баробари таҳлили натиҷаҳои фаъолияти 3 соли охири муассисаҳои таълимии шаҳру деҳоти Исфара дар назди масъулин вазифагузорӣ намуд.

ТАДБИРИ СОЗАНДА БА ХОТИРИ ОЯНДА

DSCF2056Дар мулоқоти анъанавии сарварони муассисаҳои олӣ ва миёнаи касбӣ бо хатмкунандагони шаҳри Истиқлол наздики 500 нафар мактабиёни шаҳр- хатмкунандагони синфҳои 9 ва 11 гирд омададанд.

Муовини аввали раиси шаҳр Аминҷон Шарифзода чорабиниро ҳусни ифтитоҳ бахшида, қайд кард, аз рӯи маълумоти Маркази миллии тестӣ фоизнокии шумораи дохилшавандагон ба муассисаҳои олӣ ва миёнаи касбӣ аз шаҳри Истиқлол  соли равон мувофиқи шаҳру ноҳияҳои кишвар ҷойи чорум аст. Ин нишонаи он аст, ки дараҷаи дониш ва малакаи мактабиёни шаҳр дар қиёс ба солҳои пешин рӯ ба боло ниҳодааст.

Олимҷон Мирмуҳаммедов, сармутахассиси рушди иҷтимоӣ ва робита бо ҷомеаи мақомоти иҷроияи ҳокимияти давлатии вилояти Суғд дар баромадаш таъкид дошт, ки дар солҳои соҳибистиқлолии кишвар таваҷҷуҳ ба соҳаи маориф бештар гардида, сол то сол бо ворид намудани техникаву технологияи замонавӣ ҳам дониши назариявӣ ва ҳам дониши амалии донишҷӯён баланд гардида истодааст. Мулоқоти имрӯза барои интихоби касби довталабон имконияти хубе аст.

DSCF2070Ҷӯразода Ҷамшед Ҳабибуллоҳ, ректори ДДХ аз имконияту шароитҳои ин муассисаи бонуфузи кишвар ҳарф зада, таъкид дошт, ки барои донишҷӯён солҳои охир шароити хуби таҳсил муҳайё гардидааст. Таъсиси студияи телевизионӣ, нашрияи махсус барои донишҷӯён, ташкили маҳфилҳои гуногун  барои тақвияти дониши донишҷӯён заминаи мусоид фароҳам овард.

Мӯъмин Шарифзода, ректори ДДҲБСТ аз дастовардҳои донишҷӯён дар самти варзиш сухан ронда, қайд кард, ки соли равон се нафар донишҷӯён ҷоизадорони мусобиқаҳои сатҳи Осиёву Аврупоӣ гардиданд.

Камолиддин Ғозиев, ноибректори ДКМ дар баромадаш аз робитаи хуби коргоҳҳои саноатии шаҳри Истиқлол бо донишкада ҳарф зада, қайд кард, ки дар ояндаи наздик ин корхонаҳои азим дастпарварони донишкадаро ба кор мегиранд.

Хуршед Мақсудов, муовини директор оид ба таълими ДПДТТ дар шаҳри Хуҷанд ихтисосҳои донишкадаро ба риштаи таҳлил кашида, афзуд, ки имрӯз ҷомеа маҳз ба сохтмончиёну меъморон, муҳандисони соҳаи нақлиёту саноати сабук, энергетикаву барономасозон ва молияшиносону иқтисодчиён бештар ниёз дорад. Ва донишкада бо истифодаи шароиту имкониятҳо барои омода сохтани кадрҳои соҳа пайваста талош меварзад. Падидаи ҷолиб он аст, ки ҳамаи хатмкунандагон бо ҷойи кори баланди музднок таъмин мегарданд. Дар ин росто баргузории ҳамасолаи ярмаркаи «Мутахассисони арзанда» барои робитаи мустаҳками донишкада бо коргоҳҳои кишвар заминаи мусоид фароҳам меорад.

Муовини директори ДИС ДТТ Ҳомидҷон Ҳошимов дар баромадаш гуфт, ки дар донишкада барои омӯзиши забонҳои хориҷӣ аҳамияти бештар дода мешавад. Таъсиси 13 гурӯҳи таҳсил бо забони англисӣ далолати гуфтаҳои болоианд.

Директори муассисаи давлатии коллеҷи тиббии шаҳри Хуҷанд  Илҳом Комилов зимни муаррифии муассисаи худ таъкид дошт, ки 25 проектору тахтаҳои электронӣ, 250 компютерҳои замонавӣ ва лабораторияҳои муҷаҳҳаз барои баланд бардоштани дониши назариявӣ ва амалии донишҷӯён хизмат мекунад. Арзиши нархи шартномавии коллеҷ дар қиёс бар дигар муассисаҳои тиббии вилоят арзон аст ва теъдоди донишҷӯён айни ҳол аз 4,5 ҳазор гузаштааст ва онҳо имруз баробари таҳсил дар муассисаҳои тиббӣ донишашонро сайқал медиҳанд.

Манучеҳра Кенҷазода Солеҳ, директори коллеҷи омӯзгории шаҳри Хуҷанд аз дастовардҳои қадимтарин муассисаи таълимии вилоят ҳарф зада, таҳсил дар муассисаро роҳ кушодан ба дастовардҳои бузург арзёбӣ намуд.

Муовини директори коллеҷи санъат Санам Аминҷонова гуфт, ки қабул ба коллеҷ ба тариқи анъанавӣ буда, дар ин маскани илму ҳунар ҷавонон нозукиҳои касби сарояндагӣ навозандагӣ, рақс, хор, сюита, расмкашиву меъмориро меомӯзанд.

Дар фарҷом хатмкунандагони шаҳр дар бораи ҷорӣ шудани эссе, имтиёзҳо оид ба хобгоҳу квотаҳо, ташкили гурӯҳҳои русиву англисӣ, ба роҳбарони муассисаҳои олӣ саволҳо дода, посухҳои мушаххас гирифтанд.

 

Дафтари матбуотии ДПДТТ дар шаҳри Хуҷанд

РОҲИ МАҚСУД БА ХАТМКУНАНДАГОНИ СПИТАМЕН КУШОДА ШУД

DSCF1970Дар қасри фарҳанги ноҳияи Спитамен мулоқоти анъанавии роҳбарони муасиссаҳои олӣ ва миёнаи касбии вилоят бо хатмкунандагони ноҳия баргузор гардид.

Муовини раиси ноҳия Дилрабо Раҳимӣ вохӯриро ҳусни ифтитоҳ бахшид.

 Намояндаи мақомоти иҷроияи ҳоқимияти давлатии вилояти Суғд Олимҷон Муҳаммедов зимни баромади хеш таъкид дошт, ки сол то сол сафи донишҷӯён аз ноҳияи Спитамен дар муассисаҳои олӣ ва миёнаи касбии вилоят таҳсилмекарда зиёд мегардад. Агар соли таҳсили 2015-2016 ба мактабҳои олии вилоят 376 нафар хатмкунандагони ноҳия дохил шуда бошанд, пас имсол ин рақам ба 776 нафар мерасад.

Ҷамшед Ҷӯразода, ректори ДДХ зимни баромади хеш аз интихоби васеи ихтисосҳо, имкониятҳои фарох додан ба донишҷӯёни соҳибистеъдод, ташкили маҳфилҳо сухан ронда, таъкид дошт, ки шароити хуби таълимӣ имкон медиҳад, то сатҳи таълиму тарбия боло равад.

Дар баромади Мумин Шарифзода, ректори ДДҲБСТ зикр шуд, ки равобити донишгоҳ бо ташкилоту корхонаҳо тақвият ёфта, хатмкунандагон бо ҷойи кори доимӣ таъмин шуда истодаанд.

Мухтор Фозилзода, ректори ДКМТ зимни муаррифӣ гуфт, ки ин муассисаи пешрафта ягона донишкада дар миқёси ҷумҳурӣ барои омодакунии кадрҳои соҳаи геология ва корҳои кӯҳкорӣ махсус ташкил карда шудааст ва солҳои охир сафи хоҳишмандони дар ин ҷо таҳсилмекарда меафзояд.

Директори ДИСДТТ Абдурауф Олимӣ аз роҳандози шудани ихтисосҳо бо забони англисӣ сухан намуда, таъкид дошт, ки айни ҳол чунин гурӯҳҳо ба 13 адад расидаанд.

0101Хуршед Мақсудов, муовини директор оид ба тарбияи ДПДТТ дар шаҳри Хуҷанд зимни муаррифии донишкада, қайд кард, ки дар факултети информатика ва энергетика мутахассисони соҳаи муҳандисӣ, таъмини барқ, энергетика, телекоммуникатсия ва таъминоти барномавии компютерӣ омода мегарданд. Дар факултети сохтмон ва нақлиёт бошад, муҳандисони сохтмон ва саноати масолеҳи сохтмонӣ, хизматрасонии автомобилӣ ва ташкили ҳамлу нақл дар нақлиёт аз нозукии ин касбҳо огоҳӣ меёбанд. Факултети муҳандисӣ – технологӣ технологҳои баландихтисосро ҳамчун агротехнологи хоҷагиҳои деҳқонӣ, моделер – конструктор ва ташкилотчии соҳаи маҳсулоти дӯзандагӣ, технолог – ташкилотчии серсоҳаи саноати хӯрокворӣ ва меъморӣ тайёр мекунад. Иқтисодчиёну молияшиносони тайёркардаи факултети муҳандисӣ – иқтисодӣ аз беҳтарин мутахассисон дар ҷомеа шинохта шудааст, ки имрӯзҳо дар аксари корхонаҳои саноатии маъруфи кишвар ифои вазифа менамоянд.

Сарвари коллеҷи тиббӣ Илҳом Комилов, директори коллеҷи омӯзгорӣ Манучеҳра Кенҷазода ва муовини директори коллеҷи санъат М.Ҳошимова низ дар баромадҳои худ аз афзалиятҳои муассисаи худ назди ҳозирин суханронӣ намуданд.

Дар рафти муаррифии муассисаҳои таҳсилоти олӣ ва миёнаи махсус ба хатмкунандагон маводҳои ёрирасони иттилоотӣ аз қабили варақаҳо, брошураҳо, нашрияҳо тақсим карда шуда, ҳамзамон аз ҳаёти муассисаҳо видеороликҳо намоиш дода шуд.

Сипас, хамткунандагон доир ба вазъи таҳсил, имкониятҳои донишгоҳҳо, ҳамкориҳои хориҷӣ ва дигар муаммову мушкилоти хеш ба роҳбарони муассисҳои олии вилоят саволҳо матраҳ намуда, ҷавобҳои қаноатбахш гирифтанд.

Абдусабур Абдуваҳҳобов, котиби матбуотии ДПДТТ дар шаҳри Хуҷанд

1 2 3 16