20170117_114128Бо мақсади дарёфт ва интихоби мураббиёни боистеъдоду навовар, эҷодкору ботаҷриба, мусоидат ба рушди фаъолияти кормандони соҳаи таълиму тарбияи томактабӣ, тарғиби таҷрибаи пешқадам, қадрдонии меҳнати мураббиён ва баланд бардоштани мақому манзалати маорифчиён дар ҷомеа аз 10 то 12 январи соли равон дар заминаи Донишкадаи ҷумҳуриявии такмили ихтисос ва бозомӯзии кормандони соҳаи маориф ва муассисаи таҳсилоти томактабии №45-и шаҳри Душанбе даври ҷамъбастии озмуни «Мураббии соли Тоҷикистон» баргузор гардид.

Озмуни мазкур аз рӯи 6 шарт, аз ҷумла машғулияти таълимӣ, мизи мудаввар, тасвир ва сохтани манзара, ҳолатҳои равонию педагогӣ ва муаррифии таҷрибаи корӣ гузашта, дар он 4 нафар ғолибони даври сеюм аз шаҳри Душанбе, вилоятҳои Суғду Хатлон ва шаҳру ноҳияҳои тобеи марказ ширкат варзиданд.

Мураббияи муассисаи давлатии Кӯдакистони Президентии вилояти Суғд Заррина Рӯзиева аз рӯи ҳамаи шартҳо фаъолона ширкат варзид ва дар ҷамъбасти озмун ба унвони «Мураббии соли Тоҷикистон» сазовор дониста шуд.

Ғолибон ва иштирокчиёни озмун аз ҷониби Вазорати маориф ва илм, Кумитаи иттифоқи касабаи кормандони соҳаи маориф ва илми кишвар бо нишони «Аълочии маориф ва илми Ҷумҳурии Тоҷикистон», мукофоти пулӣ ва тӯҳфаҳои хотиравӣ қадршиносӣ шуданд.

Заррина Рӯзиева ва маорифчиёни вилоятро ба муносибати дастоварди назаррас муборакбод гуфта, ёдовар мешавем, ки дар озмуни «Муаллими соли Тоҷикистон» низ намояндаи вилояти Суғд – омӯзгори мактаб барои хонандагони болаёқати ноҳияи Бобоҷон Ғафуров – Замира Рустамова ғолибият ба даст овард.

                                                 Абдусабури Абдуваҳҳоб

Comments (1)

  • мадина салимова

    Кулли маорифчиени вилоятро ба муносибати дастоварди беназир, сазовори чои аввал дар озмуни хам омузгори сол ва хам мураббии соли точикистон табрику муборакбод менамоям. Махсусан голибони озмун зебохон ва зарринабону, ки шарафу номуси маорифчиени вилоятро боло бардоштанд самимона шодбош мегуям. Ин дастоварди бесобика дар давраи 25 соли истиклолияти чумхурии азизамон бори нахуст мебошад ва то ин дам ба ягон минтакаи чумхури чунин комеби даст надода буд. Голибият муборак зафармандони сохаи моариф. Он кахрамонии шумоен дар сахифаи китобои тарихи маорифи натанхо вилоят, балки чумхури бо харфхои заррин китобат хоханд шуд. Фарзандони шумо, хешовандону наздикон ва умуман ахли маорифи вилояти овозадори сугд бо шумоен ифтихор доранд.

Шаҳр гузоштан

Email-и шумо нашр намешавад. Ҳамаи сатрҳо бо аломати (*) ҳатмист.

Шумо метавонед аз барчаспҳои HTML истифода баред: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>