Дар Маркази таҳсилоти иловагии вилоят бо иштироки 16 даста аз шаҳру навоҳӣ даври вилоятии озмуни «Тарроҳи беҳтарин» баргузор гардид.
Озмун аз рӯи бахшҳои либосҳои идона, ҳаррӯза ва бачагона сурат гирифта, хеле шавқовар гузашт. Дар бахши либоси идона щолибият насиби толибаи синфи даҳуми Гимназияи №4 – и шаҳри Хуҷанд Ф. Раҳимова гардид. Мерган Саидов – хонандаи синфи ёздаҳуми МТМУ №29 – и ноҳияи Айнӣ дар бахши либоси ҳаррӯза ба дарёфти ҷои аввал мушарраф шуд. Макнуна Сангинова – хонандаи синфи нуҳуми МТМУ №6 — и ноҳияи Спитамен туфайли маҳорати баланд дар бахши либосҳои бачагона ҷои аввалро ишғол намуд.
Ғолибон бо диплом, Сипоснома ва туҳфаҳои хотиравӣ сарфароз гардонида шуданд.