Озмуни ҳарбию варзишии “Сипар” ҷамъбаст гардид. Дар МТМУ №22-и шаҳри Хуҷанд даври минтақавии вилоятии озмуни ҳарбию варзишии “Сипар” ҷамъбаст гардид. Дастаҳои шаҳру навоҳии Хуҷанд, Истиқлол, Ҷаббор Расулов, Ашт, Мастчоҳ дар озмун аз рӯи 11 намуд мусобиқаҳои варзишӣ байни ҳам қувваозмоӣ намуданд.
Хайати ҳакамон озмунро воқеъбинона ҷамъбаст намуданд. Аз рӯи натиҷаҳо ҷойи аввал насиби шаҳри Хуҷанд, ҷойи дуввум ноҳияи Мастчоҳ ва мақоми сеюмро дастаҳои ноҳияҳои Ашт ва Ҷаббор Расулов сазовор гардиданд. Ба ғолибон дар вазъияти тантанавӣ ифтихорнома супорида шуд.
