МАҲФИЛИ ЗАРИФОН СОҲИБИСТЕЪДОДОНРО ДАРЁФТ КАРД

    СнимокБо мақсади фароҳам овардани шароити мусоид барои вусъати нерӯи эҷодӣ ва қобилияти кӯдакону наврасон, дарёфти чеҳраҳои тозаи наврасони эҷодкор, ки дар жанрҳои нақшофарӣ, сурудхонӣ навозандагӣ, рақс, ровигӣ, осори гузаштагон, ҳосил намудани маҳорату малакаи баланди мунозира, муошират, таҳкими тарзи ҳаёти солим тибқи банди 10-и Низомномаи намунавии Раёсати маорифи вилоят ва таҷлили 30- солагии Истиқлолияти Ҷумҳурии Тоҷикистон озмуни «Хушдилон ва ҳозирҷавобон» дар байни хонандагони муассисаҳои таълимии ноҳияи Шаҳристон гузаронида шуд.
Озмуни мазкур аз ҷониби Маркази дарёфт ва рушдии истеъдодҳо ва Маркази таҳсилоти иловагии назди шуъбаи маорифи ноҳияи Шаҳристон баргузор гардид. Дар озмуни мазкур хонандагони муассисаҳои таълимии ноҳия фаъолона иштирок намуда, аз рӯи шартҳои зерин ҳунарнамоӣ намуданд:
1. Муаррифӣ ё саломнома – шарти аввали озмун маҳсуб ёфта, дар он ҳозирҷавобон ва хушдилон дастаи худро ба ҳозирин шинос намуда, доир ба мавзӯи муайяннамудаи кормандони маҳфил ва кумитаи тадорукот ҳунарнамоӣ менамоянд. (далее…)

БЕҲТАРИН ВАРЗИШГАРОНИ ВИЛОЯТ МИЁНИ ХОНАНДАГОН МУАЙН ШУД

    20180418_100939Бо мақсади тарғибу ташвиқи тарзи ҳаёти солим, ҷалби хонандагон ба омӯзиши Барномаи олимпӣ ва машқҳои ҷисмонӣ бо ибтикори Маркази таҳсилоти иловагии вилоят дар асоси фармоиши сардори Раёсати маорифи вилоят аз 27.03.2018 таҳти №88 дар бораи гузаронидани 5-юмин Олимпиада оид ба тарғиби ҳаракати олимпӣ байни хонандагони синфҳои 9-11-и муассисаҳои таҳсилоти миёнаи умумии шаҳру ноҳияҳои вилоят санаи 18.04.2018 даври вилоятии Олимпиада оид ба тарғиби ҳаракати олимпӣ дар «Варзишгоҳ» — и ҷамоати Хистеварзи ноҳияи Б.Ғафуров баргузор гардид. Дар ин олимпиада аз 14 шаҳру ноҳияҳои вилоят хонандагони варзишгар иштирок намуданд. Олимпиада аз рӯи бахшҳои зерин: супоридани тест оид ба тарбияи ҷисмонӣ, таърихи варзиш ва ҳаракати олимпӣ, қувваозмои дар се навъи варзиш: давидан ба масофаи 100м, танбардорӣ (барои писарон), афшурдан бо дастҳо аз замин (барои духтарон) ва ҷаҳидан ба дарозӣ аз ҷойи баромад карда, гузаронида шуд. 20180418_111354
Олимпиада чунин ҷамъбаст гардид : ғолибон байни духтарон ҷойи аввал Ҷумаева Лола хонандаи синфи 11 муассисаи таҳсилоти миёнаи умумии №1 ноҳияи Мастчоҳ, ҷойи дуюм Ҳасанова Шукрона хонандаи синфи 11 муассисаи таҳсилоти миёнаи умумии №11 шаҳри Исфара, ҷойи сеюм Самиева Ирода хонандаи синфи 11 муассисаи таҳсилоти миёнаи умумии №12 шаҳри Исфара; ғолибон байни писарон ҷойи якумро Пронченка Леонид хонандаи синфи 11 муассисаи таҳсилоти миёнаи умумии №1 ноҳияи Мастчоҳ, ҷойи дуюмро Холов Раҳматҷон хонандаи синфи 10 гимназияи №13 шаҳри Хуҷанд ва ҷойи сеюмро Муҳаммадюсуфӣ Муродзод хонандаи синфи 10 муассисаи таҳсилоти миёнаи умумии 57 шаҳри Исфара сазовор гардиданд.
20180418_103031Ҷамъбастӣ даставӣ: ҷойи якум насиби дастаи ноҳияи Мастчоҳ, ҷойи дуюмро варзишгарони шаҳри Исфара ишғол намуданд. Дастаи шаҳри Хуҷанд мақоми сеюмро касб намуданд.
Ҳамаи ғолибон аз ҷониби Раёсати маорифи вилоят ва Маркази таҳсилоти иловагии вилоят бо дипломҳо, медалҳо, сипосномаҳо ва Ҷоми Олимпиада қадрдонӣ карда шуданд.

СИФАТИ ТАЪЛИМРО БОЯД БОЛО БУРД

DSCF2984Бо иштироки аъзоёни шӯрои шуъбаи вилоятии хадамот, мудирон ва сармутахассисони бахшҳои хадамоти давлатии назорат дар соҳаи маорифи шаҳру ноҳияҳо, директорон ва ҷонишинони директори гимназияи №5 – и ноҳияи Ашт, литсейҳои № 5 ва 6 – и шаҳри Исфараҷаласаи Шӯрои шуъбаи вилоятии Хадамоти давлатии назорат дар соҳаи маориф баргузор гардид.

         Ҷаласа таҳти роҳбарии мудири шуъбаи вилоятии хадамоти давлатии назорат дар соҳаи маориф Қурбонов А.О. ҷараёнгирифт.

         DSCF2983Аз рӯи масъалаи якуми кори ҷаласа сармутахассиси шуъба Баҳоваддин Хоҷаев дар бораи натиҷаи мониторинги сифати таҳсилот дар муассисаҳои таълимии вилоят, натиҷаи аттестатсияи гимназияи №5 – и ноҳияи Ашт, натиҷаи аккредитатсияи литсейҳои №5 ва 6 – и шаҳри Исфара гузориши муфассалдод.

         Дар идомаи кори ҷаласа фаъолияти семоҳаи аввали хадамоти давлатии назорат дар соҳаи маорифи вилоятнатиҷагирӣ карда шуд. Қайд шуд, ки дар семоҳаи аввали соли 2018 аттестатсияи 53 муассисаҳои таълимӣ гузаронида шуд, ки 25,2%-и нақшаро ташкил медиҳад. Аз 53 муассисаҳои таълимӣ 2 муассисаи таълимӣ шартан аз аттестатсия гузаронида шуданд,

Дар давраи ҳисоботӣ аз тарафи бахшҳои шаҳриву ноҳиявии хадамот мониторинги сатҳи сифати таҳсилот гузаронида шуд, ки дар он 49710 нафар хонандагони муассисаҳои таълимии шаҳру ноҳияҳои вилоят иштирок дошта, дар натиҷа сифатнокӣ 37,7%, азхудкунии барномаҳои таълимӣ 84,1%-ро ташкил намуд. Натиҷаи баланди сифатнокии дониши хонандагон дар муассисаҳои таълимии шаҳру ноҳияҳои Хуҷанд, Исфара, Бӯстон, Ашт ва натиҷаи нисбатан пасти сифатнокӣ дар ноҳияҳои Айнӣ, Зафаробод, Деваштич ва Спитамен муайян гардид.

Дар ҷамъбасти ҷаласа муовини сардори Раёсати маорифи вилоят Сайфулло Раҳматов барои рафъи камбудиҳо ба масъулин дастур доданд.

МАШВАРАТИ ОМӮЗГОРОНИ ФАННИ ЗАБОНИ РУСӢ

    рафти дарсҲафтаи сипаришуда дар шаҳри Конибодом семинар-машварати вилоятии омӯзгорони забони русӣ баргузор гардид. Семинар аз рӯи нақшаи филиали хуҷандии Донишгоҳи такмили ихтисос ва бозомӯзии омӯзгорони ҷумҳурӣ гузаронида шуда, дар кори он омӯзгори калони донишгоҳи мазкур Орзугул Раҳимова иштирок намуд. Семинар-машваратро мушовири фанни забони русии раёсати маорифи шаҳри Конибодом Ҳабиба Зокирова сарварӣ намуд. Инчунин, дар семинар намояндаи Раёсати маориф Рустамҷон Ҳайдаров ва 30 нафар омӯзгорон фанни забони русӣ аз муассисасхои таълимии шаҳр ширкат варзиданд.
Дар оғоз омӯзгори калони донишгоҳи мазкур Орзугул Раҳимова баромад намуда, ба кори семинар барор хост. Сипас, омӯзгорон дар дарси намунавии омӯзгори пешқадами МТМУ№49 Мавлуда Сатторова дар синфи 9 ширкат намуданд. Дарс хеле шавқовар гузашта, хонандагон фаъол буданд. Омӯзгор тавонист аз усулҳои фаъоли таълим моҳирона истифода барад. Иштирокдорон аз семинар қаноатманд гаштанд.

    Баъди таҳлили дарс омӯзгорон Ҳошимова Н., Мамадҷонова М., Ҳакимова З., Абдуллоева М. бо маърӯзаҳои пурмуҳтаво баромад намуданд, ки фарогири яке аз мавзӯи баҳсталабу муҳим «Ғанӣ гардонидани фонди луғавии хонандагон» буд.
Семинар аз ҷониби омӯзгори калони донишгоҳи мазкур Орзугул Раҳимова мавриди ҷамъбаст қарор дода шуда, барои дар сатҳи баланду зарурӣ ташкил ва гузаронидани ин семинар баҳои баланд дода шуд.

«ҚАҲРАМОН МЕШАВЕМ»

кахрамонБо чунин ном нахустин китобчаи таҳиянамудаи узви ҲХДТ, омӯзгори собиқадор ва эҷодкори МТМУ № 27-и ноҳияи Мастчоҳ Саёҳат Аҳмедова бо теъдоди 100 нусха чоп шуд.

Китобчаи мазкур, ки бо дастгирию сарпарастии Кумитаи иҷроияи ҲХДТ дар ноҳияи Мастчоҳ ба табъ расидааст, бо гулчини суханони пурҳикмати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон дар бораи илму дониш, мактабу маориф ва мавқеи омӯзгор оғоз мешавад.

Дар идома мураттиб доир ба Қаҳрамонони Тоҷикистон маълумоти муҳиму судмандро пешниҳоди хонандагон намудааст. Як хусусияти муҳими ин маҷмӯа дар он аст, ки пас аз шарҳи ҳоли ҳар як қаҳрамон порчаҳои шеърӣ аз эҷодиёти Саёҳат Аҳмедова ҷой дода шудаанд, ки хонандагонро ба ватандӯстию хештаншиносӣ, қаҳрамонӣ ва эҳтироми арзишҳои муқаддаси миллию давлатӣ даъват менамоянд.

Муҳаррир ва муаллифи пешгуфтор адиби шинохта, узви ИЖТ ва ҳайати эҷодии рӯзномаи «Нигоҳи халқ» Ҳасан Боқӣ буда, Мирзоюсуф Шарифзода — Аълочии маориф ва илми Тоҷикистон, омӯзгори МТМУ №11 ва омӯзгори МТМУ №17 Муллошукур Шокирзода муқарризони китоб мебошанд.

Маҷмӯа аз ҷониби Муҳаммадалӣ Сафарзода саҳифабандӣ ва дар матбааи «Аврангпринт» нашр шудааст.

М. ОХУНЗОДА

ДАРСИ КУШОД ОМИЛИ БОЛОБУРДИ СИФАТИ ТАЪЛИМ

 IMG_20180316_165709Дар мактабҳои ноҳияи Шаҳристон тибқи нақшаи тасдиқнамудаи идораи маориф, муаллимони соҳибтаҷриба бо мақсади баланд бардоштани савияи дониш, такмили ихтисос ва мубодилаи таҷрибаи педагогӣ “Дарси кушод” баргузор менамоянд.
Дар мактаби таҳсилоти умумии №1-и ба номи Камоли Хуҷандии ноҳия таи якчанд сол аст, ки муаллимаи соҳибтаҷриба Мамурбоева Саноат Муҳаммадиевна аз фанни география баро синфҳои болоӣ дарс медиҳад. “Дарси кушод”- и муаллима бо усули таълими салоҳиятнок дар синфи 8 доир гардида, он ба мавзӯи «Об — неъмати бебаҳои табиат» бахшида шуд.IMG_20180316_165538
Омӯзгор бештар аз ҳама дар рафти дарс ба риояи дастури одоби салом, пурсии вазифаи хонагӣ, саволу ҷавоб, зикри дарёву кӯлҳо ва навиштани онҳо дар тахтаи синф, ҳалли саволномаи тестӣ тариқи комютер, навиштани эссе дар мавзӯи мазкур эътибор дода, аз усулҳои гуногуни интерактивии таълим аз қабили муҳокимаи умумӣ, пурсиши фаврӣ, кори инфириродӣ ва ғайра истифода бурда шуд.
Лозим ба ёдоврист, ки давоми моҳи гузашта аз ҳисоби омӯзгорони пешқадами муассисаҳои таълимӣ 40 соат дарсҳои намунавӣ барои омӯзгорони ҷавони муассисаҳои таълимӣ гузаронида шуд.

Идомаи сохтмони муассисаи нави таълимӣ дар деҳаи Ҷаҳонзеб

   мактабДар деҳаи Ҷаҳонзеби ҷамоати деҳоти Лоҳутии шаҳри Конибодом сохтмони Муассисаи нави таълимӣ бо харҷи наздик 12 миллион сомонӣ маблағҳои буҷети вилоятӣ идома дошта, барои 660 ҷой дар як баст пешбинӣ шудааст. Мактаб аз таҳхона ва се ошёна иборат буда, фарогири 22 синфхона, маҷлисгоҳ (220 нафар), толори варзишӣ (200 нафар), ошхона (барои 80 нафар) ва системаи марказонидаи гармидиҳӣ мебошад.
Бояд қайд намуд, ки хишти аввали мактаби нав моҳи июни соли 2016 аз ҷониби собиқ Раиси вилояти Суғд муҳтарам Абдураҳмон Қодирӣ зимни сафари корӣ ба шаҳрамон гузошта шуда буд.
То имрӯз ба маблағи 8 млн. 400 сомонӣ кор иҷро шуда, сохтмони муассиса бо тарзи зебову замонавӣ сурат мегирад.
Фармоишгар Идораи сохтмони асосии вилояти Суғд буда, пудратчӣ ҶДММ “СММ-44” мебошад. Дар ин иншоот 60 нафар сохтмончиён фаъолият бурда истодаанд. Алҳол дар муассиса ва атрофи он корҳои ободонӣ, пардозӣ ва пӯшидани боми толори варзишӣ ҷараён доранд.
хашарТо ин дам 1083 нафар хонандагони деҳа дар мтму рақами 29 таълим мегиранд ва мувофиқи гуфти омӯзгорон шароити таҳсил мусоид нест ва дар як синфхона то 40 нафар ҷойгир мешаванд.
Аз ҷониби ҷомеаи омӯзгорону хонандагони мтму№29 ҳамарӯза шанбегӣ гузаронида шуда, дар тозаву сарсабз ва омода намудани гирду атрофи иншооти ҷашнӣ ҳиссагузорӣ намуда истодаанд.

БАҲРИ ИСЛОҲИ КАМБУДИҲО БОЯД САЪЙ ВАРЗИД

   DSCF2957Дар толори маҷлисгоҳи Маркази фарҳанги шаҳри Хуҷанд бо иштироки муовинони раисони шаҳру навоҳӣ, кормандони раёсатҳои маориф, тандурустӣ, молия, ҳифзи иҷтимоӣ, маркази санитарию эпидемиологӣ ҷаласа доир ба натиҷаҳои санҷиши прокурорӣ дар хонаҳои кӯдакон ва мактаб-интернатҳои вилоят доир гардид.
Ҷаласа бо сухани ифтитоҳии муовини Раиси вилояти Суғд Назира Ғаффорӣ оғоз гардид.
Донохон Ҷӯраева, прокурори калони шуъбаи назорати қонунҳо оид ба ноболиғон ва ҷавонон, мушовири адлияи дараҷаи 2 дар бораи натиҷаҳои санҷиши прокурорӣ дар хонаҳои кӯдакон ва мактаб-интернатҳо гузориши муфассал дод. Зикр шуд, ки дар аксари муассисаҳо вазъи санитарию эпидемологӣ, саривақт аз муоинаи тиббӣ нагузаштани кормандон ба чашм расида, бе қарори раисони шаҳру навоҳӣ ба мактаб- интернатҳо бачаҳо қабул карда шуданд. Ҳамзамон таъкид шуд, ки ҷудо намудани маблағи рӯзмарра барои хӯрока дар аксари муассисаҳо кифоягӣ намекунад. Дар мавсими сармо хонаҳои бачагон мувофиқи талабот гарм карда намешавад. Бинобар сари вақт омода накардани ҳуҷҷатҳои даркорӣ аз буҷаи шаҳру ноҳияҳо маблағи сметавӣ ба Хонаҳои кӯдакон ва мактаб- интернатҳо ҷудо нагардидааст.
Назира Ғаффорӣ аз муовинони раисони шаҳру навоҳии Конибодом, Хуҷанд, Исфара, Бӯстон, Истравшан, Шаҳристон Спитамен ва Кӯҳистони Масчоҳ, сарварони Хонаи кӯдакон, мактаб- интернатҳо, масъулини соҳаҳои молия, ҳифзи иҷтимоӣ ҷиҳати ҳалли камбудиҳои ҷойдошта пурсон шуда, таъкид дошт, ки бояд ҳар як нафар ба кори худ масъул бошад. Бо сарпарастону хайрҳоҳон робитаи зичи ҳамкорӣ бояд сурат гирад. Ба роҳбарияти молияи вилоят, Раёсатҳои маориф ва тандурустӣ дастур дода шуд, ки ҳаҷми маблағи меъёри рӯзмарраи хӯрокаи бошандагони Хонаи кӯдакон ва мактаб-интернатҳо муайян карда шавад.
DSCF2962Дар қисмати дуюми ҷаласа вобаста ба натиҷаҳои ҷамъбасти семоҳаи Раёсати маорифи вилоят сардори Раёсати маорифи вилоят Осим Каримзода гузориш дода, ҷиҳати вусъат бахшидани барномаҳои давлатии компютеркунонӣ, ҷиҳозонидани кабинетҳои фаннӣ ва озмоишгоҳҳо, ташкили мактабу кудакистонҳои хусусӣ, пешгирии ҳолатҳои ҷиноятсодиркунӣ, худкушӣ аз ҷониби ноболиғон, ташкили маҳфилҳои ҳунарҳои миллӣ, таъмини хонандагони мактабҳои таҳсилоти миёнаи умумӣ бо сару либоси ягонаи мактабӣ дар такя ба факту далелҳо андешаҳои худро баён дошт.
Муовини Раиси вилоят барои ҳалли мушкилиҳои ҷойдошта ба муовинони раисони шаҳру навоҳӣ, сардорони раёсату мудирони шуъбаҳо супоришҳои қатъӣ дод.
Бо ҳамин ҷаласа хотима ёфт.

Абдусабур Абдуваҳҳобов

ОҒОЗИ ОЗМУНИ ГИРАНДАГОНИ СТИПЕНДИЯИ РАИСИ ШАҲРИ БӮСТОН

      бустонДар асоси қарори дахлдори Раиси шаҳри Бӯстон Раъно Ҳошимзода имрӯз озмуни стипендияи Раиси шаҳр баргузор гардид. Дар кори озмун мудири шуъбаи рушди иҷтимоӣ ва робита бо ҷомеа, мудири бахши кор бо ҷавонон ва варзиш ва аъзоёни комиссия ширкат намуда, ба ҷавонон-довталабон бурдбориву муваффақиятҳо таманно намуданд.
Зикр карда шуд, ки бо дастгирии Раиси шаҳр андозаи стипендия аз 80 сомонӣ ба 100 сомонӣ барои як моҳ муқаррар гардида, дар ниҳоят 22 нафар ҷавонон, донишҷӯёни Донишкадаи куҳӣ-металлургии Тоҷикистон, шуъбаи коллеҷи тарбияи ҷисмонӣ ва хонандагони муассисаҳои таҳсилоти миёнаи умумии шаҳр ба гирифтани стипендияи шарафёб хоҳанд гардид.
Ёдовар мешавем, ки стипендияҳо ба ғолибон дар остонаи таҷлили Рӯзи ҷавонони Тоҷикистон моҳи май дар фазои тантанавӣ тақдим хоҳанд гардид.

Хонандагони мактаб-интернати шаҳри Хуҷанд 19 медал ба даст оварданд

Мактабиёни ХучандДар шаҳри Душанбе дастаи варзишии хонандагони мактаб-интернати давлатӣ барои кӯдакони имконияташон маҳдуди шаҳри Хуҷанд бо ҳайати 10-нафар дар мусобиқаи варзишии ҷумҳуриявӣ барои кӯдакони имконияташон маҳдуд, ки аз тарафи Олимпиадаи махсуси Тоҷикистон ташкил гардид, иштирок карда, аз рӯи се намуд: варзиши сабук, тениси рӯи миз ва футбол қувваозмоӣ намуда, соҳиби 19 медал гардиданд.  (далее…)

1 2