Навигарӣ

    Дар Муассисаи томактабии “Кӯдакистони Президентии шаҳри Хуҷанд” туфайли ташкилу баргузории чорабиниҳои шавқовари варзишӣ ба обутоби ҷисмонии тифлакон эътибори зарурӣ равона мегардад.

     Дирӯз ба муносибати солгарди ҷашни Ваҳдати миллӣ байни тарбиятгирандагони ду гурӯҳи кӯдакистон мусобиқаи шавқовари “Офарин” баргузор гардид. Аъзои ҳарду даста –тарбиятгирандагони гурӯҳҳо туфайли чусту чолокӣ дар иҷрои шартҳои бозӣ ҳунару маҳорати баланд нишон дода, ба дарёфти холҳои баланд сазовор гардиданд.

     Ҷиҳати амалӣ намудани дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бобати самаранок истифода бурдани заминҳои назди муассисаҳои таълимӣ дар ноҳияи Спитамени вилояти Суғд тадбирҳои мушаххасу ҳадафманд андешида шудаанд.

       Бино ба иттилоои мутахассиси пешбари шуъбаи маорифи ноҳия Фарҳод Эрматов дар ҳамаи заминҳои 44 муассисаи таълимӣ, ки 7 гектару 15 сотихро фаро мегирад, пурра кишти зироатҳои кишоварзиву полезиҳоро гузаронидаанд. Дар қитъаҳои алоҳида кишти картошка, сабзӣ, лӯбиё, нахӯд, помидор, бодаринг, пиёз, мош, қаламфури булғорӣ, турбу шалғам, кабудиҳо гузаронида, беш аз 7000 дона гулҳои ороишӣ парвариш карда мешаванд.

     Дар асоси мактуби Муассисаи давлатии «Маркази ҷумҳуриявии дарёфт ва рушди истеъдодҳо» аз 30.11.2021 № 06/1-120, бо мақсади дарёфти хонандагони болаёқат, санаи 12-уми феврали соли 2022 дар давлати Шоҳигарии Англия Озмуни байналмилалии «TEENEAGLE» аз фанни забони англисӣ тариқи фосилавӣ (онлайн) баргузор гардид.

       Олимпиадаи мазкур аз рӯи ду категорияи синнусолӣ синфҳои 5-8 ва 9-11 баргузор гардида, дар он 12 нафар хонандагони «Мактаби Президентӣ барои хонандагони болаёқат» шаҳри Бӯстон иштирок намуданд.

    Литсейи физикӣ – математикии №1 ба номи академик Муҳаммад Осимӣ аз муасссисаҳои пешқадам ва намунавии шаҳри Хуҷанд арзёбӣ гардида, хатмкунандагони он дар гӯшаву канори мамлакат ва берун аз он дар рушди иқтисодиёт ва иҷтимоиёти соҳаҳои мухталиф саҳм гузошта меоянд.

    Соли таҳсили 2021 – 2022 литсейи физикӣ – математикии №1 ба номи академик М.Осимӣ – ро 107 нафар (аз ҷумла 41 нафар духтарон) синфи 11 –умро хатм намуданд. Ҳамаи хатмкунандагон барои дохилшавӣ ба муассисаҳои таҳсилоти олии кишвар тариқи маркази миллии тестии назди Президенти Ҷумҳурии Тоҷикистон номнавис шудаанд. Бо баробари ин барои дохилшавӣ ба донишгоҳҳои бурунмарзӣ низ имтиҳони дохилшавӣ супориданд, ки аз онҳо 41 нафарашон барои гирифтани номи донишҷӯӣ ба Донишгоҳи физикӣ – техникии шаҳри Маскав, Донишгоҳи давлатии техникии шаҳри Маскав ба номи Бауман, Донишгоҳи технологияи информатсионӣ, механика ва оптикаи шаҳри Санкт Питербург, Донишгоҳи химико – технологии ба номи Д.И. Менделеев, Донишгоҳҳои энергетика ва иқтисодии шаҳри Маскав, Донишгоҳҳои техникии шаҳрҳои Уфа, Стамбул ва Амрико мушарраф гардиданд.